嘩!美女班房呀,快d報名先!

Ken Sir真係要封你做我地偶像，
係你把我枯燥的人生變得開心燦爛，
以前我對住本書，唔洗五分鐘就眼訓，
而家唔會啦，重鬼咁精神添！

尤奇是你近期嗰個『美女班房』廣告，
睇完簡直使我重拾做人嘅衝勁！
你都知啦，我地班死靚仔最鍾意打機溝女，
叫我地讀書，慘過叫我地死去死呀，
以前提起補習都怕怕，
而家唔同哂啦，
你嗰個『美女班房』真係正到爆，
個個Miss好似ｄ港姐咁靚，
重要著埋短裙仔，
露出ｄMiss 42吋修長嘅美腿，
真係特別醒神，唔打得都睇得啦！

不過話時話，
你Tips啲題目準唔準先？
我地靠哂你架，
要我地讀哂ｄ課程就咪搞啦，
讀咁多，我地點夠時間溝你ｄ長腿Miss同囡囡呀！

重有你好似住紅山半島噃，
幾時得閑俾我地班學生參觀先？
話哂我地都你米飯班主喎，
到時順便過兩招抓錢絶招俾我地都好丫！

一群血氣方剛的無知少年　上