Fresh Coffee Shop

龍變蟲!

2012-01-24T15:57:00.004+08:00

龍年剛到，
習俗上都要向大家說些祝福話，
祝大家:
龍馬精神，
萬事如意，
心想事成，
身體健康。

今年龍年，
聽得最多嘅就係生返個龍B，
香港人話就話唔迷信，
講到尾都依然受傳統思想影響，
龍年出生嘅BB一定會叻啲嘅?
龍年出生就會係人中龍鳯咩?
龍年出生就會做首特或者中國領導者?
大家心中有數，
唔好人生你又生，
要睇係兩公婆預備有好未，
有無條件生先得，
係人都知養大個B要幾百萬，
如果無返幾十萬八萬多餘錢係身，
你生乜鬼呢?
你估生股脹咩?
生咗出黎邊個養呀?
唔係又要政府幫手呀?
咪玩啦!

養都唔易嘞，
教仲攞命呀，
依家好多做人父母自己都唔識點做人，
仲講教育下一代?
近排通街一家大細行街咁，
見到唔知幾多"金玻蘿"，
一有啲唔老黎，
條細路就發出海豚音尖叫，
鬼殺咁嘈，
當街當巷拓地發皮氣，
有啲仲出手打老豆老母呀，
但係父母就乜都任佢黎，
寵到成個生骨大頭菜咁，
咁樣寵佢溺愛佢，
就算係龍都變蛇啦，
仲要係臭皮氣大懶蛇一條。

所以話唔好人生你又生，
睇吓自己預備好未先啦，
唔係生嚿叉燒好過生仔，
到時乜龍乜鳯都無鬼用!
醒下啦，
唔好湊熱鬧嘞，
你估生暗瘡咩!

阿爺剩低俾我的，吹咩？

2012-01-20T10:49:00.005+08:00

點解要公平？
我唔要公平，
我要保衛我地d原本權利，
哩一大片土地係阿爺老祖宗剩低俾我地d男丁，
幾百年來我地話點就點，
我地有權係上面做乜都得，
話知我起大屋起魚塘，
甚至做廢物回收，廢車場，
我地想點就點，
咸豐爺管唔到我，
紅毛鬼都管唔到我，
你班庸官敢"gi吉" 我？
係哩度我地大X哂，
想點起就點起，
想幾高就幾高，
乜野叫僭建呀？
我都唔知你up乜九！
塊地我阿爺剩落俾我，
我想點就點，
哩度我就係法律！

你想講法律丫嘛，
我又同你講，
基本法都話要保障我地權利，
所以一向我地話點就點哩種權利就應該保留，
你話係唔係先？
年年分太公豬肉，
歲歲等派地起丁屋，
得閒打下排九，
哩d就係我地既權利勒。
我話過你知丫，
你班狗官仲唔識趣的話，
我擺個二三百萬出黎搞掂你，
車~ 幾百萬打官司算係乜丫？
起個魚塘都要哩個數啦，
我俾唔起咩！

乜野叫公平？
乜野叫特權？
有咩？
我地幾百年都係咁做架啦，
以前又唔會有人講？
你地想剝奪我本身權益呀？
夠pop你就試下羅，
你咪行入我地頭呀，
有乜事發生咪懶我呀，
知唔知呀盲丙！！

送禮的煩惱!

2012-01-17T10:22:00.004+08:00

最近有無俾超市內的"年貨山"嚇倒?
什麼是"年貨山"?
咪就係啲送禮裝糖果、餅乾、曲奇、麻薯、朱古力......囉!
一到新年超市就入定哂貨，
貨倉放滿哂就放埋出黎，
唔單止係行人走道放滿哂，
仲疊到成座山兩樓咁高，
係入便行都有啲驚，
唔知幾時會掉幾盒落黎，
到時真係"紅運當頭"囉。

講開哩啲送禮年貨，
平時都唔會成日買，
至多間唔中買一兩盒食吓，
但係一到新年就會大量入貨，
中國人講人情講體面，
家爺仔乸親朋戚友要送，
上司同事要送，
女友男友父母要送，
唔送人家又會話你唔識做，
上司更可能唔睇你，
真係諗起都頭痕呀!

但係送乜好呢?
送糖送曲奇送酒送乜都好，
總之要送，
有錢嘅就送果籃，
一枝洋酒加幾個乜鬼日本生果都要五六百蚊，
再豪啲就加盒魚子醬，
一千幾百以至幾千都有，
咁厚嘅禮送俾邊個?
唔係女友父母就係上司，
禮下於人必有所求，
大家心照啦!

不過收收埋埋哩啲禮又有幾多人真係自己食呢?
估計好多人都係轉頭送返俾人，
可以慳返唔少錢，
所以隨時有機會會收返自己送出去嘅禮架!
但係，
送禮都要講心思，
有啲人送禮俾老人都送曲奇餅、糖果就真係無心，
人家七老八十都無哂牙啦，
又高血壓又糖尿病周身老人病，
仲送哩啲咁嘅嘢俾人食係咪想佢死快啲呢?
亂送不如唔好送，
唔係變咗好心做壞事，
累死人架!

計我話最好送禮券，
一來環保啲，
唔會買埋啲無人想要嘅"垃圾"，
二來又方便攞，
唔洗攞到手仔軟，
三來人人啱用，
一年到晚總會有機會幫襯到超市，
揸住張禮券自己落去買，
自己方便人家開心。
不過就可能益咗啲大集團超市囉，
除咗咁樣，
大家仲有無乜嘢好諗頭吖?
講出黎指教吓啦!

粒子分離傳送重組儀！！

2012-01-13T10:04:00.005+08:00

這不是一個笑話，
而是真實發生過的事情，
在網上看到的，
寫下來給大家分享下。

X君是典型新一代年青人，
對網絡，智能手機，平板電腦等科技熟練非常，
堪稱電子潮流專才。
今天是X君畢業後第一份工的第一天工作，
X君很用心勤力地工作，
老闆叫他把一頁報價單傳真(Fax)給客人，
X君把報價單插入傳真機，
按了號碼後再三翻check,
見號碼完全正確後，
他大力按了那綠色按鈕一下，
報價單隨隨被傳真機吞下，
但卻又在下方走了出來，
Beep一聲後傳真機停止了所有動作，
報價單完完整整的回到傳真機下，
X君覺得很疑惑，
他看看傳真機的顯示儀，
上面明白寫著傳真完成的，
為何會這樣呢？
X君不是半途而廢的人，
他一定要完成老闆給他的工作，
如是這把剛才的動作重復又重復了十多次，
可是結果還是一樣，
X君完全不明白為何傳真了出去的東西還會留在原地，
為何不能把那張報價單傳遞到客人公司裏去呢？
是公司的傳真機壞了嗎？
要找人來修理一下嗎？

就在這時，
老闆房裏的電話響了起來，
客人很勞氣的問老闆為何同一頁報價單要傳真十五次之多？
為何要浪費他們的Fax紙，
直到此時，
老闆還未知發生了什麼事，
他探頭到房外，
看見X君正嘗試把一個文件夾塞進傳真機那條隙縫中。。。

大太子的"自白書"！

2011-12-30T14:44:00.007+08:00

冤枉大老爺呀~
你們怎可以這樣對我？
為什麼不讓我參加父皇的葬禮呀？
這也太絕情吧？

你們怕我什麼？
謀朝篡位？
還是怕我和三弟爭奪皇位？
我才不要當什麼土皇帝，
從前父皇逼我出朝輔政，
我是萬般不願意的，
只因我是大太子才被逼上馬，
我不好權力，
不好高位，
什麼國家大事，國際形勢都是亂七八糟的，
教人吃力麻煩頭痛傷神，
我才不要自討沒趣，
我只愛吃喝玩樂，
玩美女，遊走於聲色犬馬，
優哉柔哉，
在那十幾年，
我可沒有做過什麼大事啊，
這不是很好的証明嗎？
我根本不是做皇帝的料子啦！
什麼?
國內有有饑荒嗎？
我不知道啊，
看看我的大肚子，
快有四十腰了，
這不是開玩笑的
國內除了我爸，二弟，三弟外，
從來沒有見過這樣豐厚的腰肢呀，
厲害吧？
其他人都是瘦瘦的，
不知何解！

電視向全國直播盛大的送殯場面，
偉大的父皇要離開我們了，
真教全國人民熱淚盈眶，
痛哭得鼻涕也快滴到嘴角，
還好天氣冷，
鼻涕結了冰，
未流入口裏。
回想起父皇身前對我的一番訓話，
「你這廢物！只曉做兩件事:
把食物放進嘴裏和把你的雞雞放入女人身裏，
其餘什麼都做不成，不配承接皇位！」,
我很開心聽到這番話，
父皇終於明白我心裏的想法了，
之後我落得更逍遙，
盡情進進出出，
什麼都不用做就可以享盡人生，
這是千世修來的福呀。

二弟也不是做皇帝的料子，
父皇把一切希望寄托到三弟身上，
我不知道他喜歡不喜歡做皇帝，
更不知道他有沒有這能力，
和他不太熟，
乳臭未乾的小子沒有什麼功績，
不是父皇的安排，
他有可能承接皇位嗎？
大家千萬不要誤會我，
他做我可沒有不服呀，
我又不恨做，
誰做大皇我無所謂，
只要有至好的吃，
有無數至美的女人相伴就可以了，
我要求不太高吧？
請大家放一千萬個心，
我不會作亂的，
雖然下著大雪，
父皇屍骨未寒，
我那會做什麼呢？
信我，
我真的是忠的，
我不會做皇帝！

懂"神打"的羊扒!

2011-12-29T14:32:00.006+08:00

我們是一疊羊扒，
大大小小的疊在自助餐的熱葷盆子裏，
但我們不是普通的飯夫走卒，
而是擁有金剛不壞之身，
兄弟姊妹們都識"神打"，
前後拖刀，
左右開弓都不行，
我們皮粗肉硬，
不單牙齒咬不開，
更是刀槍不入，
餐刀餐叉都不能動我們分毫，
如果有年長者嘗試咬開我們，
就是自找麻煩，
牙齒脫落事小，
弄得滿口鮮血事大，
自討苦吃，
保險不賠。

我們有個很偉大的使命，
就是要長久保持自己那盆熱葷盆常滿，
6:30開始，
客人就如狼似虎的開吃，
爭先恐後的把在面頭的兄弟拿回座位享用，
但當他們嘗過我們金剛不壞之身後，
就不得不放棄了，
犧牲了幾位兄弟，
客人就不敢再拿，
但總有嘴硬的想和我們拚一拚，
刀叉切不開就用雙手，
牙齒死命咬住不放，
雙手拚了老命向外撕，
有些兄弟給撕飛到隔壁的枱面去，
嚇得人家雞飛狗走，
我們這群羊扒兄弟可不是省油的燈，
本身已經肌肉堅硬、多筋多腱，
加上爐火 overcooked 十八個鐘，
練就一身銅皮鐵骨，
不是一般"武器"可以傷害到我們的，
經過一番盤腸大戰後，
結果孩子痛哭，
大人開駡，
老人甩了大牙，
我們就成功了，
大大減少自動餐廳的成本，
好看不好吃，
不用不斷加菜，
老闆賺了大錢，
樂哉!

還要一提，
和我們同門還有西欄牛扒和火雞，
他們功力也不遜，
堅硬如盤石，
又乾又硬又柴又難咬，
吃下去也不能消化，
直落直出，
腸胃不好更會造成便秘，
各位自助餐的貴客，
我們兄弟祝君健康!

九流小說: 向處女生涯說 Goodbye!

2011-12-24T18:34:00.007+08:00

「我今晚一定要失身!」，
小休出門口時堅決的對自己說着。

小休芳齡十六，
眼睛大大，
皮膚白嫩，
樣貎可愛，
胸口也有34D，
所謂有前有後，
絶對是人見人愛、車見車載，
無奈自春情初發至今兩年，
她都交不到男朋友，
就連班上至cheap的儍強也不要她，
都怪自己貪吃，
日日口不停，
天天把薯條、蝦片、雪糕往嘴裏送，
搞到自己體重直升130，
但身高只有155，
好聽就說肉地好超可愛，
難聽就笑她豬扒醜八怪，
男同學取笑她，
女同學疏遠她，
還好蘇姗是班裏唯一的好姊妹，
她雖然生得一副"口靚模"身材，
腰幼腿又長，
上圍跟自己一樣，
但身高165，
體重只有90，
蘇姗她是搶手貨，
男同學都好像螞蟻見蜜糖咁纒着她，
但她通通看不上眼，
只愛"老男人"，
愛他們成熟穩重，
小休没有見過她口中的"老男人"，
只是聽她間不中提起過，
她也厭惡班裏幼稚的男生，
很想出去看看真正的世界。
今晚蘇姗就說要帶小休去見見世面，
她uncle在尖沙咀開了間樓上酒吧，
什麼型男、索女都在那兒流連，
本來她們未夠秤不能上的，
只因蘇姗uncle是老闆，
今晚平安夜人多又高興，
所以才讓她們開開眼界。
小休知道有此良機後，
開心了好幾天，
還到便利店買了不同款式的保險套，
黃的、綠的、無味、檸檬、超薄、大細......
害羞?
那會有人理你買什麼，
搞出人命才羞家，
十六還是處女更失禮，
小休天不怕地不怕，
只怕做老處女，
過廿歲還是處女比死更難受，
代表無人要是豬扒怪女，
失了身就是好，
至少可以在同學面前示威一番，
恥笑他們無知無眼光唔識貨。

這兩天媽媽都要返通宵班，
小休一個人在家化了濃妝，
淡紫色眼影加桃紅口唇膏，
兩脥飛紅再薄上銀粉，
指甲桃紅貼上銀色水鑽，
在尖沙咀買了件粉紅色連身低胸超短迷你裙，
兩邊乳房各露出一大半，
她對着鏡子左照又照，
半蹲身雙臂一挾，
本來已經很豐滿的胸部中間立刻挾出一條很深的乳溝，
小休她很滿意很有信心，
她今晚一定可以得償所願，
臨行時還對着鏡中的自己飛了一個吻，
隨即穿上了高跟鞋誇出門口，
她要開創自己的新一頁，
向處女生涯說goodbye，
祝她平安夜好運，
Good Luck!

老媽語錄: 冬至。

2011-12-22T15:08:00.003+08:00

冬至想起......

造(做)冬:
兄弟姊妹長大了，
各散東西，
老媽子一向也沒有"冬大過年"的想法，
所以很久沒有做冬了，
要做嗎？
很難集齊幾兄弟姊妹了，
尤其是我大佬，
團年飯也會找不到人，
做冬變成奢想，
老媽子也放棄了。

湯圓:
做冬要吃湯圓嗎？
我在這幾年才清楚知道，
家裏從來不做湯圓的，
就算曾經有過，
次數一定少得可憐，
少到我不認識湯圓和冬至的關係，
老媽子很少要吃湯圓。

還有什麼？
想不起來了，
還是家裏根本沒有重視過冬至呢？
別人家是這樣嗎？
還是我家有點怪？

新鮮媽十多歲便從鄉里到港謀生，
自食其力，
還要寄錢回鄉養家，
她不拜神，
不拜祖先，
家裏沒有地主，
更沒有祖先靈位，
她只相信自己一雙手，
鬼神於她無用武之地。
對一些古老習慣和風俗，
她也不太認識，
冬至是否要做節她不太重視，
只想子女有空便和她吃餐飯就好了，
但不要讓她煮，
她不愛煮飯，洗衫的家務，
她自小就是個"小男孩"，
愛混著表兄弟上山下河四處逛！

今晚冬至，
沒有特別，
和平時一樣過。

我錯了!

2011-12-20T11:08:00.008+08:00

昨天看唐唐嘅造勢大會，
嘩~~ 真係萬人空巷呀，
政商界名人、電影，歌唱明星都空群出動，
成個場館粒粒都係各界巨星，
平時要集齊咁多"偉人"真難過登天，
今次簡直睇到我流眼淚呀!
就連九十幾歲嘅"港英餘孽"鍾爵士篤住枝拐杖都黎支持，
仲中氣十足咁贈佢一句「靠得住」，
而唐唐都話自己雖然講嘢唔叻，
但係做嘢都幾有能力喎，
睇見咁嘅場面，
見到咁多猛人撐佢，
我開始懷疑自己嘅眼光了，
唔通我真係睇錯佢?
唔通佢真係好有能力?
撐佢嘅名人個個唔係有錢就係有面，
在政治、經濟以至演藝界都是響噹噹大人物，
佢哋嘅觀察力和判斷能力一定比我高出幾千萬倍啦，
如果佢哋都話唐唐適合做特首，
係咪代表我哩個井底之蛙完全睇錯唐唐呢?
我很懷疑!!
我很懷疑佢哋個腦諗緊乜?
我睇到很多有權有勢有地位嘅人嘅睇法和升斗小市民完全相反，
但佢哋嘅意見有人聽，
我哋就連發表意見都無人理，
所以......
我開始懷疑我嘅睇法係"錯"的，
因為我可能"錯"，
就算我有權選特首都會"錯"，
所以根本唔需要全民直選，
依家我明白了，
點解有些人話選舉未必能夠選到賢能，
因為所有無權無勢嘅小市民都是"盲"的，
因此......
有無直選都唔重要啦，
任由上面有權有勢嘅特權上等人揀就無問題，
小市民乜都唔洗做，
亦無資格，無智慧做，
任人家擺佈就可以嘞，
哩啲咪叫做"有效率"囉!!!

食屎和飲尿硬是要你揀一樣，
你會揀邊樣?
不過依家無得你揀，
嚿屎我哋食硬，
死未?

茶竂小點!

2011-12-16T08:57:00.003+08:00

是"冬菇亭"一角的茶竂，
木枱密麻麻的由店裏伸展到無邊界的外出，
没有高叉旗袍"支客"，
没有豪華裝修，
没有點心紙，
只有水滾茶靚，
只有無拘無束，
還有推着點心車仔叫賣的阿嬸，
蝦餃、燒賣、雞扎、蘿白糕、鹹水角、皮旦瘦肉粥......
要了蝦餃、燒賣、瘦肉粥，
邊吃邊看見身後師夫即場造手捲腸粉，
白漿迴蕩於滾熱的白布上慢慢凝固，
鐵蓋一開，
熱氣騰騰，
師夫把叉燒、鮮蝦、牛肉分佈在剛蒸好的粉皮上，
不透網片把大粉皮割了幾刀，
然後以純熟的手法一一把不同的"內容"捲好，
放在碟上由客人自選，
白裏透紅、晶瑩剔透，
我選了鮮蝦腸粉，
新鮮嫩滑有意思。
吃得半飽時碰見了鹹水角，
要了一客，
味道不錯，
可惜涼了，
有點油膩，
不過這種的簡單風格也令人回味，
不俗，
應該會再來的。

讓座! 抵讚!

2011-12-12T10:46:00.004+08:00

講兩句好事!

時常駡年青人無禮貎無修養，
其中之一就是不讓座，
尤其在人多的地鐵上更甚，
明明見到有老人家站在面前，
左搖右擺快要跌倒的樣子，
他們就是視而不見，
還立刻閉上眼睛當没看見，
有些更衰格的，
一上車見有位就搶先坐下去，
差點把附近的老人家撞倒，
毫無悔意還當理所當然，
這樣的人渣見得太多了!

不過也有好的，
和老媽坐地鐵，
人多無位就扶着她站在車廂邊，
對面一位年若廿多歲穿著入時的黑衣青年，
立刻把自己的位置讓出，
喚她坐下去，
當然有點感動，
我即時向他說了聲謝謝!
雖然這不是什麼"大事"，
但這樣主動有禮的年青人真的愈來愈少，
很值得稱讚，
而且比那些夫婦帶着小孩，
但小孩總不愛安靜坐着，
硬是要穿着鞋站在椅上的好多了，
椅子給鞋弄得污跡斑斑，
夫婦兩人拍吓蘿友走人，
隨後的人要坐也没有辦法，
從小父母就是這樣，
孩子大了會變成如何?
還會顧及別人嗎?
更不可能會讓座給老人，
這就是家教了!

選佢老表!

2011-12-11T18:31:00.005+08:00

今天有選舉嗎?
我不清楚，
没有人通知我，
因為今次我無選舉權，
其實大部份人都無，
只有少數人有，
有些還有兩票或更多，
有誰可以Tell Me Why??

有人說選舉未必能舉出賢能，
是的，
臭屎密蓋，
總有騙人高手當選，
不過選民有權把人拖下來，
也算亡羊補牢。
看看兩屆特首是什麼貨色，
他們不是由全港市民選出來了，
賢嗎?
能嗎?
還要連任，
我們只能啞忍，
忍到口唇咬出血絲來了，
自己選出來的，
錯了我認命，
人家硬是安排下來的，
我撞頭埋牆!

下屆特首是誰?
蠢嗰個囉，
中大民調說奸嗰個得心民多一點，
但大家都知阿爺硬是要蠢嗰個"當選"，
Why?
Easy to control呀，
白痴都明白!
面對如此困境，
我什麼都做不了，
就連那1300位選委會橡皮圖章我也没權選，
我算是什麼?
一塊粘板上的豬肉，
任人"豬肉"，
好X興!

還好我仲有權係度發UP風，
如果在內地，
我便人間蒸發了!

犀利人妻的盲愛!

2011-12-07T08:38:00.005+08:00

一段婚姻出現了"小三"，
潑婦駡街般動手動腳又如何?
找姊妹淘插手又如何?
何其難看，
何其低樁，
這樣可以解決問題嗎?
為何要對一個背叛了自己的人留戀呢?
為何還要捍護一個變了質的婚姻關係呢?
一次不忠，
百次不容，
死纏爛打又何用?
對自己好一點，
外面天空海闊，
為何要死命守住一座孤城?
讓自己多一點尊嚴，
給自己追尋更美好的未來吧!

老媽語錄: 願望與暖包!

2011-12-05T11:05:00.006+08:00

冷天真的到了，
做了一點事。

買了兩包暖包，
是貼在衣服內用的，
有暖七小時和十二小時的，
老媽血氣不好，
手腳不夠暖，
除了多吃補品外，
她也天天耍太極。
送她暖包，
讓她晚上睡眠貼在被內，
手腳不易冷僵，
她不愛用暖爐，
說一年只用幾個星期，
太浪費了，
更不敢用電毯，
好像很危險，
蓋在身上很不安心。
她有暖水袋，
但也怕她裝熱水時燙到，
有點擔心。
暖包作用不會太大，
但比較讓人放心，
也可以帶上一點温暖。

拖着她的手，
手温没有從前的暖和，
感覺她這兩年真的老了，
用自己温熱的手掌緊緊拉着她，
想温暖她涼涼的手掌，
握得有點緊，
不可以甩掉，
拖完右手轉到左手，
直至兩隻手掌都暖和一點，
願望是可以拖得更長久!!

四分鐘滑過三年！

2011-12-02T10:27:00.004+08:00

舊的，
有人回味，
有人拋掉，
可是。。。
剪不斷理還亂，
時間是否真的可以洗滌心靈？
兩年？三年？五年？十年？
似水流年。。。
在某個繁星點綴的夜空下，
可曾想起過從前的浮光略影？
心裏有沒有半點悸動過？

童言!

2011-12-01T09:04:00.006+08:00

地鐵的車廂裏擠滿了人，
一個四五歲的小男孩坐在媽媽身傍，
臉部卻露出痛苦的表情，
雙腿不斷夾得緊緊，
身體還在左右搖擺着，
「媽媽! 媽媽! 我尿急呀! 我要尿尿!」，
傍邊那個穿着入時的少婦道:
「出門時早叫尔去廁所，你不去，依家邊度有得你去? 忍多一陣啦!」，
「我忍咗好耐了，我就快忍唔住呀....我要尿尿,..」，
「怕咗你啦，下個站落車係月台邊痾嘞!」，
小男孩唯有苦着口面忍着，
在車廂四周的人看着他都有點不忍心，
但也没有辦法幫忙，
車廂擠得滿滿，
人貼人的樣子，
如何可能讓孩子尿尿呢?

過了不久，
小男孩忍得滿臉紅透了，
眼淚水都快標了出來，
大聲的說:「我依家要尿尿...」，
「車廂唔可以尿尿呀，尿到地上，差人叔叔拉你架!」，
「咁我尿到你嘴巴裏去囉!」，
「衰仔! 邊個教你咁講架?」，
「我噚晚見到爸爸都係將佢個大雞雞放入媽媽你嘴裏啦，你都無反對!」，
四周的人聽到這番話都苦忍着偷笑，
但有些麻甩佬卻看着那少婦笑意淫淫，
害得她無地自容，
從來没想到自己的閨房樂會供諸於世，
她很想立刻找個地洞竄進去，
可惜在這擁擠的車廂她逃不了，
羞辱之餘，
只好立刻用手把小男孩的嘴巴掩住，
低着頭不敢望向四周，
然後......
在下個車站拉着兒子狼狽的逃出車廂了。

妳不愛我!

2011-11-30T10:04:00.004+08:00

很多很多年前，
一個女生這樣對我說:
「你根本不懂什麼是愛情!」。

愛一個人不會計較付出多少，
不會計較有没有回報，
也不會計較值不值得，
但她愛你嗎?
你為她付出了一切，
她真的愛你嗎?
至少她曾經愛過你嗎?
如果没有，
你付出的算是愛嗎?
兩個人，
只有一個人有愛，
那是有意思的"愛"嗎?
可以叫做"愛"嗎?
還只是一種"自虐"?
永遠永遠的沈溺在無限的苦海裏，
永遠的一個人狼狽下去，
那又何必呢!

豬狼對決!

2011-11-28T09:55:00.006+08:00

本來唔想講政治，
因為好悶又好煩，
不過有時又幾搞笑，
早前見某週刋個封面標題很"煞"，
名為"豬狼對決"，
看見就笑了出來，
形容得太貼切了。
昨晚吃飯時看電視新聞，
有記者竟然大膽問唐唐是否"豬"，
笑得我飯也噴滿一枱，
如今的記者真是很直接，
這樣搞笑的問題也敢問!
唐唐說他屬龍不屬豬，
仲揾埋周星星撐場，
周生話自己唔同蠢人做朋友喎，
咁即係話人家無當你係朋友囉，
只是俾面派對喳!
龍生九子，
各有特色，
龍也有很笨的，
只是自己不知不認而已!

另一邊廂，
英英也不認為自己是狼，
他說熟識他的人都不同意這說法，
還說港人不要蠢特首，
言下之意即係話對手蠢到唔係自己手腳啦，
表面睇，
英英真係醒過過唐豬好多，
講嘢有紋有路，
唔會口窒窒兼亂咁豬噏，
唔理真心定假意，
邊個有腦邊個豬腦真係好易分，
不過會唔會有人扮豬食豺狼呢?
睇黎都唔似嘞，
睇返隻含住金鎖匙出世嘅豬嘜咁多年嘅往積，
就知佢真係豬過豬頭丙，
不過佢勝在無腦無咁大殺傷力，
佢做就安心過豺狼做，
最多乜都做唔到咁囉，
兩隻動物真係各有千秋，
好難搞呀，
令人哭笑不得!

究竟結果會是豬還狼勝出呢?
還看後來各出什麼奇招了!
我們無權選的蟻民，
唯有苦笑!

九流小說: 血饅頭!

2011-11-25T08:20:00.008+08:00

有人問我為何昨天那篇文張那樣火，
讓我給大家講一個真實的故事吧!
這是一個從前的故事，
也是一段真實的歷史。

那一年日本鬼子入村了，
村裏的大部份的糧食差不多全數給掏光，
人們生活愈來愈艱難，
初初是食雜糧薯仔、穀糠，
後來什麼都吃光了，
只有到山邊找草根樹皮來吃，
樹皮草根也快没有了，
只好食泥，
用水把黃泥煮滾後，
加入少量草根可以果腹，
吃得每個人的肚子都漲鼓鼓，
黃泥在胃裏不能消化，
也没法排出體外，
男女老幼的肚子大得像懷孕了一樣，
但四肢和臉脥卻骨瘦如柴，
眼珠無神混濁，
没有一點血色，
人都快要死了。

八歲的小花原來家是是造餅的，
蘿白頭來了之後没有生意做了，
人家連吃都沒有得吃，
那能買糕餅吃呢?
況且餅店大部份的麵粉、沙糖等材料都給拿走了，
只餘下少量劣質變壞的麵粉，
這已是不幸中之大幸，
一大家小就是依靠這少少的餘糧過活，
每人一天也可以分到兩個自製的饅頭，
生活艱苦但還未至餓死。

一個死寂的傍晚，
天空給夕陽映得血紅，
小花拿着一個媽媽給的熱騰騰饅頭，
邊吃邊走到家門前的石梯級上坐下來，
她看着血紅的天空時覺得很奇怪，
為何今天的天空特別紅呢?
就在此時，
她手上的饅頭忽然消失了，
定神一看，
原來給另一個小女孩搶走了，
她大約比小花小一兩歲，
但身形卻十分細小，
肚子很漲，
面色如焦，
目光呆滯，
衣衫殘破，
她把饅頭搶到手後未及走遠，
便在離小花不遠處張口狂吞，
可是當她咬下第一口時，
不知那裏湧出四五個少年來，
看見他們都很餓的樣子，
七手八腳的都在搶那女孩口中的饅頭，
小女孩死口不放，
無神的雙眼突然目露兇光，
牢牢的咬住口中那個饅頭，
那幾個少年見她那樣頑強就一起把她推倒地上，
用拳頭不斷打她細小的身軀，
有些更用腳去踢她鼓漲的肚子，
一腳一腳踢得邦邦作響，
小女孩臉上露出痛苦的表情，
口角還露出一絲絲的血絲，
但她就是不肯把饅頭吐出來，
最後那群少年無計可施就想用手把她口中的饅頭摳出來，
可是小女孩硬把嘴巴緊閉，
少年們看見饅頭都給她吃下肚子去了，
再摳也摳不到什麼來，
唯有放棄散去，
臨走時有個少年還狠狠的再向她肚子補上一腳，
小女孩忍了這最後一腳，
臉頰也給夕陽照得血紅，
佈滿血絲的嘴角露出半點滿足的微笑，
她雙眼直直的望着小花，
没有發出半點聲音的躺在地上，
一直躺着......
永遠再没有起來了。

完!

真"仆街"!

2011-11-24T08:23:00.005+08:00

圖片來自台灣仆街少女網頁

我忍咗好X耐，
最終忍唔住要X兩嘴，
哩個世界真係有啲人無聊到咁，
食飽無憂米到咁仆街，
咁多嘢唔去玩，
玩"仆街"，
最大鑊係好多人欣賞，
有樣學樣仲做埋粉絲團，
仲話好有創意喎，
真係仆X哂街!

廣東人"仆街"嘅意思大概係:
大鑊、行衰運、做事不順、行路打倒退、衰到貼地仆落街......
總之唔係好嘢，
但係依家有人反而攞黎玩，
聽聞緣起自日本嘅"漂浮少女"喎，
整個人跳高係空上，
然後用影相機定格影低，
看起來好似人停留在空中一樣，
玩吓玩吓就玩到仆街了，
成個人板直咁仆係街度，
搞到好似條死屍咁，
啲人覺得好有特別有好創意喎，
挑隙星吖，
我就睇唔到有乜創意嘞，
哩啲少女多數都係食飽等屎痾，
無聊之極，
父母養佢哋都哂米飯，
好做唔做，
如果佢哋試過揾朝唔得晚，
成家餓到無飯開，
行路手軟腳軟仆係街，
仲會唔會咁戇居玩仆街吖?

仆係度影張相又點呢?
點有創意呢?
又代表咗乜嘢思潮情緒呢?
代表咗乜嘢含意呢?
要反映表逹心思創意有好多方向，
玩"仆街"我就睇唔到乜嘢創意嘞，
咁得閒快啲出去揾錢養家啦，
食爺飯著奶衣仲要玩白痴嘢，
浪費地球資源!
戇尻! 無聊!

面對另一半的屎尿屁!

2011-11-23T10:09:00.009+08:00

屎尿屁是個人私事，
還有點髒髒的感覺，
當然不會是談話的好話題，
誰要知你的屎尿屁事，
但大家有否曾經和另一半談過這些呢?

剛從廁所走出來便歡欣的對另一半說:
「我剛才痾了一"篤"很長很長的屎呀! 足足有三十公分長呀! 你要看看嗎?」，
(你怎知道? 難道用尺量過嗎?)
或者一手牢牢捉住另一半的手腕，然後說:
「我要放個響屁呀，係又響又臭那種，你要嗅一下嗎?」，
(請你把手放開，我快閉氣不了!)
一邊出盡力痾尿一邊大聲說:
「看我力度幾勁!」，
(想要射穿座廁!)
聽到另一半說這種話大家會有什麼感覺?
很嘔很想吐?
還是覺得好懊惱?
會否有想死的感覺?
想過禁止對方再說這些有點變態的說話?
又有没有人相反?
覺得很"甜蜜"呢?
屎尿屁是很自然的事情，
予生俱來，
是人類進化的一部份，
平常不會亂對別人說，
否則可能會遭人白眼，
就算對父母也不會說吧?
多數只對自己最親的人才說，
如果另一半和你說這些屎尿屁，
你會感受到對方的無限愛意嗎?
這是動物遺傳下來的行為習性嗎?
就如猴子亙相擦屁股，
羚羊亙相嗅下體的行為同出一轍嗎?
也許只有人類或動物學家才知道答案了!

不管如何，
現在的問題是:
你在日常生活中有没有這樣做過呢?
或者你的另一半有没有這樣對待你呢?
你的感覺又是如何呢?
一起來討論一下啦!
哈哈哈~~~

女人的煞手鐧!

2011-11-21T14:26:00.007+08:00

一條很有趣的問題:
「如果世界没有男人，女人還要減肥嗎?」。

很多女性以為瘦為美，
姑且勿論如何為美，
但大部份女性自古扮靚都有着目的的!
前從說"女為悅己者容!"，
現代女人則說:「女為自己而容!」，
女人如今當然不是男人的附屬品，
不再需要只為討好男人而扮靚，
扮靚可以是為了自己開心，
增強信心和風采，
没有男人，
女人也可以靚。
可是，
若果這個世界真的没有了男人，
女人扮靚的衝動還有嗎?
女人扮那麼靚給誰看?
給自己看?
給女人看?
再靚的女人没有異性讚賞，
總會有點可惜和失落，
智慧女人是不缺了，
美貎又是另一項絶招，
要美貎和智慧並重，
雖然大部份港姐都没有，
或者兩樣都没有，
不過天生女生就是要用來吸引男人的，
不理是公子哥兒、麻甩粗鄙，
就是要男人拜倒石榴裙下，
這也是智慧的一種呀，
男人在美女面前都變得很笨!

女人天天護膚、日日修身，
廣告都說用了護膚品可以年青十年，
年輕十年為了什麼?
又不是長生不老，
不就是要給別人看，
給男人還是女人?
還是給自己?
男女老幼通殺，
給全世界的人看自己還年青有魅力吧!
不過最重要的target還是男人，
不一定是要釣"金龜"還是什麼，
女人就是要人覺得她吸引，
年青的美又好，
成熟的美又好，
總要有吸引力有attention，
要焦點要重視要目光，
不要做一個寂靜無聲的女人，
就算不能吸引萬千寵愛在一世，
至少要吸引到一個人，
一個愛她的男人，
是屬於自己的男人不是什麼人，
愛她愛到無界限的男人，
不過很難，
男人易受美貎吸引，
但不會持久，
今天愛這個，
明天看那個，
再美都會老，
再好都會有更好，
女人很難接受這事實，
不過這是真實的，
要縛住一個男人只有情，
男人易心軟，
一縷温柔加半點楚楚可憐的柔情，
小鳥依人最煞男人，
年華逝去了也可以很誘人，
當他覺得自己對您很重要時，
男人永遠捨不得離去!

女人 ~ 不要扮演強者!

意外 ? "意內"!

2011-11-16T06:52:00.004+08:00

身傍忽然傳來一聲刺耳的煞車聲，
跟着左眼的餘光看到一幕驚心動魄，
一個小女孩被一輛黑色轎車撞個正着，
腦海靜止在剛剛看到的定格:
小女孩的身軀打橫的停在空中，
下午身則給車頭撞正，
時空好像完全凝住了，
我看得目定口呆，
瞬間又聽到一聲女人的尖叫聲，
被定格了的畫面忽然又回復正常，
小女孩翻了兩個滾，
落在車前幾呎之外，
一個女人從馬路中心飛撲到小女孩身傍，
小女孩竟然意外地自己爬起身來，
好像没有發生過任何事情一樣，
還說:「我没有事啊!」，
她媽媽給那情景嚇得完全慌亂，
像個瘋婦般邊駡邊哭邊給女兒上下身摸着，
而轎車司機也隨即走下車到來，
蹲到母女二人身傍問候，
看看有没有要幫忙的。
後事如何?
我没有看，
因為已經有很多人圍上去看要不要協助了，
我唯有繼續趕自己的路。

現場是一條大斜路，
没有斑馬線，
不是過馬路的地方，
但佷多人就是貪便，
直接就從這裏衝過馬路，
險象橫生。
身為父母的不單不教導子女過馬路要跟斑馬線，
還和他們一起走"捷徑"，
如果發生了什麼事情又可以怨誰呢?
意外是不可避免，
但明知危險還故犯就不是意外了，
是"意內"，
意料之內，
上得山多終遇虎，
過得一次未必過到第二次，
馬路如虎口雖然是老土話，
但卻是千真萬確的，
如果因為這樣死掉，
實在太不值得!

觀塘企街！

2011-11-15T10:10:00.006+08:00

家住觀塘區，
自從開放自由行後，
就發覺協和街和康寧道一帶有"新景象"，
在路口，橫街常有一些衣著性感的"姐姐"站立，
她們面上一抹淡裝，
兩脥微紅面帶桃花，
一張紅唇配杏目，
身穿緊身bling bling T-Shirt加牛仔褲，
更顯前凸後凸，
她們一兩人聚集街上，
每每向路過的麻甩佬輕頻淺笑，
來招奪魄勾魂，
求賺個痛快錢！

她們有些頗年青貌美，
有些則漸人老珠黃，
不過也無防，
靚貨靚價，
平貨平價，
有錢的用好一點，
無錢的求其一餐，
各有出路。
不要說我口衰講鹹濕野，
這是鐵一般的事實和需求，
舊區有很多單身漢，
中年好，壯年人又好，
無家室如何發洩呢？
難道教他們如少年人般多做運動消耗精力嗎？
誰會理你？
一天辛苦幹活下來，
一碟燒味，兩樽凍啤，
人生一大樂事，
飲醉食飽慾念又起，
街口就手找個"妹妹"溫馨下，
沒時間跑到深圳去了。
你情我願，
各取所需，
沒有迫良為娼，
沒有誤導少年，
大家都是成年人，
很正常。

抱妻好入眠！

2011-11-14T13:57:00.003+08:00

<金瓶梅>:
宿盡閒花萬萬千，不如歸家伴妻眠。
雖然枕上無情趣，睡到天明不要錢。

放蕩的男兒年青時玩得翻天覆地，
過了一段荒唐日子，
人未老，
心先老，
愛回家抱著老婆睡。
浪子回頭金不換，
玩過野過心定下來了，
閒花野草香鰓粉黛也不外如是，
關了燈全都是一樣，
開著燈坦承相見，
太露骨了，
沒情趣。

未野過的不一定是忠誠不二，
未嘗花香不知甜，
一朝雨露綣百花。
只是未有機會，
狐媚真的來到，
誰可以寫包單他能夠坐懷不亂？
女人和一個半生循規導矩的人在一起是一種煎熬，
身邊好像扎了一個計時炸彈，
只等待它何時爆炸，
找個爆完了的才是上策。

111111！！！

2011-11-11T18:27:00.005+08:00

20111111是個密碼，
代表"光棍"，
因為一碌一碌又一碌，
一共有個六碌，
仲唔係"光棍日"？
未結婚又無乜家財的麻甩佬，
今日係你們日子呀，
今晚有乜節目慶祝啊？

六條一，
又可以喻為"一生一世一心一意愛定你一個"呀，
如果係今日結婚就一定會白頭到老架，
唔結婚住拍拖都得，
今晚book定兩人燭光晚餐，
買定111朵白玫瑰，
對住女友深情咁講"我愛你一生一世一心一意一定愛你一個"，
佢一定冧到痺，
仲會錫哂你呀！
至於咁講係咪有效？
係咪可以一生一世？
係咪會一心一意愛定一個呢？
哈哈哈哈。。。。。
你話呢？
你信唔信唔緊要，
今日大把人信，大把人講，
如果有人叫你講你唔講的話，
咁你注定要做"一世光棍"囉！

退學的那一刻!

2011-11-08T09:24:00.010+08:00

那一年我才十八、九歲，
是九月初的一個上午，
我正在學校上課，
是中七重讀。
十點左右，
正在上第二節課時，
教務處一位職員走進來叫我的名字，
不知就裏的我跟她走出課室，
在途中我想開口問她，
她只是微笑的說:「到了教務處你就知道了。」，
到了教務處時，
她遞給我一封上面印有理工學院logo的信，
她笑笑的說:「他們收錄了你!」，
那刻我心裏一空，
没有預期的喜悅，
只有一片茫然，
不竟事情來得很突然，
我在理工選的科目要到十月才開課，
九月初才有收錄通知，
對於一個預科畢業，
不知何去何從的小伙子來說，
重讀就好像找個避風港一樣，
現在忽然没有這個避風港的需要了，
感覺有點失落，
有點空虛，
不知所措。

在靜靜的教務處裏，
我慢慢的把退學手續辦好，
然後若得若失的走回班房，
走到門口，
大家都靜下來看着我，
然後老師好像預先已經知道一切似的，
向同學宣佈我已被收錄了，
整個班房立刻充滿一片歡呼聲，
氣氛令我有點尷尬，
當我一路走回自己的位置時，
兩傍的同學都不斷祝賀我，
有些更露出羨慕的目光。
回到自己的位置上，
我慢慢的收拾自己的物件，
老師也讓同學們靜下來，
繼續專心上課，
我把一本又一本的課本放回書包裏，
心裏卻是放空，
當所有東西都收好了，
我默默坐了一陣子，
繾綣着最後這幾分鐘的中學時光，
雖然有點不捨，
但最後還是要站起走到老師面前說聲再見，
她微微一笑，
拍了一下我的肩膀說:「好好學習。」，
然後我走到班房門口，
轉過頭來看着大家說了聲:「再見!」，
大家靜靜地向我揮一揮手，
在此起彼落的再見聲中，
我走出了班房門口，
下了樓梯走向學校大門口，
早上十點多，
所有學生都在課室裏上着課，
我一個人穿着中學校服站在學校出口，
有點自由，
有點失落，
有點慌茫，
街上的行人不多，
只有一些趕上班的和家庭煮婦，
我提出右腳踏出了校門口，
没入外面的世界裏去了。

賊喊捉賊!

2011-11-07T08:51:00.006+08:00

男人在小孩時可能會玩過一種很幼稚的"玩意" - 猴子偷桃，
就是剩別人不在意時用手偷襲人家下體，
有些人出手很重，
受襲者往往會痛到眼淚直流，
有時更會倒地翻滾，
施襲者得手後會當場哈哈大笑，
然後立刻竄到老遠，
預備"敵人"的反攻，
如是這你追我逐，
没完不没的亙相攻擊下去。
為何會玩這些無聊東西?
很難說，
也許有些人就是喜歡偷襲別人吧!
不過有樣東西卻是事實，
就是先出手的人不會承認是自己的錯，
永遠只會恐懼人家來"復仇"，
時刻都在防範，
有時更反說人家想來"侵略"自己，
因果倒置，
極之可笑。

本週的星期四，
日本將會進行一個以中國為"假想敵"的軍事演習，
究竟中國是否會在可見的未來去侵略別人呢?
又為何西方盛行"中國威脅論"呢?
我自己是中國人，
直覺上覺得中國人骨子裏没有這種侵略性的傾向，
至少在這個時刻的中國没有，
中國表面風光，
其實在政治、經濟、民主等等課題上還是問題多多，
莫說中國本無侵略的野心，
就算有，
也無能力在短期內實行，
熟識中國國情的人都會理解。
說中國會侵略別人的人，
其實是用自己的心態來中傷別人，
因為只有有野心又曾經傷害過人家的人，
才會時時恐懼別人來報復!

上一篇我談"放下"，
舊事重提當然是"放不下"，
但當人家還是對自己虎視眈眈時，
"放下"只會是一種愚蠢，
因為盲目相信別人的"偽善"，
只會讓自己受到更大的傷害，
中國人不要再愚昧了，
年青人年年去日本旅遊，
天天想着日本美食和女優的同時，
緊記很多東西不能只看表面，
要知道什麼是"綿裏針"，
請多讀點近代歷史吧!

老和尚與少女!

2011-11-04T00:05:00.001+08:00

老和尚帶着小和尚正要涉水過河，
忽然背後傳來一把鶯鶯的少女叫聲:
「我三吋金蓮不便涉水，老和尚可否背我過河啊?」，
老和尚欣然答應，
過河其間，
少女豐滿的胸脯緊緊貼着老和尚背部，
看得小和尚喉乾耳熱，
心亂如麻。
少女過河後說聲謝謝便走了，
小和尚這時才靜靜的問老和尚說:
「出家人理應戒色，為可師夫你會和少女有肌膚之親呢?」，
老和尚笑了一笑便道:
「剛才過了河我已經把少女放下了，難道你到如今還没有放下嗎?」。

聲色犬馬故然可以亂人心智，
但真正的誘惑卻是來自自己的心裏，
只要能真正從心放下，
視色相、喜惡如無物，
方能逹至無慾無我的境界，
不過我們都是凡人，
能做到平凡自在就很好了。

廁所五大賤！

2011-11-03T10:28:00.008+08:00

李碧華寫"電梯十賤"，
反映出不少香港人很自私自利，
因而令我聯想到公廁裏所見所聞，
當中不少千奇百怪，
且令人十分厭惡。

一) 不沖廁:
很多人習慣不沖廁，
無論大小二便，
去完就走，
下手開門看到那浮浮沈沈的東西時，
真想吐。

二) 蹲馬桶:
很多人怕公廁唔衛生，
明明是座廁都用蹲的，
搞到廁板上全是黑黑的鞋印，
有些廁板更給人踏壞了。
另一些人則在座廁板舖上厚厚的廁紙，
但完事後又不清理，
弄到一地都是，
加上蹲著易"出公"不準，
屎屎尿尿散落四處，
完事後又不會沖廁，
"抆"完自己蘿友就走人，
簡直是賤中之賤。

三) 淤塞座廁:
很多人喜歡邊如廁邊看報紙，
尤其是馬經和和風月版，
但不少人看完順手就拋進馬桶裏，
結果水一沖就塞了，
且水位不斷上升，
屎屎尿尿不停流到地上，
不單臭氣薰天，
且令人舉步維艱，
狼狽不堪！

四) 廁所塗鴉:
有些人喜歡在廁所大發謬論，
上至天文，
下至政治，
甚至家庭絮事，愛情離合等等，
而最常見的就是鹹濕公仔，
當中自然有男女性交和女性性器官的大特寫，
千奇百怪。
不過最難以接受的是有人用"屎"來塗鴉，
不知是他們無廁紙還是怎樣，
他們就是會用新鮮熱辣的排瀉物在廁格牆上繪畫，
當你一坐下預備大便時，
看見身傍這些近在咫尺的屎畫，
且傳來陣陣幽香，
最慘是廁格門把上也有點點屎跡，
想開開門走人也不知如何下手，
此情此景，
你說如何是好？

五) 濺及隔壁:
這是有男廁專有的問題，
男人小解多數用企廁，
但有些企廁卻異常接近，
只要不專心"作業"，
就很容易濺出外邊，
有些人就是喜歡一邊講電話一邊小便，
當他邊講邊去時就會把尿水濺到隔離的鞋子上，
但又不向人家道歉，
這口氣叫人如何嚥得下？
結果口角打鬥便發生了。

另外也聽聞女廁最常見的是把用過的衛生用品隨便亂拋，
不單亂拋且又不包好，
活脫脫上演血案一樣，
上述這些自私缺德的"賤人"，
應該受到重罰牢改方能平息民忿呀！
除了我說的外，
不知大家有沒有遇過更賤的廁所見聞呢？

blog友佳作:
魔術師 ~ 麻甩十賤

怕米貴？

2011-11-02T13:53:00.002+08:00

泰國水災影響本港米價，
八公斤包裝由三前個月前的七十多元激升至九十多元，
漲價三十巴仙有多，
新鮮媽是無飯不歡的人，
早前已一包一次的分批購入四包五公斤大米了，
以她一個人的食量，
應該可以吃到明年年中有多，
我自己家裏也剩下五公斤左右，
照計也可以捱到聖誕。
我都明白怎樣買也無補於事，
總會有食完的一天，
況且現在雜食選擇又多，
不吃白米，
可以吃麵，麵包，意粉，米線......
甚至少吃五穀也死不了人，
不過中國人習慣了"米缸常滿"，
少吃還少吃，
但總不願意米缸常空的，
感覺不太好。

泰國水災除了影響米價外，
也讓人看到那位女總理的"能耐"，
在電視新聞播放一幕幕水災慘況，
但是卻看不到泰國政府對水災有什麼有效做法，
連首都曼谷部份地方都水浸及膝了，
人民也得不到什麼實則的援助，
除了那位靚女總理對住鏡頭說:
「水浸沒有對社會造成重大傷害，只是水災，忍耐兩三天就沒事了。」,
雖然天災非人力可預計，
但災難來到時，
政府不單做不了什麼，
還厚著面皮說這些風涼話，
真夠掉面，
如果我是泰國人民，
洪水浸住膝蓋時看到她說這些話，
心裏不知是怎樣的感受了。
無能救災已是事實，
但作為國家領導，
是否可說些有水準的安慰問候話，
至少能讓人家在苦難中心寬一點，
而不是講出一些無補於事，
卻令人更加灰心的廢話吧！

微鹹笑話兩則!

2011-10-30T11:04:00.005+08:00

Blog友巔巔兄講"找快樂"，
我也即興想到兩個笑話，
雖然有少少鹹味，
但也想讓大家笑一笑。

一) 阿婆自殺:
八十多歲的阿嬌年老多病，
周身痛症苦不堪言，
於是要求家庭醫生幫她安樂死，
但醫生不肯，
阿嬌不心息天天都去問，
如是這快一個月了，
醫生忍無可忍就對她說:
「你找把尖刀在你左邊乳頭對下兩吋一插就可以一了百了，但不要說是我教你的啊!」，
於是阿嬌很開心的走了，
過了兩天，
醫生看到阿嬌一拐一拐的走進了他的診所，
他覺得很奇怪的便問阿嬌為何會跌倒，
阿嬌卻說:「我不是跌倒，是插傷呀!我回到家裏就跟你指示用尖刀大力插左邊乳頭對下的地方啊!」，
醫生:「那裏不是你的心臟嗎?」，
阿嬌:「胡說，那裏是我的膝蓋呀! 你看看...」，
於是她把衣服打開，
露出一雙"墮"到膝蓋上的奶奶來。

二) 性教育:
村裏一對性知識貧乏的新婚夫婦要動房，
於是男的就預早請老母親教路，
老母親不好意思直說，
只導:「動房就是用你身體最硬的地方插進女仔尿尿的地方囉!」，
兒子很開心的回家跟着做，
但隔天兒子就進了醫院了，
老母親很擔心的趕去探望，
看見兒子包着頭顱躺着床上，
老母親:「為何會這樣啊?」，
兒子:「你叫我用身體最硬的地方嘛，那不是我的頭嗎?」，
老母親:「就算這樣也不會頭破血流吖?」
兒子:「她尿尿的地方不就是馬桶嗎? 我一頭大力插過去就這樣了!」，
老母親:「哎吔! 生到你咁笨，我死咗佢好囉!」。

前世欠下的孽債！

2011-10-28T10:30:00.003+08:00

「你唔明嫁啦，你都未試過！」,
對，
只有當事人才有切膚之痛，
但有句老話叫「當局者迷！」，
更慘的是"迷而不知還自以為清醒"，
真作孽，
這種情況最常見於男女之事。

友人慘遭拋夫棄女，
妻子一走了之，
原委還沒有搞清之前，
妻子很快便和奸夫珠胎暗結，
還給奸夫至電侮辱，
說什麼自己老婆都看不住，不是男人。。。
友人除了生氣卻還是給錢妻子"落仔"，
理由是妻子說他對自己不好，
所以才會紅杏出牆，
真是荒天下之大謬，
她走了還敢厚顏回來問丈夫要錢"落"奸夫的孽種，
這是什麼道理？
奸夫去了那裏？
奸夫沒有去那裏，
只是隔天來電譏笑這個笨男人，
難得這個笨男人還相信自己老婆(奸夫的發洩工具)，
錢給了一次又一次，
還口口聲說要接她回家，
仔是"落了，
人是回來了，
不過很快說又要錢，
什麼要買衣服呀，要解悶。。。
藉口白痴卻有人相信，
錢又是到了光棍手，
回來數天又走了，
連女兒也沒有多看一眼，
唉。。。
故事還沒有完，
不過內容卻是重複的，
又再一次珠胎暗結，
奸夫撒野，
要錢俾錢收錢走人。。。。。。
笨！笨！笨！

對，
笨開有條路的，
人走了但是繼續問要錢，
最後給她在深圳租了房子，
還給錢做零用，
結果天天打麻雀解悶，
錢輸光了還欠屋租。
笨丈夫還是再給錢。
有天傍晚笨丈夫有事回深圳一趟，
給她電話無人聽，
直接到她住處也找不到人，
卻在床下找出數個用過的避孕套，
抽屜裏還有半打全新的，
難得這個笨男人還替她找借口，
騙自己說事情未必是這樣，
最後實在連自己也騙不到了，
失望之餘還問:「我對她那樣好，為什麼她還要這樣傷害我呢？」,
愛情本無對錯，
但變了心就要放手，
他自己已經失業多時，
還把所剩無幾的家財一次又一次給了這個無情的女人，
前前後後也有廿萬了，
愛情果然是盲目的，
不過這不是愛，
只是孽，
因為由頭到尾只有那個笨男人付出過，
人家只是來討債，
一定是前世欠她的！

"傷心酸辣麵"!

2011-10-26T08:44:00.006+08:00

發現一間新開賣粉麵為主的小店，
名字叫"傷心酸辣粉"，
好悲愴的名字，
心傷還要加上酸和辣，
百般滋味上心頭。

麵店賣點是酸和辣，
其實是四川、雲南、上海、台灣的麵食大混雜，
辣油、炸醬、豆蒄、糊椒、酸菜等等全部奉上，
食東西和做人也差不多，
半茶匙獨單、一茶匙寂寞、半點蒼白、一灑淚水.....
人生麵條同樣是悲喜交雜，
什麼滋味都可以嚐到，
只是苦澀酸辣往往長留口中不散，
讓人"回味無窮"，
很難忘掉。
至於麵條反而降到次蓆，
口感如何？
是 "Q"?
是軟?
還是怎樣，
全部都忘記了，
只剩下口腔裏的麻和酸。

店裏的客人多是年青男女，
上了年紀的反而很少，
不知是價錢問題還是什麼，
可能年長的早已嚐透甜酸苦辣，
來間"開心麵館"會好一點，
反而初生之犢不怕冒險，
敢於嘗試，
能帶着一股狂傲邁進百味人生。

欲抱珠還!

2011-10-25T08:10:00.004+08:00

如果女人吸引人的是色相，
那麼男人吸引人的是聲線嗎?
若果男人是用眼睛去觀看人，
那麼女人是用心去感受人嗎?
色相看多了會生厭，
情愛在心裏久了卻會沈澱更深，
如果這是真的，
難怪男人很易花心，
女人卻會泥足深邃，
情愛不易開花結果，
因為它本來就是先天不足!

吃着說!

2011-10-24T08:59:00.003+08:00

「你猜猜隔壁那個女的吃得完那碟飯嗎?」
「我怎知道?」
「她那碟飯真的很大啊! 如山般高!」
「人家碟飯多少關你什麼事?」
「無，我見佢哋三個女人係咁雞啄唔斷，不知那個女人能否吃完啫!」
「吃不完又如何? 你要吃嗎?」
「神經病，才不是，我又不是無飯食。」
「那你問來幹嗎?」
「我只是想知說話和吃東西是否可以同時進行良好喳!」
「應該可以很好的。」
「你怎知道?」
「看看你就很清楚了。」
「你夠膽就說多一遍!」
「......」

天氣涼了很多，
身體冒出冷汗來了。

七百年前留下來的 "柑子" !

2011-10-21T08:57:00.013+08:00

【賣柑者言】明劉基 (劉伯温)

杭有賣果者，善藏柑，涉寒暑不潰，出之燁然，玉質而金色；置于市，賈十倍，人爭鬻之。予貿得其一，剖之，如有煙撲口鼻；視其中，則乾若敗絮。予怪而問之曰：「若所市於人者，將以實籩豆，奉祭祀、供賓客乎？將衒外以惑愚瞽也？甚矣哉，為欺也。」

賣者笑曰：「吾業是有年矣。吾賴是以食吾軀。吾售之，人取之，未聞有言，而獨不足子所乎？世之為欺者，不寡矣，而獨我也乎？吾子未之思也。今夫佩虎符、坐皋比者，洸洸乎干城之具也，果能授孫吳之略耶？峨大冠、拖長紳者，昂昂乎廟堂之器也，果能建伊皋之業耶？盜起而不知御，民困而不知救，吏奸而不知禁，法斁而不知理，坐糜廩粟而不知恥；觀其坐坐高堂、騎大馬、醉醉醴而飫肥鮮者，孰不巍巍乎可畏、赫赫可象也？又何往而不金玉其外、敗絮其中也哉？今子，是之不察，而以察吾柑！」

大意是:
杭州有個賣柑小販善於保存柑子，
就算在寒冬都一樣有外表黃金的柑子賣，
所以就算叫價十倍，
依然其門如市，
劉基好奇之下買了一個嘗嘗，
但剝開漂亮的柑皮後發覺內裏柑肉尤如爛棉，
乾枯而不能吃，
於是對小販大興問罪。
但小販反駁說:
我都係揾兩餐而已，
人人都係咁做，
為何要計對我呢?
你睇吓依家啲文臣武將，
個個身光頸靚，
高官厚祿，
住洋樓養番狗，
前擁後載，
高高在上，
佢哋何曾有"孫吳之略"?
還口口聲聲說:「没有對不起人民」，
反觀我們小市民就餐揾餐食餐餐清清，
揾啖飽飯食都唔易呀，
你知道什麼是"金玉其外、敗絮其中"，
難道没有看到這些事情嗎?
那些庸官你不管來管我，
還獨指我是奸商!

劉基作【推背圖】推算未來，
不知這篇是否也是預知今天的香港情況呢?
還望那些莫視民情的庸官多看古書，
作了一番孽還訛言自己没有對不起香港人，
看看自己拿的人工比美國總統還要高呀，
攞左我地咁多血汗錢，
你有無打好你份工呀?
無知，無能加無恥，
尸位素餐還侃侃而談，
可恥! 可恥! 可恥!

"但願人長久"!

2011-10-20T08:04:00.005+08:00

隔壁一雙三十出頭的情侶在坐着，
男的外貎醒目，
西裝筆挺，
架一副金絲眼鏡，
看來事業上正開始一番作為，
女的淡掃端裝，
黑色辦公室套裝，
腳底三吋高跟鞋，
看來也是事業型女性。
他們談着金融投資，
還有一些辦工室政治，
而重點卻落在如何計劃未來，
正為他們的將來打算着。

因為是吃自助餐，
他們一同走出buffet枱，
没有手拖手，
没有露骨的"愛吻"，
連身體四肢的接觸也少，
但回來時兩人手上卻各自拿着一個大瓷碟，
原來是"心太軟"，
碟上還用朱古力醬寫着"甜言蜜語"，
女的碟上寫着"Ebere, 31 生日快樂"，
男的碟上則是"陳大偉, 我愛你!"，
碟上四邊還劃了幾顆朱古力心心，
愛情在女人心中佔的比例總比男人的多。
他們坐下，
然後慢慢味嘗溶化出來的熱朱古力醬，
一啖一口，
甜不甜?
只有他們自己知道，
你眼望我眼，
情感內歛，
没有勝利V字手勢拍照，
没有蛋糕吹蠟燭，
没有少年人激情，
只有未來的計劃，
人到某個階段就會開始成熟，
也來得實際，
一切都實事求事，
只求情可永在。

"多嚿魚" 之 "玩Line"!

2011-10-17T10:14:00.004+08:00

我好"OUTDATED"，
近日見個個講"LINE"，
初初都唔知係乜黎，
後來才略知又係網上一些交友平台之類的東西，
同FB、TWISTER、PLURK、G+都有點相似，
不過我成日諗，
玩一兩個咪得囉，
點解要個個都開黎玩呢?
想識多啲朋友呀?
但係我見啲人開咗後，
又狂叫一向係PLURK係FB有交流嘅朋友LINE佢喎，
咁即係點?
咪又係同返班相同嘅人玩?
咁點解要搞咁多嘢喎，
好煩囉!
啲人真係咁想人"關注"咩?
平時無人理自己呀?

其實我唔係好明，
係現實生活中我又唔見啲人咁熱忱去識新朋友喎，
見到熟人都未必有咁熱情去交流，
但係去到網上世界就好似發哂狂咁，
有咁多開咁多個平台，
有咁多人就ADD咁多人，
唔理三七廿一愈多愈好，
一千幾百個有幾個真係有交流架?
所謂交流又交乜呢?
係咪有乜新APPS可用?
有乜團購新着數?
有嘅八卦傳聞之類?
跟手就一蝸蜂咁衝去討論一輪，
然後又講吓自己起身食飯出街玩之類的東西，
哩啲無無謂謂嘢有需要開咁多個平台講咩?

"好多"香港人就係咁，
一時興一樣，
有人玩起就全部衝去玩，
慌死蝕底，
唔理好唔好有無用，
開咗先至算，
其實咪又係嗰類嘢，
NO BIG DIFFERENT!
依家又話'LINE"無私隱兼可能要收錢了，
個個又話要考慮玩唔玩得過喎，
唉~~~
真係攞黎搞，
魚民加餸 ~ 多嚿魚，
無無謂謂!

"身上福中不知福"之寧廢莫奸！

2011-10-14T09:34:00.008+08:00

2011-12施政報告

上面條link係曾特首的施政報告，
我好想搵時間睇左佢，
唔想斷章取義，
唔想人云亦云，
不過要睇哂成份報都幾辛苦，
從"往績"推測，
多數唔會有乜新野，
也唔會有乜實則遠見，
更無可能對即時民生問題。。。
例如物價狂升等有什麼答案，
一向無期望就唔會失望，
我好少睇錯人的。

2008年6月27日，
我係當日覆blog友"Imak"時說過，
" 睇咗老曾咁耐,
佢係一個剛愎自用的人,
又死牛一邊頸,
亦都唔覺佢會有乜大改進!
改變係需要時間,
但問題係入面根本無人諗過要改喎, (我指官僚作風)
係老曾領導下,
這個問題唔會有大改變,
風水佬呃你十年八年,
哩樣嘢二年見效!"

今日係2011年10月14日，
事隔三年有多了，
如今再翻睇我當日的言論，
証明所言非虛，
早在"佢"登場前，
好多人讚佢熟識政府運作，
應該有所作為，
我就話佢只是英國人一隻門口狗，
只不過後來由英國狗變大陸狗，
而且資質平庸到極點，
看下門口吠兩聲都仲可以，
叫佢"做野捉賊"就哂氣啦，
所謂沐猴而冠，
自己係乜料都唔知，
睇下門口咪好囉，
做乜大王丫？
出醜之餘仲禍及市民呀！

不過早幾日又係blog友Imak blog裏討論新特首人選時，
見到一句 : "寧廢莫奸"，
我瞬間滴了一滴冷汗，
究竟我地依家係咪"身在福中不知福"呢？
廢係廢d,
乜都做唔到，
但係換左個有能力，
不過估唔到佢心裏諗緊乜既人上場後，
我地會唔會死左都唔知乜事呢？

聾子說話!

2011-10-12T09:05:00.011+08:00

你問我香港人係咪好嘈，
就我個人自己所"聽"，
我會話"係"!
這是基於人們在大庭廣眾下說話時，
會否考慮是否影響他人作論點。

除咗朝早嗰個幾鐘未瞓醒，
地鐵、巴士入便啲人好似行屍走肉外，
一般時間真係好Q嘈，
無論在街上、車裏、餐廳裏、圖書館裏......
任何大庭廣眾嘅地方都聽到有人大大聲咁"講"嘢，
但係很少人會覺得咁樣有問題，
更唔覺這是没有禮貎，
街黎架嘛，點解唔可以大聲講嘢喎?
但又時常聽過香港人駡內地人大聲講嘢無禮貎喎，
哩啲係咪五十步笑百步?
可笑!

係餐廳、酒樓有無試過聽唔到同枱的說話聲呢?
唔係十二人大枱喎，
就算係四人細枱，
朋友、家人坐係你隔離，
只要對方唔係大聲公大聲婆，
你多數唔會聽到佢講嘢，
跟住你會好大聲咁叫佢大聲啲，
到大聲到蓋過隔離枱嘅對話聲時，
隔離四周嘅人又要再大聲啲來掩蓋返你哋把聲，
層層遞進、聲聲俱增，
最後全廳嘈到萬鳥歸巢咁，
不過唔緊要，
人人都是這樣，
完全唔覺得有問題，
至多是耳鳴頭痛而已，
人未老就要帶助聽器了!

又好似係圖書館裏，
理應是寧靜和諧的，
不過最常聽到的是奇怪又響亮的電話鈴聲，
有阿仔叫老豆嘅響聲、更有古典音樂嘅樂章.....
甚至有人用BB仔哭聲作鈴聲，
一響就成個圖書館都聽到，
隨後就聽到大大聲咁講電話，
仲慢慢咁講大大聲咁講，
當正係自己辦工室一樣，
圖書館管理員話佢又唔理，
過無幾耐電話又響過又講。
經過兒童圖書館，
你多數會見到啲小朋友四圍走捉迷藏，
又尖叫又嘈，
無辦法小朋友講極都唔會聽的，
不過你總會聽到佢哋老母係度大大聲咁叫:
「死仔包，叫你唔好走呀，係咪想我打餐飽呀?」
聲如洪聲、大聲過大啦叭，
不過只係叫小朋友唔好走咗喎，
無話唔俾佢哋唔好嘈和叫喎，
事關嗰個師奶坐係度同佢班老友大大聲八緊是非嘛，
所以咪由佢啲小朋友嘈囉，
會唔會影響到其他人?
Who Cares!

記得某年我和朋友到東京自由行，
東京人多車多，
係街上都唔會太靜，
不過日本人係大庭廣眾下很少講電話，
講嘢亦很少有咁大聲得咁大聲，
真係幾有公德心和禮貎。
在旅遊期間，
有次我們從商場走到街上，
一出門口就聽到耳熟的廣東話吵鬧聲，
看看左右兩方距離兩三百步，
各有一團香港鴨仔團，
佢哋應該係度等緊團友出黎，
不過唔知係咪開心過籠，
講嘢時把嘴又咁大張咁大，
笑聲更響徹雲端，
九條街外都聽得到，
仲要全班人企正係走道正中間，
搞到當地人經過都要繞路走，
走過時仲"啤實"佢哋，
不過佢哋一於好少理，
繼續高談濶論，
視別人如無物，
非常失禮。
如果你旅行時有意無意間都是這樣，
唔好意思，
我說的就是你，
多多得罪。

其實點先叫嘈好難下定義，
唔通真係放部分貝機係口邊量咩?
不過方法又可以很簡單，
首先大家在大庭廣眾下講嘢時，
有無考慮過聲音會否影響到他人呢?
有没有盡量細聲一點嘅想法呢?
如果能夠做到先考慮別人，
這就很足夠了，
大部份香港人有無咁嘅想法呢?
唔好咁快答我住，
自己心裏想清楚先吧!

我愛吃生果!

2011-10-10T09:29:00.007+08:00

$60多元一個奧陸蘋果、$289個 T字蜜瓜、$458包什麼青提......
還有菲濟木瓜、以色列無花果、敍利亞蜜棗等等少有的靚貨，
全部是極上的貨色，
美味、甘香、可口、多汁、有益、好看，
望之讓人心猿意馬，
嗅之令人垂涎欲滴，
還有幾廿蚊(唔係廿幾蚊喎)樽的青森蘋果汁，
這是人間樂土嗎?
什麼好美味的生果都讓我"看到"了，
但只是"看"没有買，
靚貨"靚價"，
我捨不得買，
也"買不起"，
心情很矛盾。

這個世界没公平的，
"公平"不代表人人有相同的待遇，
有人天天吃十元一粒的青提，
有人三餐不繼，
有些人含住金鎖匙出世，
有些人靠自己努力賺錢至富，
有些人勤力做工也只得温飽，
没有話公不公平，
各有前因莫羨人，
況且幸福、快樂不應該用物質來衡量，
有錢人不一定快樂的，
鹹魚清菜也很好味，
不過鹹魚也很貴，
窮人吃不起了。

若然我中了六合彩頭獎，
我會買那些又貴又美味的生果來吃嗎?
應該會的，
我也有虛榮心，
我也想嘗一嘗人間美食，
吃的、用的、穿的都會是最貴最好的嗎?
或許不會了，
為何呢?
有時看着這些極昂貴但品質很好的美食時，
我心裏會想......
有需要吃到咁"尖嘴"嗎?
有能力時，
買好一點點的不就可以嗎?
不忍吃一餐生果等如一戶人家幾天的飯菜錢，
實在有點"折墮"，
不是說有錢花是錯，
但總是過意不去，
人也不外是一副臭皮囊，
用的吃的有需要去到咁"盡"嗎?
活到"一把年紀"，
總想對自己好一點，
偶一為之讓自己開心一下，
可以理解，
但有些人卻以此為人生目標，
這樣是否有點扭曲呢?

點解大型超市可以攏斷?

2011-10-09T09:15:00.004+08:00

巔兄係blog搞"港式茉莉花"，
痛罵大型超市攏斷市場，
魚肉市民，隨意加價，
我們尤如肉隨粘板上 ~ 任剮，
提意團結反擊，
抵制大型超市，
多幫襯街坊小店。
我是舉手舉腳全力支持的，
日常用品多光顧藥房，
麵包西餅小食亦轉往小餅店，
柴米油鹽開七件事都盡量光顧雜貨店，
買菜買肉都以街市小販為主，
盡量令消費不落入大集團手中。

這樣做是很有意思的，
不過有些事情卻不可不提，
首先是衛生，
不知道為何中國人的街市總是污污糟糟的，
肉檔、菜檔跟前總是又潮又糟，
滿地"菜烚"、豬膏，
不少檔主總是求其把菜頭肉尾隨檔掉，
搞到一地污糟邋撻、滿地血水，
聞之欲吐，
相反超市則光猛清潔，
通地乾爽無垃圾，
叫人行得舒服，
相比之下，
你會喜歡到那裏逛市買菜呢?

另一樣就是禮貎，
超市員工的確是機械化的問好、笑容，
但總少黑口黑面相對的，
相反部份小販商檔就一副晚娘面，
問多句都唔理你，
想揀多兩揀又話唔俾揀，
一副唔恨做你生意的嘴臉，
我親眼都見不少生果小販用粗口駡阿公阿婆，
那些阿婆阿公只是想揀吓摸吓而已，
就算唔俾人家揀都不用粗言爛口相對吧?
有些更大大聲的說:「我唔做你生意，唔憂做呀!」，
嘩~~ 唔洗咁"吋"呀?
千奇唔好以為這是個別事件，
我係觀塘街市十幾日就見一次，
不論是在生果檔、肉檔、菜檔都見過，
真係不知所謂，
你話超市趕絶小商戶，
都要睇吓佢哋點對客人，
咁嘅態度係咪抵人家唔幫襯佢哋吖?

另一個問題就係誠懇，
係超市買東西一就一、二就二，
明碼實價，
你覺得貴嘅可以唔買，
唔會呃秤騙人，
但係街市小販就唔係個個咁老實，
尤其係啲生果檔，
佢哋最喜歡將個價定到平一平，
好似提子、車里子哩類比較貴的生果，
標價九蚊磅、五十蚊兩磅，
然後係個磅度做定手腳，
一攞上手就知佢呃咗你三分一去，
你問佢點解咁少，
佢哋就成班人數你，
邊有呃你呀? 咁平係咁啦，
好似你再嘈就出黎打你咁;
又好似買游水蝦咁，
標價三十蚊一斤，
佢撈蝦時就連水都倒埋入去，
問佢點解咁多水，
佢就大大聲話三十蚊斤梗係多水啦，
嗱~~ 就係哩啲咁嘅態度搞到啲人把幾火嘞，
有時真係情願幫襯超市好過，
至少貴得黎唔會俾人"昆"。
你唔好話只係個別小販先係咁，
我梗唔會話個個係，
不過我一個星期去街市五、六次，
買餸經驗都唔少，
見到嘅就係咁嘅衰樣，
好嘅唔係無，
只係少之又少，
第度我唔知，
至少觀塘街市就係咁。
除此以外仲有大把衰格嘢，
不過不能一一盡錄了。

超市正趕絶小商戶係事實，
不過唔該佢哋都要反省吓，
臭檔、吋嘴、呃秤、污糟......
無超市佢哋都要改善吓啦，
再係咁我情願俾多啲錢超市都唔再幫襯，
超市的確在服務、衛生、態度上都比不少小販好，
人家攏斷嘅部份原因都係小販佢哋自己攞黎，
反省吓啦! 唔該!

西西利的淡藍

2011-10-03T11:24:00.002+08:00

聲、意、形、畫俱佳，
看畢.....
很有購買的衝動。

18年光陰看蛇妖!

2011-09-30T11:12:00.012+08:00

(高清版)

剛看了由李連杰、黃聖依、蔡卓瑤、林峰主演的【白蛇傳說】，
令我想起18年前由張曼玉、王祖賢、趙文卓、吳興國的【青蛇】，
【白蛇傳說】由程小東執導，
當年【青蛇】由徐克導演、程小東做武術導演，
如今看來今天的程小東和當年的徐克還有一大段距離，
或許是劇本本身的問題吧!

【白蛇傳說】是給十多廿歲年青人看的少年激情版，
愛得轟轟烈烈，
但對愛情詮釋欠缺深度，
【青蛇】對女性在愛情觀心態上刻劃深入很多，
尤其是張、王、黃當中的三角糾纏，
摸索、試探、挑逗......
層層深入，
演譯得絲絲入扣，
這是【白蛇傳說】完全没有的，
【白蛇傳說】中只有一吻定情，
繼而盲目的愛，
有少年人一意孤行的激情，
法海對白蛇說人妖殊途，
愛他就離開讓自己一個人流淚，
白蛇故然聽不進耳，
就連想也没有想就水浸金山，
塗炭萬千生靈，
這種盲目胡為的性格，
是少年人的特性，
可是放在這裏卻不太適當了。

角色方面，
張、王絶配後繼難尋了，
黃、蔡兩人......
李連杰和趙文卓演法海，
各有所長，
另外一提的是【青蛇】演許仙的吳興國，
論長相不及林峰年青俊朗，
但此人從前為台灣一流舞台劇男演員兼劇團創辦人，
現為國立台灣藝術大學表演藝術研究所專任教授，
戲中他演譯功力非凡，
把一個懦弱、花心、多情又帶點愧疚的許仙演得很傳神，
特顯出不同的男人味道，
至於林峰他是有天份的，
但如今只是個半熟男人，
還需歲月磨練。

對於我看蛇妖，
時間是有點錯配的，
18年前看【青蛇】我看不太明，
18年後看【白蛇傳說】我也看不太懂，
當年的我太年青去理解愛情，
如今的我太年老去領會激動，
"留人間多少愛，迎浮生千重變"，
可笑!
可笑!

往日舊文:
雄黃酒與解酒湯

紙皮菜肉包 ~ "膠包"!

2011-09-28T18:59:00.002+08:00

市面上的包裝包點多不勝數，
有時真的不知屬佳屬劣，
今次試食了這款新品牌 ~ 菜肉包，
結果令我失望之極。
大家不要相信上圖，
首先包裏餡料極少，
切開空空洞洞無乜料，
而且用料奇差，
椰菜乾硬如紙皮，
咬都咬唔碎，
另外又無端端有幾絲"霉菜"，
其實我都唔敢肯定係咪"霉菜"，
見佢啡啡黃黃一絲絲靠估喳，
佢仲係有渣嗰隻，
食落要隨口吐出，
簡直離Q哂舖。

至於包的外皮則極有彈性，
但不是鬆軟有彈性那種，
而是"IN UN"如軟膠EVA一樣，
咬落去就會彈返轉頭，
膠感十足難食到痺，
感覺落了很多發粉，
完全是咬軟膠的感受。
對於這新牌子我用一個字形容 ~ 膠，
賣嗰個"膠"，
買嗰個"戇膠"，
我"膠"咗一次了，
你哋千奇咪再"膠"呀!

中國人的"長處"~ 意外!

2011-09-28T10:48:00.006+08:00

上海地鐵發生追車事件，
釀成271人受傷，
這是一宗意外，
系統失誤都是意外，
轉做人手操作發生問題都是意外，
這全都是意外︳
没有人預料得到的，
就連早前温州高鐵落橋慘劇都必定是意外，
全部都是天意，
和人為因素毫無關係，
小意外加大意外，
死傷無數都是意外，
没有人要負責任，
這是中國式的"推理"，
然後意外還是會繼續發生，
用人命來填寫歷史。

曾經聽過一句極之荒謬的說話:
「中國人永遠比不上日本人」，
簡直是胡說八道，
盛世強國如日中天，
怎會比不上小小的蘿蔔國!
看看日本人把我國的茶道改到不倫不類，
由坐姿到器具，
再由選茶以至水温都有嚴格規定，
就是倒茶、轉杯的角度，
接茶的方式和姿勢都一一限定，
就知他們太機械化太死板太不靈活了，
但往往就是這些"死板和嚴緊"讓蘿蔔國的水準去到一個很高的水平，
做事能一絲不苟，
就連小如芝麻的地方都盡心做好，
無論是有人看到的或無人知道的，
蘿蔔人都會做到最好最足，
而且又富學習精神，
能夠把人家的長處一一學會，
然後加以認真改良增進，
不自我沈醉於虛象和浮誇，
這就是他們比我們強很多的地方了。

相反，
中國人做事就較"靈活變通"了，
鏍絲斷了找其它的代替品頂住不就可以囉，
系統每小時要監察六次，
但每天中午是小睡時間，
求其看一看不是一樣嗎?
這是中國式的系統管理，
要變通要隨機不可以默守成規，
系統是死的，
人是生的，
什麼不可以改呢?
隨心隨意的改不就可以嗎?
這就是中國人聰明的地方了!

猜謎人生。。。

2011-09-27T15:17:00.004+08:00

台灣女作家三毛(陳平)四十多年來(1988年)第一次重返故土~浙江，
其間受到各方親友熱情款待，
飯局連連，
當中一次是以素菜為主，
佳餚滿滿鋪滿了一席，
三毛一看，
見全是外表像真度極高的雞鴨鵝豬牛羊，
她隨意吃了一口便說:
「有時候真是想不到，
做素菜，完全沒有鵝，
可以做出鵝的形狀和味道來。
吃菜完全可以看出中國的民族性，
太複雜了。」

心裏想的，口中說的，手在做的。。。。。。
可以完全不同的，
想要又不想說，
不說又想人家猜到，
但又怕人家知道太多，
溝通如猜謎，
還要知道當不知道，
奉迎，推敲，猜疑。。。。。
一切都在雲霧間進行！

侮人自侮!

2011-09-23T08:58:00.006+08:00

昨晚看電視新聞，
又發現內地一單嚇人的新聞，
就是那些豬農竟敢將收回來的厨餘加熱後，
再把那些本來用作餵豬的潲水面頭的一層油撈起，
然後賣給一些食肆當食用油用，
真是離哂大舖，
人命黎架，
咁都做得出，
真係豬狗都不如，
要打落十八層地獄。

其實類似嘅問題日日有之，
只是我們知道不知道而已，
內地不少人為一丁點的利益，
什麼事情都敢做出黎，
好似早前嘅毒奶粉、假雞蛋、紙碎饅頭、垃圾池鹹菜、孔雀錫綠魚......
以至早年嘅"甲醇假酒"，
可謂日日新款鑊鑊金，
食你唔死算你好運，
就連內地人自己都信唔過自己，
成群成群咁湧落黎香港搶貨，
咪就係自己知自己衰囉。

除咗貪錢胡為外，
不少內地人啲格真係衰到痺，
唔好講什麼洗手盤痾屎、隨地吐痰了，
就是啲自由行都夠攞你命，
早前阿珍事件只係冰山一角，
條友聲大夾惡攞明想攞着數先收聲，
我有個朋友帶團遊日本的，
佢話啲內地人係洗好多錢，
但係啲格式就衰到無人有，
嘈邊巴閉唔在講，
導遊服侍略有不週就破口大駡，
仲要人大庭廣眾中道歉，
可謂野蠻不堪。
至於其它劣行多不勝數，
唔洗我講大家都聽唔少了。

有人些話咁樣係歧視，
當然唔可以話所有內地人都係咁，
可是我們日日看到、聽到的都不是好嘢，
我唔敢話這些聽聞全都是真相，
但唔多唔少某程度上都反映到內地人的性格樣貎，
就好似一粒老鼠屎掉落一瓶酒裏一樣，
只是一小撮人就足以破壞了全局，
況且這所謂"一小撮人"為數極多，
尤其是一些初見世面的暴發戶，
有少少錢就以為可以侮辱人。
人必自侮而人侮之，
就算是歧視都是自己攞黎的，
如果說這是不應該的，
請問內地奶粉和日本奶粉二選一，
你會為自己下一代選那一隻?
為何?

點解"爽"?

2011-09-22T09:14:00.006+08:00

哩幾日，
人人鬧"爽報"鬧得好爽呢!
話佢做爛市、搶人飯碗、傳播色情內容......
總之乜嘢衰嘢都鬧齊，
但奇怪的是依然大把人朝朝攞佢，
哩頭鬧嗰頭照攞，
算點呢?
貪小便宜吧?
又免費搭巴、又免費早餐......
有人攞佢自然派，
市場規律，
你唔攞,
佢派都無用。

搶人家飯碗?
又係市場問題，
一份唔洗錢一份要錢買，
你要那份?
況且佢又唔係唯一一份免費報紙，
鬧佢做爛市係唔公平嘅。
問題係內容是否足夠，
聽聞"爽報"廣告佔全份2/3，
內裏的新聞又空洞膚淺，
如果是真正想看新聞的人自然唔會再攞，
情願俾幾蚊買份好嘅，
咁"爽報"自然會消失，
根本不用花氣力鬧佢，
也不會影響到真正有誠意的報業，
問題係點解啲人硬係要貪小便宜而繼續攞佢，
要鬧就唔該鬧埋自己一份吧!

賣弄色情內容，
這個問題就連收費報紙都有，
以往一向有人指出，
不過無人理之嘛，
話佢教壞青少年?
一份收費報紙幾蚊雞，
青少年想睇買唔起咩?
教壞人就份份都有責，
"爽報"只係推波助瀾，
況且肥佬黎一定做過市場調查，
佢知道鹹報有market才會咁做，
問吓點解咁多人喜歡睇鹹嘢先啦，
無人睇佢唔會放咁多鹹料入去嘅，
肥佬黎唔會死錯人，
一定做過市場調查才決定內容嘅,
市民係咪都要自我檢討吓呢?

商品市場好公平，
唔好嘅就自然會被淘汰，
唔好又唔俾淘汰嘅，
大家諗吓係邊個做成吖?
至於傳媒操守?
你、我、他都忘記得一乾二淨了。

可以合埋把口嗎?

2011-09-20T08:58:00.009+08:00

排隊搭小巴返歸時，
背後傳來極度響亮的對話聲，
是那種又尖又高又嘈嘅師奶聲音。

「......啲人話班房好乾淨喎，我心諗開放日梗係乾淨啦，難為我之前掃餐死呀...」
「哦.....」
「我日抺夜抺，做到鬼死咁辛苦......真係唔得班學生死呀....」
「依家啲學生係咁嫁啦......」
「返到屋企又要做，煮飯洗衫好辛苦呀!」
「做人阿媽係咁嫁啦.....」
「班嘢大咗都無用架，又唔幫手，淨係識食同瞓，沖涼又沖鬼死咁耐，次次交水費都成千蚊架，我話佢時佢又發皮氣，仲話至多佢交水費喎，我心諗不如交屋租啦，仲貴呀!」
「哦......」
「又話我唔日日煮飯，佢哋咁叻佢哋煮囉......好辛苦呀!」
「唉~~ 係咁嫁啦! 發咗逹就唔洗做囉!」
「我都想呀，邊有咁好命呀，辛苦命捱一世呀!」
「算啦，鬼叫你唔嫁個有錢人咩，咁咪可以做少奶奶!」
「我想呀，無有錢佬要我喳!」
跟住個勞氣師奶依然不停嘴，
繼續大大聲係街不停不停咁吐苦水，
整個小巴站的人都知道她辛苦的前半生了。

另一次在小巴後排座位時，
隔壁有個奶師用超高八度的聲音在講電話。
「也古媽加好時呵，陀喂和歌支咗吖...就蝦咁衰格洛，華同你港，哥哩時乜鬼.....」
其實我完全唔知佢講乜，
但係佢大聲到我耳都wee埋，
成車人都聽到佢嘰嘰咕咕係度嘈，
想合埋眼唔理佢都唔得，
一閉上眼就只有嘈邊巴閉的嘈音，
仲要鬼咁長氣講極都唔完，
我唔耳痛佢都口乾啦，
想點?
好想將樽啞藥夾硬倒入佢張嘴度囉，
咁就............靜哂!

唔係話要歧視什麼人，
只是日日遇到哩啲口不停嘅人，
仲要係大庭廣眾地方以極大聲和高八度咁叫囂，
我真係頂佢哋唔到呀，
可唔可以合埋把死人口一陣，
讓世界有片刻安靜呀?

美味沙拉好散熱!

2011-09-18T10:32:00.005+08:00

中秋過了還很熱
路面火燙鞋底蝕
胃口全無精神竭
粥粉麵飯銷量跌
沙拉美味好時節
入口清涼暑氣滅

放飛劍！

2011-09-16T10:36:00.002+08:00

俗語話"放飛劍"即係隨地吐痰。

老實講，
我至#憎人隨地吐痰，
除左好嘔心外，
仲好唔衛生，
早前沙士時，
個個又帶口罩又洗手，
依家無事，
D人又打回原形，
污糟邋遢隨地吐痰，
今朝我就不幸地遇見一個咁既扑街了。

今朝初秋微涼，
秋風吹下吹下好鬼爽咁，
正當我係斑馬線前想迎風過路時，
唔知邊度走出個老坑係我身邊竄向前，
我無理佢照過馬路啦，
點知個老坑忽然係我兩步位置前仰天長號，
跟手一陣濃痰在口腔滾動聲，
我距離近，
痰聲清晰入耳，
我立時心口有作悶作嘔的感覺，
點知噁心野陸續有黎，
條老坑係口裏滾完啖濃痰後，
諗都唔諗就係我面前兩步位置"咳吐"一聲，
放出了一把又大又黃既"飛劍"出黎，
"飛劍"因風向影響，
還在我跟前不遠的空中搖曳了幾下才落地，
那刻我真係嚇到目定口呆，
好彩只係微風輕吹，
如果再大風d咪吹正我塊面？
就係我心神不定時，
個死老坑已經頭也不回走人，
到我想丙鑊金佢時都渺無人影了。

哩d 咁賤咁衰格既扑街一定要嚴懲，
除左罰錢坐監外，
最好罰佢空手清潔返啖痰積，
等佢知道乜野叫做核突同污糟。

Crazy Jungle選大王

2011-09-15T13:34:00.000+08:00

轉吓眼又快到Crazy Jungle選大王的時候了，
自從幾年前四眼龜連任大王以來，
整個Crazy Jungle都俾佢搞到一鑊粥，
哩個四眼龜小氣又無用，
又話自己低下階層紅褲仔出身，
好明白森林裏動物們嘅需要，
點知做就.......
唉! 都係算吧啦!

Crazy Jungle裏的動物知道四眼龜要退休，
很多都對大王這個寶座"蠢蠢欲試"，
好想過吓大王癮，
例如有陰陰濕濕的黑面豺狼，
佢潛伏係大王身邊多年，
仲服待過兩任大王，
從前佢對Crazy Jungle嘅動物一向不聞不問，
但近來唔知點解變得鬼咁親民，
成個森林四處走，
又四出走訪各區，
老遠嘅山區、近郊嘅池塘都唔放過，
一派老好人的樣子，
搞到大家差啲俾佢感動到呀!

另一個"吼"實大王寶座嘅就係古惑女狐狸，
佢係森林會議局裏做過主持人，
專長係玩手段、耍古惑，
但又一副面善心好嘅嘴臉，
好多人都俾佢嘅假仁慈呃到架，
今次選大王佢口口聲聲話自己唔夠料，
其實係試吓口風，
睇吓有無人支持佢，
其後又話自己心目中有個更適合嘅人選，
講到底咪了解自己唔夠人鬥，
所以咪俾個台階自己走落黎囉，
你話係咪奸到出汁吖?

另外大熱門嘅有個少爺馬，
佢出身豪門命水好，
一生唔洗憂柴憂米，
雖然無乜才能又愛飲兩杯，
但符符碌碌又做到大王嘅副手，
祖上又同上面關係密切，
上面係邊個?
咪係森林太上爺囉，
佢平時唔會出現架，
只係係背後暗中操控森林決策，
依家四眼烏龜都係聽佢操控，
做個有名無實嘅大王喳。
講返轉頭，
其實咁多個大王候選人當中，
最唔恨做嘅就係少爺馬嘞，
事關佢一向食好住好又唔多洗做，
食老豆剩落黎嘅都足夠有凸，
依家做副手咪幾好，'
有虛名又唔洗自己揹飛，
佢都唔恨做大王，
做乜要咁辛苦自己攞黎做喎。
話就係咁話，
但係皇帝唔急太監急呀，
周圍啲老鼠、蟑螂、蜈蚣就心急如焚，
個個急住撲出黎叫佢幾時幾日辭職去參選最啱時候，
人家唔急佢哋急乜喎，
咪諗住將來可以撈返一官半職囉，
哩啲咁嘅蛇蟲鼠蟻真係通曉森林時務，
正經嘢唔做，
淨係識看風駛舵，
如果將來真係俾哩班嘢上場就死得動物多囉!

本來早前仲有個爆炸頭老虎乸想參選嘅，
不過知道太上爺唔多老黎佢就無哂聲氣了，
講到底大家係咁爭都無作用，
太上爺話邊個咪邊個囉，
嗰十二個選舉團大員都係睇阿爺頭嘅，
下任大王係邊呀?
大家心照啦，
有乜好爭呢!

九流小說: 拾花婆婆

2011-09-14T07:55:00.001+08:00

在那荒涼的墓園的門口有一家花店，
店裏住了秀芳和她爸爸，
他們的客人都是來掃墓的人，
平常人不會老遠跑來光顧他們，
所以店子的生意只是平平，
在清明、重陽時生意算是不俗，
但平時則門庭冷落，
有時一天也做不到多少生意，
不過因為全墓園只有他們一家，
拉上補下，
總算足夠糊口。

在他們店子前不遠的路上，
秀芳不時會看到一個老邁的婆婆也在賣花，
她每次手上只會拿着兩三束鮮花向路人兜售，
秀芳覺得很奇怪，
那會有人老遠跑來做兩三束花的生意呢?
於是有次她特意走到那婆婆的附近看看，
當秀芳看清楚婆婆手上的花束時，
她終於明白是什麼一會事了。
「爸爸，你有没有看過路上那個賣花婆婆呀?」
「有呀! 」
「她真可笑，她賣的都是偷人家掃墓留下的花啊!」
「我知道。」
「你早就知道? 那是我們賣給客人的花呀! 聽講她拾了再用半價賣給別人呀!」
「我也聽聞呀!」
「那我們是不是要給墓地管理員反應一下呢?」
「算吧! 她和我們一樣，想討口飯而已!」
「但一樣是不對啊! 拿給死人的花再賣很可恥呀!」
「對或不對很難講，不要只用嚴苛的態度對待別人，對人寛容點，自己也會感到愉快的。」

冬天快來了，
來掃墓的人愈來愈稀疏，
老婆婆可以拾到花束也更少了，
秀芳很多時都看到她很失意的空手經過。
一個微涼的下午，
秀芳在墓園裏散着步，
夕陽下，
她看到遠遠有個身影在墓碑前徘徊，
難道又是那老婆婆在拾墳前的花束?
秀芳正想走上前質問她時，
可是當她走近時才發覺那人不是拾花婆婆，
而竟然是自己的爸爸，
他手上拿着一束束鮮花，
她爸爸看見秀芳時也露出錯愕的樣子，
父女兩人靜默了一會......
「爸...... 你......也拿墳前的花?」
「不是，這全都是新的。」
「你這些花束......」
「冬天來掃墓的人很少，這些花束是留給那婆婆的。」
「給那拾花婆婆的?」
「每天看着她失意而回，我實在不忍心，我不想她白走一趟啊! 所以才這樣做。」
「爸......」
「關懷別人時心裏會感到一陣暖意的，你將來會明白對別人的愛惜也是自己的憐愛。」
這時，秀芳口裏說不出一句話來了。

後記:
當我第一次聽到這故事時，
內裏的含意很能讓我細嚼，
尤其是當中道理和人情的微妙關係，
有些事情表面上看是"道理至上"，
但細想後又發覺若果事事只看理不看情，
人會變得太冷寞太無情，
如何能夠兩者兼顧得宜，
當中包含了很深的學問啊。

中秋 ~ 願!

2011-09-11T12:24:00.005+08:00

中秋花燈佈滿途
金銀紫綠紅黃數
百姓萬家好辛勞
網網千斤多美好
無奈蒼海風雨遭
只求温飽難做到
唯求天公憐疲勞
家家祥和健康好

最大的"慈善機構"!

2011-09-10T15:12:00.006+08:00

你知唔知香港邊間"慈善機構"最大吖?
保良局?
唔係。
東華三院?
唔係。
仁濟醫院?
更加唔係啦。
唔通係公益金?
都唔係噃。
估唔到啦，你講嘞!
係"獅子銀行"呀!
佢邊係慈善機構呀, 你亂up。
咩亂up呀!佢哋啲高層覺得係架!
你又知?
"獅子銀行"個個月養成三萬幾人喎, 仲未計全球其他業務, 你話係咪嘞?
乜呀? 啲員工有做嘢架, 唔係白逗佢啲人工架? 點算係救濟呀?
講係咁講，但係人家要減少"救助人數"三千人呀，你有無見人鬧啲慈善機構幫少咗啲窮人吖?
強詞奪理!
人家高層係咁諗架嘛，又唔係欠咗你嘅，點解唔可以減人手呀?
咁都要有啲企業良心架,金融海嘯時就要人共渡難關，無人工加仲減咗啲人手了，依家賺返錢嘞又減? 有無衰格啲呀?
企業良心係乜黎架? 無聽過噃，食得嘅咩?
做生意唔係嘢嘢計到咁盡呀?小心生仔無蘿友呀!
唓~ 你洗同佢哋啲高層驚，佢哋個個啲仔都大哂，都唔會再生，怕乜喎!
咁都無咁離舖吖，你叫嗰三千去邊度揾返份工嘞? 政府係咪要做啲嘢呀?
政府可以做啲乜呀? 早前咪出黎豬up純屬"個別事件"囉，人家裁員又唔係犯法，佢咬人食咩?
哩啲咁嘅人渣真係唔死都無用呀!

你咪以為淨係"獅子銀行"係咁呀，頭先行過"西冠銀行"門口仲見有人寫住"還我棺材本來"呀!
乜嘢事呀?
迷債呀，你唔記得嗱，根本好多人都攞唔返幾多錢架!
嘩~~ 乜仲未搞掂咩? 早前政府咪大大聲話迫啲銀行俾返啲錢人哋咩?
無牙老虎邊個驚佢呀? 況且啲高官同啲銀行佬老友鬼鬼，怕且都係做個樣嘅啫。
有無搞錯呀?
無啦，你唔知哩個世界有錢人係惡哂咩? 人家後面成隊律師團呀，怕你班烏合之眾?
哩個政府都係廢柴黎架，依家又話選特首囉喎，睇吓點!
仲洗睇, 臭草鬥垃圾囉，成班都係睇阿爺口面做人，邊有人真係為香港謀幸福架?
為我哋謀幸福? 邊敢咁諗呀? 害少啲就好啦!

B仔與B媽

2011-09-04T11:40:00.005+08:00

你個死仔包，再係度嘈邊吧閉，信唔信我打鑊金你嘆呀？

我唔搬呀，點解係都要人搬喎？

阿B仔，新屋又大又靚，做乜唔搬過去呀？

係鬼，新屋門口又爛又剩，路又未整好，土石橫飛，我唔搬！

就快搞掂哂啦，忍多幾個月咪得囉！

就快？咪當我阿嬌喎！咁我幾月後至搬囉。

你係都要包頂頸喎，你一個人留係度作死咩？係咪五行欠打呀？

你咪行埋離呀，我有核心保安區架！

乜野核心保安區呀？唔知你up乜！

你無睇電視咩？核心保安區即係生人勿近區呀。

癡媽筋，亂講一通，都未聽過乜Q保安區！

你未聽過咪等我講過你知囉，由哩度到哥邊都係，即我視線範圍之內都係呀。

作死囉，你個死仔包作反呀？係咪想死呀？

你咪郁手呀，我有人權架，打親我報警拉你架。

好呀！好呀！我唔俾零用錢你，又睇下邊條法例規定要俾零用！

有無搞錯呀？強權呀！我靜坐抗議呀!

你坐還坐呀，咪坐係廚房門口阻住我煮飯俾阿爺食呀！

我係都要呀，你吹咩？我係要句句頂到上你喉嚨丁呀，你咬我食呀？

你個死仔包，我唔打鑊金你點下我哩啖氣呀！！！

救命呀。。。有強權無公理呀，無天裝無地載呀。。。

就係咁，
B仔同B媽日日係咁嘈，
由朝嘈到晚，
搞到家無寧日了。

三姑六婆之咪蝕底!

2011-08-24T08:38:00.006+08:00

三姑:「喂! 衰嘢，你早前有無去輪米呀?」
六婆:「啋~~ 乜你無端端講埋啲羞家嘢架? 俾人輪?」
三姑:「你諗咗去邊呀? 我講盂蘭節輪大米呀?」
六婆:「哦~~ 梗有啦! 我仲輪咗兩輪添呀!你呢?」
三姑:「你慌我會蝕底俾人，我梗有輪佢大米啦!」
六婆:「話時話，你屋企無米開飯咩? 大熱天時走去輪人大米?」
三姑:「唔係啦，不過啲米拜過神，食咗保平安，平安米嘛!」
六婆:「你信咩? 啲米有無拜過神都唔知噃!」
三姑:「信好唔信好信啦! 我哋啲阿婆無乜嘢做，成日流流長揾啲世藝做吓囉!」
六婆:「咁又係，不過我嗰日見到有幾個阿婆輪到暈咗呀! 怕係中暑囉!」
三姑:「佢哋死蠢啫，濕毛巾、雨遮、清水我嗰日一早帶齊啦。」
六婆:「嗰日多人到呢! 迫到我死呀，我仲見有幾個阿婆俾人撞咗落地，頭都穿埋呀!」
三姑:「唉~~ 啲人又係嘅，都幾廿歲人囉，唔好聽講句都聞到棺材香啦，仲迫乜鬼吖!」
六婆:「無辦法架，你迫我迫怕蝕底囉，執輸行頭慘過敗家呀!」
三姑:「咁都唔洗搏埋條老命架? 平安米未食就唔平安啦!」
六婆:「你唔好話我話，有啲阿婆阿公好鬼盲塞架，話之你，有隊排都係咁迫呀!」
三姑:「哩啲咪係衰格囉，食古不化，自己攞黎衰，迫迫吓容乜易自己都俾人撞低架!」
六婆:「唉~~ 你估個個好似你同我咁有教養咩? 無辦法啦!」
三姑:「咁又係，我同你真係好有修養架，又唔貪小便宜，唔係個個得架!」
六婆:「有修養，行快步啦，裕記好似就執啦，行得慢執唔到荀嘢架啦!」
三姑:「係噃，快啲衝嘞!」

Defriend!

2011-08-12T11:54:00.005+08:00

Defriend這個字在字典是找不到的，
但相信很多人都會明白點解，
近年facebook, 微博、twister、google+流行，
大家網上朋友一大堆，
認識不認識都叫做朋友，
在網上進行虛擬交友，
唔啱嘴形嘅可以立刻"defriend"佢，
要佢完全消失於自己的網絡世界，
當無見過那個人，
其實又真係無見過，
都唔知算唔算係"friend"!

今朝係plurk裏看見某君"defriend"咗某人，
聽聞是兩人意見不同，
加上言語間又出現衝突，
結果其中一方就"defriend"了另一位了，
而被"defriend"了那一位也不甘示弱，
在plurk裏開名發表"我係我"宣言，
意指唔啱key就算，
自己唔會改變做人態度，
啱key就自然會埋自己堆。
一樣米養百樣人，
不同人不同意見很正常，
只要亙相尊重就可以了，
但在網上世界裏，
大家看不到對方，
說話語氣很多時會變得很不尊重，
有些粗口相向的，
有些則皮笑肉不笑的講風涼話，
總之極不禮貎。
相反，
在現實圈子裏，
人們說話多留三分情面，
一來不想開罪別人，
二來也怕他朝狹路相逢，
但在網絡世界則没有這種顧慮，
因為大家亙不相識，
網名也是虛擬的，
放上網和說過的話也未必真實，
大家可以大吹特吹，
誇口自己家財千萬又得，
說自己靚仔過林峰、嬌俏過鍾嘉欣都可以，
who care? who know?
大家似相識實則亙不相識，
就算在現在世界裏遇見也不知，
發覺你唔啱嘴形時咪丙你兩咀囉，
然後就"defriend"埋你，
跟手仲講句"你咬我食呀?"!
這就是現在虛擬世界裏流行得"交友方式"之一了。

在現實界世裏則無哩枝歌仔唱，
朋友唔可以click個"defriend"按鈕就消失，
他們會一直存在在你的生活圈子裏，
就算你唔見佢，
你和他的朋友圈子總會有交疊的機會，
大家的言談和行為也可能傳到對方耳裏，
產生某些影響，
而且要交投緣的朋友的確很難，
因此在現實中，
我們的說話、行為都比較慎重，
不會隨口up當秘笈，
朋友間會多點忍讓和尊重，
不會隨隨便便當作兒戲!

燕瘦環肥!

2011-08-10T19:49:00.003+08:00

燕瘦環肥擇愛侶
腩肉燒骨任君追
美醜肥瘦無分誰
只求賢慧愛相隨

好自為知!

2011-08-09T23:51:00.004+08:00

今朝十點幾看看恆指，
差點給它嚇破膽，
才開市一小時就下跌千五點，
本來早料這兩天會大跌，
但是真的預料不到會跌得咁誇張，
雖然後來收縮到五百點左右，
結果還是要跌千多點收場，
真是給美國累死，
跌一個信貸評級就拖累全球經濟，
罪魁禍首未死，
池魚先死了。

我身兼數學和經濟白痴雙學位，
是經濟理論文盲，
但老人家說過"
「先洗未來錢，老來實會賤!」，
一個長期以借錢渡日嘅政府點可能有三條A嘅信貸評級呢?
說到底不就是"數字遊戲"，
加上三間國際評級機構都係自己友，
點會評衰自己國家呢?
現在忽然有家"玩認真"，
來個"AA+"俾佢嘆，
不過美國佢未死，
我哋股市、樓市先死，
黑狗偷食，白狗當災，
鬼叫佢仲係全球最大的經濟體系咩?
你吹佢唔脹、扯佢唔長，
唯有"GOOD"聲吞咗佢，
暫時無佢乜辦法喎!
不過時移勢易，
美國佬借貸渡日嘅日子唔可能太長了，
全球都係度忍佢，
忍忍埋一肚氣就爆啦，
唔好話中國會漸漸冒起，
其他國家都唔想再依懶哂美國，
美國亦不是唯一有消費力嘅進口國，
相信在可見嘅不遠未來，
美國不能再獨佔經濟領導，
全球將進入百花齊放，
不再是由單一經濟體系控制哂全球經濟，
到時那些只是靠借貸過活的國家，
將會面臨更嚴進嘅考驗，
絶不能再過討人便宜的生活了。

為吸引日本資金盡最大努力!

2011-08-05T14:07:00.005+08:00

有奶便是娘，
肚滿腸肥最重要，
不需理會人家從前做過什麼，
只要有利可圖，
怎麼厚顏無恥都可以做得出，
這是某些人的寫照。

黑龍江省方正縣為了吸引日本人投資，
立碑紀念日本在侵華時期在東三省的開拓團死亡者,
更要求商戶牌匾也要標上日文,
否則不會獲發牌照，
黑龍江外事部官員稱此舉是為了引史為鑑，
開拓和平未來，
用心真的非常良苦。

我們香港是以吸引外資投資為本，
但手法不外是減輕利得稅，
或是建立有系統、透明、方便的營商環境，
這些方案看來已十分落後了，
更不能與方正縣新穎、直接的手法相比，
我們的政府理應立刻組團拜訪，
多向當地有智慧有遠見的幹部取經，
並且盡快學到做到，
不要空口說白話，
否則只會落後他人，
不單被人迎頭趕上，
甚至會流失大量外資企業，
希望特區政府要以此為鑑，
積極討好外國人為上，
例如在學校裏強制性學日文、改日本名、用日本人為教師，
建立第二次世界大戰大東亞共榮圈硏討團，
相信只有這樣貫徹推行"媚外"，
方能把本土日本資金保留，
不會讓黑龍江省專美啊!

觀塘略影: 裕民坊巴士總站

2011-07-30T13:36:00.005+08:00

這是我早前拍下來的，
是觀塘裕民坊傍的巴士總站一角，
看看這些殘舊不堪的三四層高建築物，
就知道它們是歷史的見証，
大大話話都有四五十年老了，
這些舊建築不單外表殘缺，
內裏裂痕處處，
加上缺乏管理保養，
牆壁破裂，
梯間黑暗碎爛，
老鼠、蟑螂四處走動，
發出陣陣難聞氣味，
實在不太適合居住了，
雖然當中包含了不少人的回憶，
但要拆卸重建又是無可口非，
不過重建又是否一定要起幾十層高的大廈呢?
又是否一定要起那些一式一樣的多層商場呢?
這點值得政府和大家認真想想!

五十萬一條命!

2011-07-28T14:08:00.004+08:00

在內地人命賤如草芥，
天災人禍死傷無數，
重點不在於救助傷亡，
更不會是追究責任，
而是要盡快恢復正常，
意外發生了不到廿四小時，
當局就把車廂移開、攪碎、埋藏，
縱然內裏未必有生還者，
但也有死者的殘肢遺物，
這樣的速戰速決，
可謂對生命的無限譏諷。

新聞所見除了是遺屬的悲鳴外，
還有討論死亡的五十萬賠賞，
一條生命是五十萬，
好便宜啊!
但請不要驚奇，
有些人會欣然接受，
因為他們知道五十萬是很多的了，
縱然再糾纏下去也不會出現真相，
敬酒不飲只會換來牢獄之災，
也許他們要商榷的是可否再拿多一點，
人死不能復生，
還是白花花的金錢最重要，
人命在人多時變得便宜，
五十萬是個數。

叮叮飯盒?

2011-07-26T11:06:00.005+08:00

天氣熱無胃口，
隨便買了些杯麵和叮叮飯盒看門口，
原來這些東西愈來愈簡便了，
如今的杯麵，
所有配料、調味料在出廠時早起開封倒入麵裏，
只要熱水一沖等三分鐘就可以食，
叮叮飯盒就更神奇，
硬實實一盒從冰箱拿出來，
連紙盒也不用開啟，
只要一整盒拋送微波爐裏叮幾分鐘就可以食，
打開微波爐時，
飯盒的紙盒包裝早開被熱力打開了，
連內裏的膠盒封面都彈起了一角，
只需順手一拉就可以進食，
方便到不得了，
就連智障的都不會感到困難，
唯一要留意的就是熱熱的水蒸氣，
其餘的就是張口進食。

科技發逹令什麼都方便了，
從前肚餓要先煲水開爐洗菜，
搞一大輪才有東西進肚，
現在什麼都不用做，
曉得按幾按鈕就有得吃，
難怪早前有年青人連煮包即食麵要落水都不知道，
可能就是因為自小方便慣了，
連基本的求生常識都不曉得，
有時我會想，
科技是讓人方便了，
還是令人變得白痴和失去基本能力呢?

一個煙蒂！

2011-07-19T16:51:00.005+08:00

這是有感而發的一篇。

早上路經街邊一個垃圾筒傍，
看見一個廿歲出頭的後生仔在抽煙，
我不是看見年青人抽煙就大驚小怪的人，
但看見他從垃圾筒煙蒂兜"搜尋"人家未抽完的"煙尾"來吸，
實在令人很痛心，
大好青年一個，
看他衣著雖不光鮮，
但T-Shirt，短褲還是乾乾淨淨的，
樣子也算清醒精神，
為何煙癮大到要執人家"煙尾"抽呢？
無錢不就抽少兩口囉，
當時垃圾筒傍眾目睽睽，
有四，五個男人看著他的行徑在偷笑，
為了幾口煙就尊嚴盡失，
情可以堪呀？

唉。。。
不要說年青人，
就是任何人都是一樣，
沒有什麼比自尊更重要，
因為連自尊都可以放棄的人，
就什麼價值觀念都沒有了，
任何事情都可以做得出來！！

老媽語錄: 慳返十八蚊!

2011-07-18T12:34:00.003+08:00

十八蚊做得乜?
搭吓車、街邊買幾串魚旦都仲可以，
但係就連食個早餐都唔夠了，
唔好講連鎖式快餐店，
就係街坊茶餐廳嘅早餐都要廿三、四蚊，
凍飯加三蚊，
出前一丁麵加五蚊，
加吓加吓就三十大元一個早餐了，
所以十八蚊真係唔係好多錢，
不過噚日就係嗰十八蚊氹得新鮮媽鬼咁開心了。

有曰新鮮媽打電話問我觀塘換手錶電池要幾錢，
我一時都俾佢問到口窒窒，
完全唔知點答佢，
原來佢隻精工錶無哂電，
係佢嗰頭間舖頭要收佢 $38蚊，
仲大大聲話 $38 換粒電池好平喎，
新鮮媽把幾火就唔幫襯佢，
特登打黎要我睇吓觀塘啲街邊檔收幾錢，
噚日一問就知道 $20 搞掂，
於是新鮮媽就嗱嗱臨攞埋隻錶走過黎，
二話不說就俾廿皮換咗佢囉，
換完仲大大聲咁講:「咁又慳返18蚊嘞!」，
其實18蚊事少，
俾之前個錶佬"CKOK"住條氣無癮嘛，
收得咁貴仲好似老溤咁緊係火滾啦，
結果就係哩十八蚊氹得新鮮媽成日都笑咪咪，
有時氹人唔係好難，
只要能夠捉得住當事人嘅心理，
包你事半功倍，
大家日日都會好開心。

七彩繽紛人字拖!

2011-07-07T07:44:00.007+08:00

夏天來，
"人字拖"又再活躍了，
五綠顏色，
花樣百出，
令人目不暇給，
但不要誤會我是變態的，
更没有戀足情意結，
只是給那色彩斑斕所吸引而已。

其實從小就不太愛"人字拖"，
總是覺得用腳趾公和二指夾住條膠帶好肉酸，
有點粗鄙和無文化的感覺，
不過這純屬個人感受，
不是客觀意見，
到現在也漸漸看慣了，
尤其是去海灘就更加適合，
方便又舒服，
又配合氣氛，
至於平時出街就因人而異了，
男仔落街買碗魚旦粉當然無問題，
但係行街食飯睇戲就麻麻了，
有點麻甩、難睇，
除非是"人字拖皮革涼鞋"又作別論，
女仔就無乜所謂，
不過腳趾腳掌一定要靚先好着，
腳趾又粗，
趾隙又"叉"到好開嘅，
仲要膚色"黑嗎嗎"嘅就唔好嘞，
著咗好似污污糟糟好難睇，
(很多時外傭穿人字拖時會給我這種感覺)
仲有不要搽到啲腳甲五六顏色，
腳甲得丁屎咁"大"面積仲要劃幅畫上去，
鬼睇到劃乜咩?
更不要鑲哂古零精怪水晶珠片，
搞到對腳鬼咁馬六，
好似中咗核子幅射咁，
睇見都唔開胃呀!
簡簡單單乾乾淨淨，
搽少少透明護甲水就足夠，
因為人體本身已經很美，
搞到亂七八糟反而喧賓奪主，
大大失去了本來的美態，
還是自然美最美!

"扒"艇仔!

2011-07-05T13:27:00.009+08:00

這張相是我湊巧在書店發現的，
應該是人家在上世紀六十年代時所拍，
地點是舊日沙田近禾輋邨和馬場一帶，
那時沙田馬場一帶還沒有填海，
汪洋一片。
相片右上角的是馬鞍山，
左上角則是舊沙田華舫，
是一艘真正可以在城門河上游動的海上食肆，
不是如今那艘石屎扮作船的可以比。

這張相主角當時是中間那位划艇的大哥，
他划的就是後來我家在馬料水所出租的艇仔了，
由艇身到船槳全是木製的，
絕對不是玻璃纖維，
所艇身重很多。
相片中那位大哥一拖五非常有型，
小時候我都試過，
最高記錄係一帶十，
不過划到手仔軟先至會向前郁，
如果遇着大風大浪，
真係極之辛苦，
企哂起身出盡力先至划得郁，
加上日曬雨淋，
有苦自知，
現在回想都一番滋味在心頭，
難怪老媽子都話咁大個人，
係馬料水時真係最辛苦最攞命，
如果淨係住就無得頂，
背山面海景又靚，
海風撲面空氣好，
相對於如今樓望樓，
四週空氣污濁嘅居住環境，
那時真的是人間天堂，
不過針無兩頭利，
世事無完美，
時代進步，
星移物轉，
往日的苦與樂就只有長留心裏吧!

進食的 Quota!

2011-07-01T23:51:00.006+08:00

有些人對食物没有什麼要求，
只要能飽肚就可以，
有些人則比較重視，
尤其是不再年輕了，
食物除了要有益健康外，
也要美味可口，
色、香、味俱全就更佳，
我個人算是後者。

前人說年紀大了，
食一餐少一餐，
不知還可以吃多少次，
所以希望每餐都吃得開心愉快，
其實不是要什麼珍饈百味，
也不一定要鮑蔘翅肚，
只要用心去做的就可以了，
就算只是一碗平民化的雲吞麵都可以很滿足，
不過希望和現實總是有距離，
有心做好菜的食店總是很少，
食物質數低劣但收費高昂卻見很多，
吃了一肚子氣還要再買東西回家填肚，
這些食店必定一次無回頭!

今天在觀塘試了一間日式食肆，
收費中檔但食物水準就很不濟，
壽司不新鮮、細件易散，
刺身當然也不新鮮有雪味，
青瓜絲沙拉變生菜粗切，
豬骨味海鮮拉麵份量少且湯料無味，
店主還多次推介和牛、生蠔刺身，
吃了前幾味已經非常失望，
怎還會去嘗試這些貴而不飽的高價貨呢?
而且價錢也不便宜，
普通壽司都要十至十五元一件，
還說壽司是特價了，
這樣的水準收這樣的價錢真不要臉，
裝修亦很殘舊兼無日本風格，
看見厨房地上滿是積水，
衛生水準也不會高得那裏去，
這種食肆試完就會 Say Goodbye，
一定無下次，
白白浪費了我一次進食的 Quota，
可惜! 可惜!

晚九朝五！

2011-06-21T07:00:00.005+08:00

年少輕狂，
燃燒青春，
曾經何時我都過著晚九朝五的生活，
放工就和朋友食飯直落不停到天光，
第朝隨便洗過面又照常上班了，
中午飯時間小睡片刻又叉返電，
傍晚放工又再黎玩過，
卡拉OK , 酒吧，的士高..... 永遠玩不完，
那時感覺好自由好開心好滿足，
不知天高地厚，無憂無慮。
但隨著時光一天又一天流逝，
身心都開始有點疲乏了，
尤其在晨曦初現時，
從紛擾的紫醉金迷重返現實後，
朋友們都各自四散，
一個人披頭散髮，目光暈眩走著路，
看見街上早班的清潔工人把路上的垃圾一堆又一堆掃清，
街道變得異常空闊，
四周卻寧靜得連自己的呼吸聲都聽到，
忽然心裏泛起一種無名的恐懼，
我會一直這樣生活下去. . . . . .

往日種種，
還有很多很多，
有些可堪回味，
有些淡然忘卻，
有些隨風消逝，
不竟. . . . . .
都已成過去了！

你快樂嗎?

2011-06-20T07:05:00.003+08:00

唔知係大咗比較怕熱還是什麼，
這幾年嘅夏天真係熱得好厲害，
晨早七、八點出門口就感覺到個太陽好惡毒，
曬到成個身都滾哂，
再行一陣就流到成身汗，
有時流到成面汗水一滴滴咁滴落黎，
有啲專家話地球暖化咗，
要我哋環保啲少開冷氣，
道理係啱嘅，
不過有時真係熱得太交關，
唔好講日頭，
就算晚上啲温度都好高，
開着風扇吹都係咁滴汗，
完全呼吸唔到咁，
而且香港濕度高，
又濕又焗又熱真係好辛苦，
真係好難頂呀!

以前住郊外都好啲，
一來四周附近無乜屋，
空曠兼空氣清涼好多，
夜晚如果真係好熱嘅，
最多攞張蓆出屋外瞓，
有少少晚風吹吓都舒服好多，
但係依家住九龍市區都無可能咁做，
困住係間屋入便，
四周都俾啲高樓大廈包圍住，
唔單止無風，
就算有都係啲汽車廢氣，
再唔係就係從四方八面吹過黎嘅冷氣機熱氣，
簡直尤如蒸爐一樣，
你話講環保唔開冷氣，
就要受忍上下左右冷氣機吹入黎嘅熱氣了，
嗰種辛苦法真係非筆墨可以形容，
任你點愛錫地球都忍唔住要開冷氣呀!

細個住新界時好恨搬出九龍，
想做城市人唔做鄉下仔，
但係大咗就好想搬返新界，
尤其係鄉村嘅地方，
一來地方闊落啲唔似白鴿籠，
二來空氣好好多無咁焗熱，
不過香港愈來愈擠迫，
依家嘅所謂鄉村都愈來愈少了，
新建嘅"衛星城市"人口密度又高，
處處都是屏風樓，
空氣流通極差，
夏天一樣熱如火爐，
政府時常把城市計劃掛係口邊，
但係啲高官嘅所謂計劃只不過是"起起起...."，
根本唔會理會啲樓會唔會太密，
人口生活空間是否足夠，
只係關心可以起幾多個大型商場，
啲地可以賣到幾多錢，
所以市民嘅居住質數就愈來愈差，
就算有錢買樓嘅都係豆腐膶咁細，
仲要係樓貼樓兼實用面積偏低，
啲所謂環保露台、窗台等等，
就更加係地產商利用政府嘅無知來魚利的，
住係香港真係幾慘，
空氣質數差，
居住環境差，
樓價又貴到不合理，
而且生活壓力又大，
很多人都生活得很吃力很不開心，
這個就是我們政府口中嘅"國際大都市"了。

有時我唔想香港發展得咁快，
相對番從前，
香港人雖然係窮一點，
但開心的總比現在的多，
人與人之間嘅隔膜亦少很多，
左鄰右里亙相幫忙，
但係現在的香港人人情涼薄，
多數生活得唔快樂，
如果人生活得唔快樂，
我們現在的所謂"發展"究竟又有什麼意思呢!?

執到"寶"，點算好?

2011-06-15T10:32:00.003+08:00

家裏教導，
就算窮都要窮得有骨氣，
由細到大都堅守"路不拾遺"，
更加唔敢去偷呃拐騙，
小時候，
就算執到一蚊五毫都會攞俾老師，
到依家都依然係咁諗，
唔係自己嘢一定唔會貪。

今朝係街我見到兩母子談話，
個小朋友大約讀幼稚園高班，
我見佢指住地下一個一毫子銀仔，
佢媽咪見到即係就話:「執到寶呀!」，
然後就叫個仔執起佢，
好明顯個阿媽會將嗰銀仔據為己有，
咁做實在很有問題，
那怕只是一毫子，
唔係自己嘅就唔應該要，
而最大影響係個仔會以為乜嘢執到就係自己嘅，
哩種思想入咗腦就好大問題。

好嘞，
如果要"路不拾遺"，
咁我哋又應該點處理嗰一毫子呢?
如果係貴重的東西當然可以攞去差館啦，
但係一毫子都攞去實俾差人話浪費警力呀，
如果唔攞去又點做好呢?
就咁放返係地下唔理?
一毫子唔理都唔奇怪，
但係如果係廿蚊、一百蚊紙呢?
攞去差館啲差人都一樣當你儍，
講真就算差人自己執到都唔敢包佢哋會點做，
更何況係別人，
如果係你係街執到張廿蚊紙，
左睇右睇都唔見有人似係物主嘅，
你又會點做呢?

老媽語錄: "扭一扭、舔一舔、浸一浸"!

2011-06-14T19:40:00.006+08:00

"扭一扭、舔一舔、浸一浸"，
新鮮媽最近時常在我耳邊說着這句口號，
仲一路說一路做埋扭餅乾動作，
成個老頑童一樣，
看來這個廣告成功地打入咗佢腦裏。
星期天和她逛超市，
在零食架上發現它，
她兩眼bing bing發光似的看得入神，
嘴郁郁好想試的模樣，
結果買了一小筒藍莓味給她，
後來問她覺得味道如何，
她說:「甜得濟，唔浸牛奶食唔到呀!」，
問她要唔要再買，
她連忙撒手兼擰頭，
說:「試一次就夠了!」。

阻住地球轉!

2011-06-11T09:24:00.007+08:00

夏天熱到飛起，
人都容易燥啲。

我發現咗好耐，
就係好多人好喜歡係人流極高嘅地方企係度，
例如地鐵出入口、大路嘅樽頸位、酒樓支客嘅櫃大台前，
人愈多、路愈窄就愈多人喜歡企係嗰度，
佢哋可能係等人、聊天、現IPHONE、打機...
總之係都要企正係走道中間，
就算成條路被佢哋塞哂行唔到都唔理，
簡直當其他人無到，
叫佢哋行開啲就當聽唔到，
大聲啲叫佢又眼瞅瞅、嘴"表表"，
好鬼唔願意兼表示好搞住佢哋咁，
個樣仲好似食咗屎咁樣，
其實明知會阻住嘅就一早唔好企係度，
哩啲咁嘅爬街，
我真係好想見一鑊打一鑊呀!
邊有人咁衰格架，
度度唔企係都要企正走道中間，
仲要唔多人唔窄嘅地方唔企喎，
你估條路係佢哋買咗架?
要約人等人嘅唔該約係一邊少人嘅，
依家人人有手電聯絡，
慌會揾唔到咩?

又例如係酒樓，
啲行人道已經好窄架啦，
啲人係都要放架BB車係路邊，
佢應該盡量都收起佢，
你多嘢係車上面唔方便收起係一件事，
條路窄就唔應該放係度，
人家行過嘢嘢要等你攞開，
塊面實會黑架，
所以做人唔好咁自私，
要先知先覺，
要人出到聲就無意思啦。

再衰格啲嘅就係啲一家大細喜歡一字排開咁行街，
成家大細又老又嫩又BB車十幾人，
行街時唔係二三個一排嘅，
為咗方便講嘢就闔家排開哂黎行，
一排開就十幾個人，
全條路俾佢哋闔家霸哂，
仲要好滋柔咁慢慢行慢慢講，
又唔會擰轉頭睇吓後面成村人俾佢哋闔家阻住哂喎，
哩啲咁嘅人唔會理人死活架，
咁大個人唔會唔知咁行會阻住條路架，
明知又故犯係乜吖?
衰格呀!

又好似啲人去酒樓攞位，
有啲人攞咗籌後係都要企定定係個櫃位前面，
仲要唔係一個人喎，
係全家大細闔家企係度包圍位哂個支客姐姐喎，
咁搞法，
你叫之後啲人點行入黎問人攞籌呀?
行開少少慌死俾人搶咗個位咩?
哩啲正"闔家產"，
闔家財產人口都企哂係度呀!
阻住地球轉就係哩啲人嘞。

哩啲咁自私嘅人種通街都係，
自己衰格之餘仲教壞埋下一代，
簡直係污染社會呀，
必需重新教育過，
以免為害人間。

叮叮意粉試食報告。

2011-06-08T16:11:00.005+08:00

天氣熱無胃口，
隨便在超市買了幾盒叮叮意粉試吓，
這款"新意派"叮叮意粉賣 $6.7一盒，
有三種口味: 三文魚、番茄、芝士，
包裝不俗幾吸引，
撕開包裝後，
盒面印有詳細煮法，
大致是先落抽乾了水的配料，
配料當然不多，
也没有什麼嚼頭，
然後倒入凍滾水，
放入微波爐叮五分鐘，
再把調味粉倒下完成攪拌即可食用。
我吃了三文魚味的，
味道可以，
汁醬鹹味適中，
但没有明顯的三文魚味，
不過有少量芝士味，
不好芝士的我也可以接受，
而且芝士的確增加了味道的層次，
意粉也有咬口，
不會太軟一PAT嘢咁，
相信是時間要控制得宜，
否則效果就完全不同了。
份量方面是比較少的，
女仕胃口小可能剛剛好，
男仕吃一盒則會到喉唔到肺，
只適合作早餐或下午茶，
正餐就要吃兩盒才夠了。

整體而言，
以 $6.7買這盒意粉是可接受的，
而且没有即食杯麵的強烈味精味，
吃了也不會極度口乾，
久不久一試也不俗。

吃到從前!

2011-06-06T16:54:00.006+08:00

上世紀港商興旺時代，
他們在國內開設的工廠多是包伙食的。
午飯時間一到，
成千上萬的工人同志們會拿着自己的搪瓷盛器慢慢輪候，
吃的多是一砵很大的白飯，
一大堆又老又黃的蔬菜加上很少量的肉絲，
肉絲份量少得可憐，
有時要用放大鏡才找到一丁點，
當時覺得這樣少的肉怎夠營養呢?
但那時人多工少，
只要二、三百"人仔"加包食宿，
大把工人搶住做，
肉多肉少根本不能計較。
今天的情況當然完全不同，
千多元一個月都未必找到人做，
時移世易了。

早前在香港某間連鎖快餐店吃午餐，
當職員遞上我叫那味西芹炒雞柳時，
我看見了"從前的歲月"，
從前國內同胞吃的水平，
今天變成我們的了，
而且價錢還在不知不覺中"每月一加"，
份量和內容卻愈來愈差，
感覺很無奈......
如今在香港生活真不容易。

看到什麼嗎?

2011-06-06T08:53:00.002+08:00

你看到什麼?
或者聯想到什麼?
也許男女看到的會有分別!!

哈~ 哈~ 哈~~

放假的感覺!

2011-06-05T08:42:00.001+08:00

懶洋洋、
靜悄悄、
休休閒、
平平淡、
放假的感覺應該是這樣的!

從食物到中日戰爭!

2011-06-04T09:34:00.007+08:00

如果要看匹馬和老虎，
大家不用去馬場和動物園了，
因為牠們已經成為很多人的寵物，
人們很喜歡拖住佢哋出街，
我說的是馬馬虎虎和求求其其，
不少人和牠們形影不離的。

昨天去了一間日式食店，
其間點了一個酒煮蚌，
送來時是跟兩個疊起的小碗的，
因為忙着吃其它東西，
所以完全没有留意它，
及後要吃蚌時，
才發覺兩個碗中，
上面那個有一匙羹剩水，
下面的則有不少壓扁了的飯粒，
把上下兩個很穩固的Stick Together，
以一門中檔日式食肆來講，
這種錯誤簡直是不知所謂，
這間日本食店還說自己有日本師夫坐鎮，
處理食物時會一絲不苟，
為何還會出現這種不可接受的狀況呢?
究其因只有一個: 馬虎求其、管理不嚴。

記得這間分店初開時，
不單食物新鮮、服務週到，
而且由Bar枱到地板，
以至豉油瓶、芥辣瓶等等微細地方都十分整清潔，
但是昨天所見，
不單碗筷衛生有問題，
而且地板上有少量垃圾，
枱面有黏稠不潔的感覺，
調味瓶、落單紙亦有污跡，
也許有人會說:「可能佢哋客太多才會這樣。」，
但這些都是做事馬虎的藉口，
人多就可以降低水準要求嗎?
人手分配、食物衛生、環境水準、服務態度都是管理的問題，
管理不足或不妥則事事出錯，
員工做事亦會得過且過，
結果水準一落千丈，
令客人一去不返。

見微知著，
從小事中可以找到些道理。
記得曾經有人說如果中日再戰，
贏的依然會是日本，
當時我很不明白，
以今時今日而言，
何以斷言日本必然再勝呢?
但中國人有些陃習，
就是經過了百年，
還是依然改不過來的!

百多年前，
中日雙方同時改進軍備，
各自購買大量海軍艦艇，
而且亦採用西式方法訓練海軍。
1886年，
有"亞洲第一鐵甲艦"之稱的中國(清)"定遠號"訪問日本長崎，
當時曾經引起日本朝野對中國軍力的恐懼，
及後日本官員被邀請上艦參觀，
他們看見艦上管理鬆弛，
艦炮炮管上以至四周都掛滿了曬晾的衣物，
而且又發生中國水兵上岸嫖妓與當地人發生衝突被捕，
最後"定遠號"鳴炮威逼放人才能了事，
到中日甲午交戰，
日本不單以軍艦較少戰勝了，
而且把整個北洋艦隊連根拔起，
從而可見管理不嚴可以有很嚴重的後果，
人材中國是有的，
當中不少將領亦是從外國學成歸來，
無奈中國人似乎不習慣有系統的管理，
軍隊紀律鬆散不堪，
作戰力自然大大降低，
因而成為慘敗於日本的其中一個原因。
看看今天我們自己的素質和特色，
和百多年前的中國人有很大的分別嗎?
相反，
一般而言，
日本人做事細心有條理，
每個細節都能一絲不苟，
而且自律性強，
服從性亦高，
能盡力把事情做到最好，
在這樣的民族特色分野下，
如果中日再戰，
結果可想而知呀!

九流小說: 風鈴草!

2011-06-01T00:06:00.003+08:00

圖片:maomao520.yeah.net

志明搬進這座海邊小屋已有一個月了，
也是她離開後的第一個初夏。
屋子是用白泥磚砌成的兩層小平房，
有點像愛琴海邊的白色小屋，
四周附近只有零丁數間房屋，
他住這間樓下是小客廳、浴室和厨房，
樓上只有睡房和小書房，
睡房窗外有個小陽臺，
站在那裏會嗅到淡淡的青草味，
陽臺對出那片草地生着一些不知名的花蕾，
再不遠處外則是一幅海天相接的美景，
一望無際，
日影夕陽，
海面金光鱗鱗，
每個黃昏都美得醉人，
醉得令人快遺忘了世界的殘酷。

黃昏時候，
志明總愛站在陽臺看着夕陽西下，
手裏拿着那枝長長的木笛子﹐
十隻手指柔柔的上下翻動，
幽幽的吹奏出首首悲怨的樂曲，
笛聲隨着微風流蕩，
把草地吹了一遍，
然後淡淡没入寧靜的海面。
志明感覺到，
他每多吹動一次笛子，
沈重的心就會輕了一點，
笛聲好像能把心裏的鬱結輕輕帶走，
所以搬進來這個月裏，
每天傍晚他都這樣吹着，
心裏比初來時舒暢多了。

這個黃昏，
志明又在小陽臺吹奏着，
「咯咯..咯咯..咯咯......」，
樓下恍惚傳來一陣輕輕的叩門聲，
感覺有點奇怪，
誰人會來探訪這個孤單的男人呢?
搬進來那麼久，
也没有和四周的人來往過，
只是偶然在小徑碰面點點頭，
究竟會是誰呢?
志明走到樓下把門打開，
但是門外一個人也没有，
難道是自己的錯覺?
當他正要走回樓上時，
他眼角瞅到門前籬芭傍的信箱上好像有着什麼，
志明慢慢的向信箱走去，
他發現一角嫩綠的樹葉插在信箱口被風吹着，
正當他要拿起拋掉時，
他看見葉子上竟然寫了一些字，
十幾個用類似藍色墨水寫的字，
幼幼長長、彎彎曲曲好柔弱的樣子，
「笛音太悲哀了，悲哀得讓我們都落淚...」
志明看着那神奇的葉子，
「是說我嗎? 是說我的笛聲太幽怨嗎?」
究竟是誰寫的樹葉信呢?
「是前面遠遠那間屋子住着的婆婆嗎?」
但是老婆婆年紀那麼大了，
她能聽到這麼遠的笛聲嗎?
「難道是左邊不遠處那間紅磚屋的女人嗎?」
那個女人早出晚歸，
傍晚時分她還没有回來，
不會是她的吧!
想着想着，
志明始終猜不透是誰寫的，
還要是用葉子寫的信，
感覺有點怪怪，
但也没有什麼辦法，
所以很快便把這事忘掉了，
走回樓上繼續他的笛子怨曲。

一個星期後，
又是金黃滿地的時候，
志明正想走出陽臺吹奏時，
門口又傳來咯咯的叩門聲，
這次他聽得很清楚了，
雖然叩門聲很輕，
但他確實聽到叩門的聲音，
他快步的走去把門打開，
但是屋外依然空無一人，
四周圍也没有人經過的跡象，
詭異得令人背後冷了一截，
就在這個的恐懼感覺侵襲的同時，
志明又再看見信箱口插着些東西，
他快步的走到信箱那邊，
又是樹葉，
不過不是一片，
而是幾百片的樹葉信，
內容和上次的一模一樣，
字跡亦很接近，
究竟是誰寫的呢?
志明四周左右的窺探着，
有那麼多人留意自己吹奏的笛聲嗎?
「我吹奏的曲調讓別人傷心了嗎?」
他喃喃自語的問着自己，
也許真的太幽怨吧，
但死了的心還能夠吹出快樂的樂章嗎?
他慢慢轉身走回屋裏，
走上了樓上，
走到二樓的小陽臺，
把笛子湊到嘴邊，
輕輕的吹起巴雅爾其其格的"孤獨的手風琴"，
十隻修長的手指飛快的在笛子的氣孔上下飛舞，
嘴巴不停的吹奏起那輕鬆的舞曲，
瞬間屋子的四周一切好像起了變化，
小草、樹木、海風都跟隨着笛聲舞動，
整個世界都活潑起來，
全都跟隨着輕快的笛聲躍動飛舞，
充滿着生氣和歡樂，
當一曲吹奏完畢，
志明心裏重現了生氣，
往日的哀怨消散了很多很多，
那夜他很輕易地便入睡了。
一睡到了半夜，
睡夢中的他被一陣輕快的鈴聲喚醒了，
是一串串清脆的銀鈴聲，
而且正湊起他傍晚吹湊過的"孤獨的手風琴"，
銀鈴聲中還隱約夾雜少女們的笑聲，
夜半三更那裏來的銀鈴聲呢?
還有少女的笑聲?
鈴聲好像是從屋外的草地傳上來的，
志明循着聲音走到小陽臺查看，
但他立刻給眼前的境象嚇呆了，
銀白的月光照射下，
屋前的草地開滿了一大片白色小花，
是白色的風鈴草，
一串一串又一串的白色銀鈴隨風搖動着，
發出響耳清脆的銀鈴舞曲，
在那片白色風鈴草中央，
有着數個身穿白色半透明舞衣的少女在隨歌起舞，
身影飄逸，
尤如在花上跳躍，
而且舞衣如雪般白，
輕柔的隨着身軀飄蕩，
她們邊跳邊愉快笑着，
志明被眼前的景象深深吸引着，
呆呆的站着了不知多久，
當他回過神來時，
他很想走到她們身傍，
於是飛快地跑到樓下去，
可是當他喘着氣把大門打開後，
那些白衣少女已經消失得無影無踪了，
只有一大片白色風鈴草還在風中搖蕩着，
還有耳裏迴響着剛才的銀鈴舞曲，
剛剛在陽臺上看到的神奇景象消失了，
一切又好像回復正常，
銀白的月亮依然高高掛着。

傳說風鈴草是花中的音樂仙子，
她們很喜歡輕鬆愉快的舞曲，
在夜裏風鈴草會幻化成白衣少女，
在白色的花海中隨風輕舞，
還會發出如銀鈴般的笑聲，
但只有愉快的人才能夠看見她們。

完!

輕抹紅裝!

2011-05-28T17:21:00.002+08:00

夕陽西下影紅霞
雲裳輕展入高廈
紅裝淺抹會初夏
好得涶稱你我他

有口難言!

2011-05-27T09:51:00.004+08:00

今天來個錯誤搞笑之作，
没有什麼目的，
只求有趣開心，
也顯示出中文(廣東話)的多變和奇妙。

笑士后號爬終吻昨吻，
恩謂鵝事嘗初伯寺，
逸編吻張捨夏耐，
除事誘拾杞過伯寺，
魯屍體注鵝編吻珍系伙刀梨埋，
蓋刀誤上載蓋袖調犯編吻肶鵝，
腰鵝松身捨個，
袖蒜吾世松捨，
靜系腰驣吻刀油牌鵝驣拿，
李畫系米豪歹獲鴉?

初初以為要寫篇同音別字作很容易，
寫到手時才知道很困難，
一來手到字亦來，
很難把記憶中的正字改掉，
另外廣東音的九音加上四聲真的幾複雜，
很多字表面上是同音，
但在四聲中又會特顯其中的不同了，
要找個同音同聲的中文字很有難度，
還要兼顧埋全句讀下來是否順口，
人們說廣東話難講，
我自己是香港人香港大，
所以從來都不察覺有什麼因難，
直到如今從另一個角度去體會時，
我才發覺就算是同一個音要讀得正都要很小心，
唔怪得我們時常聽到啲外國人學廣東話好好笑，
佢哋就係俾啲九音四聲搞到頭都大埋囉。

同一個問題，
就係很多中文都會出現同音但不同字，
而且意思可以完全無關，
學寫中文字時這又是另一個難題，
一時忘記就會錯別字了，
相對來講，
英文是注音文字，
比較少出現以上嘅問題了，
所以我都幾佩服能操一口流利廣東話嘅外國人，
相信佢哋真係落過一番功夫才能夠成功架。

難忘你!

2011-05-25T22:11:00.007+08:00

我是看着小王出世的，
那是很久以前的事了，
故事雖然變得模糊，
但卻永遠不會忘記!

那年的初夏，
小王就是在屋傍的那排木箱的其中一格誕生了，
一共有五兄弟姊妹和他一起來到這世界，
但不知為何他特別和我投緣，
當我無意間打開了那格木箱時，
我第一眼看到的就是小王，
他的毛色黃黑相間，
有點像隻小老虎，
很是趣緻可愛。
當時他眼睛還没有開，
什麼東西都看不見，
只感覺到"家門"被打開了，
盲夸夸的爬到我的手掌上，
還發出微弱的喵喵聲，
看着他弱小又柔軟的身軀，
我感受到一團暖暖的小生命就在我手掌裏，
那種感覺很奇妙，
很難用筆墨形容，
後來小王媽咪知曉她的"育嬰室"曝了光，
當晚就全家移民到別處去了，
其實所謂"別處"，
只是那排木箱的另一格而已，
而我也很識趣，
裝作不知，
只是有空偷偷瞟一兩眼小王算了。

大約三、四個星期後，
小王幾兄弟姊妹已長大到可以自由奔奔跳跳，
他媽咪也覺得孩子們有能力面對外面的世界，
於是便帶他們出來和我們見見面，
很放心似的任由孩子們讓我逗着玩，
而她只是遠遠的坐在一傍監察着整個事情而己。
在幾兄弟姊妹中，
小王特別頑皮，
他很喜歡在我腳邊不停氹氹轉，
有時又會和我的手指玩捉迷藏，
當他"捉"到我時，
他會用力咬着我的指頭，
可能是誤會我的指頭是他媽媽的乳頭呢?
但我的手指頭可不會有奶讓他啜啊!
為了逗小王開心，
如果家裏有牛奶，
我也會偷偷的拿一點給他們飲，
看着他們飲得滿嘴白白的，
很開心很有滿足感，
好像和他們建立了更親近的關係一樣。

小朋友的時間過得特別快，
小王很快便長得有他媽媽的三份一大了，
而且不再和從前一樣整天跟着我，
他愈來愈喜歡走到屋後的小山去探索，
那裏有他從來未見過卻又很新鮮的事物等着他，
爬樹、抓泥、捉蜘蛛、捕小蛇.....
總之花樣百出、樣樣有趣，
也許對於小王來說，
大自然比人類更神奇更有吸引力，
他逗留在山上的時間愈來愈長，
而我亦只是間中才能和他碰個面，
感覺不像從前親密了。
每當大家偶然碰面時，
小王會默默的回頭看我一會，
然後消失於上山的草徑裏去，
繼續追尋他自己有趣的生活，
而我只有看着他的身影慢慢消失在草叢裏。

四面楚歌!!

2011-05-24T10:47:00.004+08:00

唔知係咪受嘈音影響，
很多人說話都超大聲的，
尤其在公眾地方，
嘈吵的還是寧靜的，
人們都喜歡叫破喉嚨大大聲咁講嘢，
搞到傍邊的人耳膜都快穿了。

圖書館裏:
「哩個事仔包，叫哩米咁嘈，哩道圖書館黎架~~ 哩信唔信我打餐你飽吖嗱!」
那個師奶邊咬牙切齒邊大大咁鬧那個邊走邊叫的兒子，
忽然她的電話響起，
她拿起電話就大模斯樣的講着，
諸事八卦、人地長短、天南地北講一大輪，
完全不去理會傍人的討厭眼光，
有這樣的母親就有這樣的孩子。

廁所裏:
當你靜靜地釋放體內多餘的廢物時，
隔壁廁格內有電話響起，
「喂!! 哦~~ Tommy呀~~ 好耐無見啦，近黎係邊度發財呀? 你.........」，
無聊的對話不斷持續下去，
完全没有停止的跡象，
廁所裏充斥着隔壁的寒喧，
回音不斷在狹小的空間裏迴轉，
令人耳膜發毛，
有什麼話非要在廁所裏講完不可呢?

巴士上:
當大家都默默的釣着魚的時候，
背後那人的電話響起了，
「喂! 黃生呀! 五十蚊唔得啦~~ 起碼六十呀~ 我無賺你架啦~~」
那人聲如洪鐘，
中氣非常充沛，
聲音貫徹全層巴士，
每個人都很清楚很明白五十蚊他是不會接受的，
難為坐在他前面座位的人，
不單耳膜很痛，
而且腦袋也快被震破了，
有需要這樣大聲講說話嗎?

從前家長、老師都曾教導，
在大庭廣眾的地方說話要細聲一點，
這是基本的禮貎，
如今的卻到處喧嘩大叫，
他大聲、你被迫又再大聲啲、別人又再大聲啲，
結果搞到四圍嘈到拆天一樣，
耳膜受損之餘又傷中氣，
走在街上，
簡直令人頭昏腦脹，
好難受。

天生絶配!

2011-05-19T08:50:00.010+08:00

有没有聽過老一輩的男人講過:
「女人唔到六十歲唔好俾飽飯佢食呀!」。

如今回看這句話，
當然會覺得很"離鋪"，
女人都係人，
點解唔可以餵飽佢哋呢?
況且女人依家有手有腳有能力，
洗唔洗男人養呀!
不過今次唔係討論男女平等，
只是想推論點解會有咁嘅想法。

從前俾女人食飽究竟有乜唔好呢?
食飽無憂米?
食飽無嘢做講是非?
食飽，女人就會懶惰唔做家務?
食飽，女人唔會再聽老公話?
食飽，女人可能會去勾佬?
無論係乜嘢原因，
從前有啲人會覺得女人好似"病毒"咁，
食飽可能會出現問題。

「啲女人食飽無嘢做就講是講非架嘞!」，
這句是由一個老女人講出黎，
乜淨係女人會講是非咩?
我唔敢講，
不過坊間一向用"長舌婦"黎,形容講是講非的女人的，
說三道四討論人家長短長久以來好似都係女性嘅專長。
「隔離黃師奶個女未結婚就有咗啦，好似仲係個有婦之夫添呀!」，
「邨頭張師奶個老公出面有個女人呀，個女人好鬼妖野好鬼姣架!」，
「你又知?」，
「噚日李師奶講架，講到幾鬼精彩呀!」
「李師奶見過個狐狸精咩?」，
「未喎，佢都係聽對面屋林師奶爆料喳。」
「咁林師奶見過個女人呀?」，
「唔知呀，佢聽樓下周師奶講喎!」
「咁我又係邊個呀?」，
「你咪係邨頭張師奶囉，咁都問?」
「你都知咩? 我都唔知我老公出面有女人喎，多謝哂你通知喎!」
「嘻嘻~~ 唔好意思，我趕住去買餸，走先!」。
串門子是食飽飯後嘅娛樂活動，
肚餓時，
人是没有能量去討論事情的，
只有肚飽後才有氣力去硏究人家的長短。
問題係只有女人會講是非嗎?
還是食飽加上無聊嘅人才會講呢?
如果女人都要外出工作，
她們那有時間講是非呢?
都可能有，
可以講公司裏的是非，
分別只是目標和題材不同而已。

「你咁講，有性別歧視喎，女人會鬧爆你架!」，
「無架，男人女人各有所長之嘛! 我無歧視呀。」，
「咁男人有乜所長呢?」，
「去滾囉，十個有九個想去滾，當中有一半附諸行動了。」
「係啦，啲男人見到靚女就會變狗公架，對眼鹹鹹濕濕咁啤住人哋個胸!」
「係囉。男人唔去滾，女人邊有題材講呢?」
「果然係各展所長，天生絶配喎!」

小男孩在超市!

2011-05-16T09:05:00.005+08:00

假日的超市滿是試食的推廣攤檔，
有時我們會發現不少有趣的對話。

一個六、七歲帶着紅邊眼鏡的小男孩發現了寶藏似的在叫着:
「媽咪~~~ 哩度有試食呀! 快啲黎試啦!」
「唔試囉! 你自己試啦!」不遠處的媽媽有點尷尬，
「試啦~~~ 唔洗錢架!」還是大大聲的在叫着，
「唔買喎，唔試啦!」
「唔買都食得架!」男孩用疑問的眼神望着試食攤位的姨姨，
「食得! 食得! 你要唔要多嚿呀?」姨姨笑咪咪看着男孩，
「我食咗嘞，媽咪唔試喎!」

超市的游水魚檔也可以是一個"體驗場"。

小男孩又發現有趣的東西了，
「點解要用保鮮紙包住啲蝦架?」
「因為唔想佢哋跳走哂囉!」
「啲蝦都死哂啦!」小男孩用手指輕輕"篤"着保鮮紙的表面，
「包住咪焗死咗囉!」
「噢~~真係慘嘞!」小男孩帶着可憐的眼神說。

「哩條包住嘅係乜魚呀?」小男孩的爸爸問，
「唔~~~ 係咪紅衫呢?」語氣有點遲疑，
「唔係，係大眼雞喎!」

「爸爸，哩份切開一塊塊嘅係乜魚黎架?」
「係鱈魚，你要唔要買呀?」魚檔的姨姨逗着小男孩說，
小男孩知道買唔買自己揸不了主義，
正要轉身問問時卻發現爸爸走遠了，
於是轉頭對賣魚姨姨大聲的說:
「我比較喜歡游水的魚喎!」
賣魚姨姨立刻指着傍邊魚缸裏的游水魚說:
「哩度有好多游水魚架，你要邊條吖?」
「我...我... 我住好遠架，唔係哩度買嘞!」小男孩紅着臉走開了。

其實到處都有學習的機會，
多讓小孩子獨自面對人群，
他們可以學得更快更生動，
也能培養他們和別人溝通的技巧和信心!

"Need" OR "Want" ?

2011-05-15T09:04:00.002+08:00

這是一篇關於"設計準則與市場推廣的角力"的闡釋，
純粹從個人多年觀察所得的理解，
未曾做出過精確的數據調查，
也没有引用什麼大師的理念為依歸，
所以不算一篇精準的言論，
而且內容偏向枯燥無味，
未必能夠引起大家的興趣，
現在寫下來只求記述自己此時此刻對這命題的想法，
也許十年之後重看這篇，
會發覺自己是多麼的無聊和幼稚，
但不竟也算是個屬於自己在這階段的想法和記述。

"自我感覺良好"這名詞，
是一種"自我主觀感覺"，
没有客觀的準則，
實則也没有需要，
以個人感覺為準!
我們嘗試把這個"感覺"放之於消費角度，
很容易就發覺這是對設計基本概念的一大挑戰。

簡單一點說，
就是人類的消費模式已失掉理性選擇，
很大程度上被市場推廣資訊完全掀引去了，
商家釋放的任何消費信息都照單全收，
忽略了自己的真正需要，
感覺上自己必需跟着市場"潮流"而走，
不停把錢消耗在一些自己没需要的東西上，
成為市場潮流的跟貼者，
繼而沾沾自喜自己能走在潮流的尖端，
心裏自然產生良好的感覺。
這或許是羊群心態，
人們都怕自己被"孤立"，
只有和大眾走在同一路軌上，
才有安全的感覺。
又或者是一種虛榮心作怪，
走在人家的前頭總是有點自鳴得意，
不理東西是否合用、有無用，
只想顯示給別人看自己多"型"，
這也是所謂的"自我感覺良好"了，
也許我們可以從另一個角度看，
如果消費不是有實則作用的，
能夠滿足心理上的要求，
也可算為一大"進步"，
只不過在現今的消費型社會裏，
人們實在缺乏自我節制能力，
花費太多金錢在不必要的消費品上了。

從前學到"The function of design"是:
"To improve the living value of human being"，
好的設計是要先理解人類真正的需要(Need)，
而不是表面的慾望(Want)，
因為人類很多時都會受到外在環境或一時衝動而迷失。
不過今天看來這個概念已經被人遺忘了，
真正的"human living value"已經被扭曲得蕩然無存，
人們要的不再是實效功能，
而是一種能滿足購買慾望和虛榮心態而已，
如此無節制無實際的產品創作方向，
只會為社會帶來更多不必要的浪費，
看看一副副功能良好但因為款式跟不貼潮流而被拋棄的產品，
繼而又重新購買新款但無實際功能突破的東西，
人類現在大量虛耗着大自然資源，
地球的資源並不是五餅二魚，
它將會很快被我們消耗殆盡，
到時我們手上拿着那塊廢鐵又有何作用呢?

母親節母親快樂!

2011-05-08T11:13:00.001+08:00

不分春夏秋冬時
天天都是母親節。

女人之苦

2011-05-06T10:46:00.009+08:00

這個題目好像不應該由我寫，
我不是女人，
也没能力偷聽女人心，
對女人了解也很有限，
但在茫茫的半生中，
多多少少點點滴滴，
我開始理解到，
不想身邊的人受到半點傷害，
縱然有些女人會喋喋不休，
有些女人會斤斤計較，
但女人是用黎愛錫的，
因為還有女人是可愛的，
她們能夠讓你的人生變得更完滿!

時常聽到男人對女人的怨言是:
逼婚、管制、貼身...
一言蔽之: 無自由。
女人一開始拍拖就會計劃未來，
尤其是接近適婚年紀的女仕(中女)，
所以有"非誠勿擾"的出現。
時間對女人和男人不同，
老一輩的都說:
男人三十一枝花，
女人三十爛茶渣。
無論她多能幹、多有才華、多強悍，
每個女人都會怕"老"，
尤其是怕人老珠黃無人要，
現代女人故然可以自食其力，
不結婚不靠男人一樣可以生活得好快樂，
但若然有得揀的話，
那個女人不想有個男人在身邊呢?
因為人總是怕寂寞的，
尤其是一個能幹的女人，
當她成功時，
她想身邊人和她分享，
當她在外邊受傷後，
回家有個男人的肩膀讓她靠一靠，
那種感覺是多麼的好多麼的安全。

可惜，
在女人心目中，
男人多數是個長不大的男孩，
他們永遠都有顆男孩的心，
想自由自在的去做些"無聊事"。
結婚在男人心目中是永不翻身的墓穴，
結婚代表成為大人，
要承擔一家的責任，
男人很怕很怕，
自己還那麼年青，
還有很多很多東西還没有嘗試過啊!
但身邊的女友已經為自己眼角的魚尾紋感到懊惱，
同時，
她也開始關心高齡產婦的資訊，
心裏正計算自己還剩多少時間。
在這個男人身上，
青春已經投下了不少，
年月不可能讓她從頭再來一次，
歲月催人老，
為何他好像吃了防腐劑般光滑如新，
但自己日搽夜抹還是徒勞無功呢?
她很惶恐很無安全感，
結婚! 結婚! 結婚...
這聲音不斷在她腦袋裏迴蕩，
她想的、做的、計劃的都是朝着這個目標，
但她的男人卻和她對着幹，
每次和他談都說"過兩年"，
兩年又兩年又兩年，
女人過了三十歲有幾多少個兩年呢?
為了這件事，
兩個人爭吵了無限次，
漸漸地，
女人開始死心了，
這個男人變成她的雞肋，
可有可無，
但她不知自己應該離開還是怎樣，
她愛他，
他也愛她，
但她知道他愛自己多一點。
這刻，
她正在做預備，
假如有天她和他真的要分開，
她還是可以孤身上路，
反正再找別的男人也差不多，
路可能要自己一個人走下去，
是痛苦但奈何?

珍惜!

2011-05-04T12:16:00.009+08:00

今天讀到blog友deepc的文章，
才知道觀塘月華街舊巴士站的細葉榕要搬遷，
雖然住得很近那裏，
但對於這件"大事"，
我事前完全沒有察覺，
着實有點愧疚!

那棵細葉榕不算很老，
只有四十歲大，
和老樹相比，
它只是年青人一棵，
但樹身連泥土也有三百多噸重，
要妥當把它移植有一定的難度，
而且細葉榕不算是罕有樹種，
所以這棵大樹根本並未列入保護名單，
但由於它樹形優美，
又為一眾觀塘老街坊留下不少回憶，
當局終於理解到"百年樹木"的道理，
"英明"地決定把它保留，
更花了年多時間計劃部署，
在五月一日把它安全地搬至七十米外的月華街公園安置，
它能和月華公園裏眾多大樹一起生活，
這實是一件美事。

有些東西就是這樣，
當它好好的在身邊時，
我們會覺得是理所當然，
有時甚至並不察覺它的存在，
但當它可能會消失時，
我們才會發覺它的珍貴和重要，
物件和人都是一樣，
人們應該好好珍惜和保護，
因為很多東西不是必然的，
否則當我們失去他們時，
無論我們付出多少代價都太遲了。

大騎樓幻想!

2011-05-01T12:04:00.004+08:00

老實講，
我真正幾喜歡可以有個共進早餐嘅露台，
不過係香港都幾難，
依家啲樓咁貴，
唔好講咁大個露台，
室內都好似豆腐膶咁細，
實用面積又少，
要有咁大個露台簡直係奢想，
就算有都俾人封哂做多間房，
我住嗰條街好多人都係咁，
啲人話知佢啱唔啱建築條例，
政府管到黎先算，
人多屋細唔夠用喎，
不過個露台根本唔夠力支撐成間房，
如果崩坍就死得人多嘞，
香港人都幾慘，
花一生積蓋都未必住到間合意嘅樓，
仲要揾命搏。

有時睇旅遊節目見到啲歐洲小town幾鬼正，
人又少，景又靚，
湖光山色空氣好，
間房又有前後花園，
一望無際永無遮擋，
夜晚又可以睇吓星星、月亮，
又唔洗被隔離屋啲打仔聲、鬧交聲嘈住哂，
而且屋價又唔係貴，
有時百幾萬就買到間好正嘞，
係香港?
買間厨房就差唔多，
想有前後花園、有景無遮擋?
得! 俾幾千萬以至成億住半山囉，
住新界丁屋都可能近磅啲，
不過要同人share二、三樓，
遇着個一家大細兼自私嘅，
一樣嘈到飛起，
仲要分分俾啲村狗追你九條街，
再唔係就踩到週腳狗屎，
安寧和自在邊有你份吖。

外國啲居住環境普遍比香港好，
唔怪得咁多人退休後移民去加美、瑞士等地，
空氣好啲、嘈音少啲，
病都少啲、人都長命啲，
不過大前題係有無錢先，
無錢就唔洗諗嘞，
留返係度繼續捱世界啦，老友，
夢醒!

睇戲、上網一齊黎?

2011-04-30T10:52:00.009+08:00

哩個係舊瓶新酒嘅老問題，
內容係關於人們喺戲院內嘅自私行為。
睇戲講電話已經司空見慣，
但係依家有啲人仲離鋪，
一路睇戲一路用手機上網，
我都唔知啲人想點，
上少陣唔洗死啩?

話說噚晚我去睇戲，
隔離坐咗條廿幾歲嘅死肥佬，
雖然個樣後生但個格超衰，
(肥唔係問題，至衰係自私)
未開場就係度玩手機上網，
初時我都無理佢，
後黎做廣告時段佢仲上緊，
直到正式開場，
全部燈關掉時佢都仲係上緊網，
我見佢係個特大螢幕度係咁捽上捽下，
又將個手機上下搖㨪都唔知佢想點，
(我見佢係上緊網，並唔係玩緊GAME)
依家啲新款手機螢幕又大又光，
搞到我坐係側邊完全集中唔到精神睇戲，
後尾套戲做到入戲肉嘞，
條死肥佬終於放低個手機，
我諗住可以唔洗再俾佢個手機"殘"住哂啦，
點知唔夠五分鐘佢條富貴又攞起個手機玩，
如是者每隔五分鍾就玩一玩，
玩吓停吓咁玩足大半場戲，
成場戲我就好似坐係個搖擺不定啲燈籠側邊咁，
上下左右不停咁㨪吓㨪吓，
討厭到不到了，
本來我好想開咪X爆條死肥佬，
不過一嘈就睇唔到場戲嘞，
而且又會影響到其他人，
結果我忍咗佢。

有時我心諗，
啲人上少陣網洗死咩?
或者講少陣電話唔得咩?
次次開場戲院都會放套短戲叫人熄電話架啦，
啲人係盲定係明知故犯呢?
如果佢係大商家大富豪嘅，
講少個電話會賺少幾千萬嘅咪包場囉，
唔好話講電話、上網吖，
瞓教、跳脫衣舞都話之你呀!
依家算點呢?
人家只不過想靜靜哋睇場戲啫，
佢就係度用個電話㨪吓㨪吓，
你話係咪好騷擾吖?
係戲院內咕咕嚕嚕咁講電話一樣好X討厭，
有啲人有舖同電話另一邊嘅人慢慢討論套戲嘅癮頭，
雖然唔係好大聲，
但係好似鬼食泥咁講過不停，
更離舖嘅係打電話問阿仔有無食飯、做功課...
啲雞毛蒜皮嘅嘢就留返出去先至講啦，
全場無人想知你嘅家事呀，
哩啲人咁叉自私，
明知會影響別人都故犯
有時對住哩啲富貴真係好X想爆粗X餐飽佢呀，
不過X爆佢哋都無，
大把人都係咁無品，
哩個講完嗰個講，
前講後講左講左講，
講完又玩手機上網，
X極都X唔X完，
不如留返啖氣好過，
唔好賴係內地人、新移民呀，
我見好多都係地道嘅香港人，
表面上，香港人教育程度愈黎愈高，
但係公眾場合禮儀水平就愈黎愈差，
咁自私，讀多多書都無用，
哩啲人讀屎片好過啦!

"點解要性交?"

2011-04-29T09:52:00.008+08:00

今日嘅題目係三級嘢，
年紀未夠十八或心智未逹十八嘅"小朋友"請迴避，
唔係投訴我淫蕩或者教壞小朋友就唔好啦。

今日嘅題目就係"點解要性交?"。
如果哩條題目俾啲人細鬼大嘅細路答，
佢哋實會話我戇居兼搞笑，
搞嘢梗係要happy啦，
唔通想生bb咩?
搞出人命唔係"目的"，
係"災難"呀!

如果問已經成家立室嘅成年人，
佢哋可能會話鍾意細蚊仔，
又者要傳宗接代囉，
無錯，
係"傳宗接代"哩四個字，
唔好笑老土呀，
依家仲有人抱住"無後為大"嘅想法架，
尤其係啲九代單傳嘅，
唔單止要愈生得多愈好呀，
如果個老婆生唔出個慈姑掟，
簡直係罪大惡極，
就算唔俾人休妻都會打入冷宮呀，
你咪笑呀，
大把人仲係咁諗架，
儒家思想根深蒂固，
無仔生連太公分豬肉都無份呀，
老公死咗有女都無用，
份身家隨時要俾啲叔伯兄弟分哂去，
孤女寡母無人理，
哩啲事依家係中國仲大把呀。

好嘞，
扯遠咗添，
講返"點解要性交?"先，
綜觀上述兩點，
性交嘅目的好似大致可以歸納為兩點，
一) 就係肉體上嘅happy，
二) 繁殖下一代嘅神聖任務，
其實我真係唔覺得有幾神聖，
如果唔係抱殘守缺，
一定要生男嘅，
生男生女，
生唔生都無問題嘅，
我睇唔出"繁殖下一代"有幾神聖，
明眼人一睇就知哩種講法簡直就係封建男尊女卑嘅陃習，
只會係啲食古不化嘅老而不先會咁諗，
不過事實話俾我知，
哩啲老而不國內多的是，
唔係都唔會有咁多殺女嬰發生啦。

如果性交嘅目的唔係一定要"生"嘅，
咁主要目的積係要happy啦，
先唔好話啲青少年濫交唔濫交，
青少年到大人都覺得性交好happy，
尤其係男人，
癮起時對住個靚女就會話:
"你俾我啦! 你俾我啦! 我乜都應承你呀!"，
好明顯性交能夠帶俾男人好大樂趣啦，
至於女人呢?
我梗係唔可以代佢哋答啦，
不過很大程度上佢哋係想自己男人開心為先嘅，
當然女人都係人，
佢哋都有慾念和要求，
唔可以話有性慾嘅女人就係淫蕩，
哩啲係超級封建、男女不平等和異常無知嘅想法，
男人要得，
女人想要又何為淫蕩呢?
有咁嘅思想嘅人唔係小男人就係虧佬，
無能力無勇氣去面對女人嘅要求，
就倒轉過來要女人禁慾，
可笑可悲可憐。

我講咗一大輪，
係咪叫人亂交一通先?
咁又唔好搞亂喎，
重點係"點解要性交"，
唔係"點樣亂性交"喎，
性交嘅對象當然以終身夫妻為主，
其次就係長期伴侶最好啦，
絶對唔提倡隨便見人就交，
我都唔支持濫交架。
這篇嘅重點係想講，
性交唔係一種例行公事，
也不一定是什麼神聖繁衍後代任務，
而係一種男女雙方增進感情和溝通的行為，
當中包含有歡偷、配合、接受、忍讓、體諒...
要兩個人不斷親身去實踐、摸索、配合，
從而逹致水乳交融嘅無上歡愉，
聽完我講，
係咪好想實踐吓呢?
實踐還踐，
唔好話我教你鹹濕喎!
哈哈哈~~~

死開一邊，唔該!

2011-04-27T09:54:00.005+08:00

你吸過毒未?
你指鴉片、大麻之類?
仲有K仔或者任何軟性藥物。
我未食過，煙仔就有食，算唔算吖?
都算架，不過唔會食到神志不清囉!

點解要吸毒呢?
唔知喎, 我都未食過，啲人話可以減壓喎。
可以咩? 壓力大到非食不可咩?
我點知，你咪去問啲藝人囉，佢哋講之嘛!
聽過好多藝人私底下都有食喎?
傳聞係咁囉，無實則數據喎。
點解佢哋嗰行咁興食呢?
壓力大嘛，三更紅五更黑，又日夜巔倒開工啩!
人人做嘢都有壓力啦，咁咪人人都要吸囉?
唓~ 我鬼知佢哋點諗，我又唔係明星，我就唔會吸囉。
我想了解吓啫。
關你屁事咩? 人家吸唔吸關你乜事?
我擔心啲風氣會傳染到年青人喳。
你唔洗慌，青少年一早就玩緊咳水、丸仔!
咁大劑? 咁點算好?
無架，依家連啲職業司機開工前都啪返兩粒先，死未?
死架，以後出街小心啲囉，金睛火眼睇實啲Van仔貨車囉!
成街都係車點睇呀? 不如啪丸駕駛捉到罰釘牌啦?
都好噃，仲有醉駕呀，累死人架!
重罰就啱，吸毒、啪丸、醉酒佢死佢賤，唔好累到別人嘛!
好呀，你同政府講啦!
講有用咩? 等如你叫啲細路唔好飲咳水，會唔會聽吖?
唔會囉，咁點好?
自求多福，出街一眼關七囉!

夏季趕着來!

2011-04-27T08:55:00.004+08:00

雖然今年五月五日才是"立夏"，
但回家路上的杜鵑、剪絨花、大紅花、報春花等已開始爭艷鬥麗，
開過滿堂燦爛，
窗外的大樹開着密密麻麻一串串，
滿樹的小黃花惹來很多很蜜蜂採蜜，
有數隻糊糊塗塗的更闖進了屋來，
還有不少奇形怪狀的昆蟲飛來飛去，
又大又黑有點嚇人。
黃皮樹、石榴樹等等不知名的也趕着結果，
大家都好像要和時間競賽，
植物世界比我們還要忙碌，
夏季在不知不覺中已經走到來了。

九流小說: 小船!

2011-04-26T07:35:00.005+08:00

「我們要離婚了!」悅芳終於說出口了。
「哦。」媽媽的語氣很平淡，好像早就料到。
「你不問問我原因嗎?」悅芳有點被疏忽的感覺，
「你已經不是小孩子了，應該明白自己想要什麼。」
「我和他很久没有說話了!」悅芳慢慢的嘆了一口氣。
「連吵架也没有?」她把面轉過來了，
「没有，家裏很靜，放工、食飯、看雜誌、沖涼、睡覺...每天就是這樣。」
「哦!」她又把面轉回去看海了。

她們並排坐在海邊的石壆上，
海風和着鹹味吹着，
兩對眼睛望着海邊上一條小艇，
小艇不自主的左右微動。
「你愛他嗎?」悅芳眼望着遠方，
「你問來幹嗎?」媽媽轉頭過來奇怪的望着女兒，
「這些年來你愛爸爸嗎?」悅芳很想知道，
「他對我很好，爸爸不是很錫你嗎?」視線又再放回那浮動的小艇上，
「你們怎樣走在一起的?」悅芳還想了解多點，
「那個年頭，想有個男人在身邊很自然，感覺安全點吧!」
「有没有後悔?」悅芳大膽的問，
「没有後悔不後悔，我們一起生活得不錯。」
「這樣很奇怪，心好像死了!」悅芳口裏衝出了這句話，
......
瞬間一切都好像靜止了，
風聲、浪聲都忽然靜下來，
悅芳很想收回剛才所說的，
但話出了口又怎能收回呢!
她望着媽媽側面，
心裏有點忍忍痛。
媽媽徐徐的把被風吹亂的髮絲撥向耳背，
「現在和從前不同了，從前的人要求很簡單，有人對自己好就可以了。」
她還是很平和的看着海面，
就像没有什麼事發生過一樣，
「我只想你過得開心。」她轉回來望着女兒說，
「媽媽...對不起...」悅芳雙眼紅了，
眼角泛着點淚光，
「儍女，哭什麼? 没事的!」
悅芳擁向媽媽懷裏，
淚水失控的流下來，
身體微微的在抖震，
她輕輕撫着女兒的背脊，
在茫茫的海面上，
那隻小艇還是孤單的在幌蕩。

完。

商場錯配!

2011-04-22T16:51:00.004+08:00

最近"Space"和"微豆"兩位blog友都講小商店的"故事"，
看後自己有感而發，
也隨便寫點感受和想法吧!

我想講講公共屋邨裏的領滙管理的商場，
幾年前政府以"不適合經營商業"為由，
把大部份公共屋邨的商場出售給私人公司領滙，
後來領滙上市成為上市股份公司，
亦即是她的運作是要給股東交代，
而經營策略當然亦是以膁愈多錢愈好了，
社會責任好像並未曾包含在她們發展目標之內。

我記得BLOG友Ruth曾經講過，
給私人公司打理公屋商場會讓商場質數變好，
從而提高shopping的環境，
這點我們可以從商場的翻新和改變中得到証實，
地方的確光猛、新潮了，
而且大量新型大集團商店進佔，
賣成衣的有"左丹佬"、"之二千"，
食肆則有"大家獲"、"美金"、"星爸"，
超市百貨的有"吉豬島"、"伯佳"，
食物的有"大張"、"佳島"，
這些大集團商店裝修得美輪美奐，
而且格調比較高檔，
更負得起高昂的租金，
相反以往的街坊食店、士多辦館、文具雜貨、金銀衣紙、金魚水族....
現在都消失得無影無踪了，
她們消失的原因除了是負擔不了雙倍三倍的租金外，
亦是由於在新的管理模式下，
租戶必需要有精美的商店包裝，
要有系統的專業管理，
再加上要有明顯的賺錢潛力，
這樣才會附合伸請租賃的資格，
而一般私人資金的小商戶根本很難逹到要求，
所以大量商鋪落入大集團手中，
而這些大集團商店出售貨品的價錢往往比較高昂，
住在屋邨裏的中下階層亦隨之要付出更高的生活費用，
生活壓力變得更加大了，
要知道屋邨商場和油尖旺、銅鑼灣等私人商場的目標戶客不同，
光顧的全都是收入不多的屋邨租客，
他們到屋邨商場買的不是奢侈物品，
而是日常所需的生活必需品和食物之類，
所以價錢必需愈平愈好，
而這種有着高檔包裝的商場很明顯不是居民所要的，
現在的商場發展方向正是一種美麗的錯配。

聽說油塘屋邨附近現正要興建另一個大型高檔商場，
聽說規模之大可以比美港島太古城，
而且進佔的商戶都是有名有格的高檔商戶，
我很懷疑在油塘等公屋、居屋為主的地方，
發展這樣高檔的商場是否能附合住戶的需要，
當然你可以說一切可以由商業結果來決定，
但當大部份的小商戶都給商場發展方向趕盡殺絶後，
住在屋邨的小市民又可以有什麼其他選擇呢?

聲明:
以前曾提及多位blog友的言論，
但我只是憑自己的記憶而引用，
如有寫錯或誤解了大家以前的意思，
請多多指正，
我會立刻修改。

我必需要說句公道話!

2011-04-20T10:15:00.012+08:00

我忍了很久很久，
忍到無可再忍，
我一定要說句話，
無論是中外古今，
亦或任何法律制度之下，
我都不可以接受:
先捉人後找罪名，
如果那人有罪的，
請立刻明確宣示於世，
這不是什麼國家秘密，
點解要遮遮掩掩咁小家呢?
(唔好同講我什麼法律歷史、理論呀，
我一定會x九爆你架,
我只會看是否合乎邏輯。)

還有，
我完全不接受:
要疑犯自己找証據証明自己無罪，
而不是指控者找証據証明疑犯有罪，
這簡直是本末倒置，
而且容易造成寃案，
更甚者可能變成濫用刑法，
那人唔順眼就可以隨意拉人，
讓法律成為某些人的特別武器。

最後一點，
我愛中國，
但絶不代表是愛某一個政客、政權或政黨，
更不會以為他們睡過的床、愛的女人、去過的茅廁特別香，
這令人發笑和摸不着頭腦。
我愛一個自由民主的政權，
人民的權利會受到尊重，
從而會發自內心的忠愛國家，
而不是盲目遵循"愛國口號"的白痴。

我閉了一肚悶氣，
不吐不快。
愛之深，
責之切，
如果真是愛國的，
不要偏袒，
不要盲目，
不要隱惡揚善，
不要所謂強人政治，
只有受到不斷的鞭策，
雜思廣益的民主政制下，
一個健全的國家才會有機會產生的，
否則再過百年，
還不依然是個封建極權國家，
分別只是不用"皇帝"這個名字而已。
我很幸運能夠在這裏暢所欲言，
在其它地方就未必能夠了。

講完!

聲明:
由於這篇題材敏感，
或會惹人討厭和指責，
君子坦蕩蕩，
不同意見都可以接受，
但我不接受任何無名留語，
我唔怕人多口雜，
亦唔怕會拖慢blog務，
所謂人人有權發聲，
但鬼鬼祟祟的辱駡和胡言亂語是會被删掉的，
有種嘅就放馬過黎，
我必定奉陪到底。