明星夢！

今日看新聞,
見【一本便利】去年六年刋登cream成員,
14歲少女歌手李蘊性感照表面證供成立,
這是一個好好的警惕！
我自己没有看見那輯照片，
但【一本便利】是什麼貨式人所共知，
根本不值一提，
身為經理人和其母親還是準許替這本雜誌拍照真是咎尤自取，
而且事後也没有檢視其照片就容許出街，
這不是叫自取其辱是什麼？

其實一個當年得十四歲的囡囡為何要加入娛樂圈？
我又不見她有什麼特別的唱歌天份喎，
講到尾咪又係發明星夢和星媽夢，
老實講，係人都知娛樂圈係個大染缸，
一個咁細個就入行嘅囡囡唔沾染那種浮誇的習慣是無可能的，
身為母親不單不加以扶導指正，
反而助長參予，真係不知知所謂，
據知此姝在學校裏不單成績一般，
而且常常自持是明星不可一世，
自視甚高以為高人一等，
咁樣落去，就算没有這件事發生也不會有好結果，
所以唔該啲後生仔女唔會再發什麼明星夢了，
做明星亦不外如事，無什麼值得你去羨慕的，
為人父母嘅就更加要識諗，
無謂為些名利而毁了自己子女的一生，
佢要做嘅都等佢讀完書先啦，
你估個個入行都一定會紅架，
唔紅又講唔到書，到時揾鬼可憐咩？