砌模型

好耐無玩模型囉,
哩架綿羊仔係朋友擰完唔要俾我的,
一套六歀,每盒十二大元,
手工精考,價錢合理.
讀設計時,最喜歡就係砌模型玩,
好似高逹,渣古,戰艦以至超人怪獸,
總之物都想買黎砌下,
但係多數都係砌左一大半就停左,
又或者有啲買左返黎連盒都未開,
而家屋企重有四五盒原封未動,
記得應該係兩盒超級警察和一盒高逹,
重有一盒好似係小型快艇.

我發覺砌模型最好玩係砌嘅時候,
逐件逐件parts拆落黎,
然後睇說明書一件一件咁重新組合,
那種滿足感真是難以形容;
而最考工夫嘅當然係幫啲模型上油,
又要磨灰又要溝油都幾花時間,
所以我多數淨砌唔上色,懶呀!

而家啲細路好似好少砌模型,
淨係掛住打機,上網識女仔,
要佢地花咁多時間心機砌模型都好難囉!