對不起,
我是不喜歡小孩子,
他們是小魔怪,
又頑皮又難纒,
而且時常嘈到拆天,
所以我徹頭徹尾是不喜歡他們的!
見過有些小魔怪在街上發皮氣,
不單踩地舞爪,
還放聲大哭,
要是大人不理他們,
他們更會有咁大聲叫咁大聲,
而且會把尖叫聲提高八度,
誓要把你的耳膜震破為止,
見到這種情景,
我就會無名火起,
想走上前大巴大巴咁打佢一嘢,
當然我不會這樣做,
我不想坐牢嘛!
又見過有小魔怪得不到他想要的東西時,
他竟然係大庭廣眾下,
一下一下咁大力打母親塊面,
重係"啪啪"有聲嗰隻添呀,
而那個阿媽可以毫無不滿,
只是照樣安撫那個小魔怪,
咁樣敎仔不如唔好生囉,
費事將來嗰隻嘢大左為害社會啦!
聽講話養大個細路要成幾百萬,
如果係真嘅,
不如留返啲錢黎養老好過囉,
你估而家啲細路會養返你咩?
至怕將來連你啲棺材本都要攞埋黎俾佢供樓呀!
18 則留言:
蹤壞哂!!!!!!!!
咁既細路真係想一巴打過去.
新鮮大佬今朝咁好火嘅，撞到小魔怪咩?
我都係唔鍾意細路，應該話，曳果啲就梗係好討厭啦，唔單止憎見到呢類細路，我反而想打嘅係佢哋啲父母，要狠狠咁打鑊金添呀。養不教，父之過丫嘛。至於乖果啲細路，我都冇乜興趣架，雖然見到有啲真係好鬼得意，但係遠觀好喇。
只要一個小朋友夠乖, 唔會寸, 唔會態度賤到死咁~ 我都好中意小朋友既
同埋唔係所有小朋友都係魔怪黎既, 都係果D縱壞晒既唔好, 好應該教訓下!
pigbon,
打得好,打得好,
頂打! XDDDD
xiao,
小魔怪通街都係,
成日都見到,
有時真係睇到眼火都爆埋架,
今朝一早就係俾樓一隻咁嘅嘢嘈醒囉! =E
你講得啱,
啲小魔怪都係啲大人緃容出黎,
連大人都要罰埋就啱啦!
oscar,
你講得啱呀,
唔寸又乖嘅細路哥係抵鍚架,
不過好少見喎,
當然不是全部都係,
但是我是一個無耐性的人,
所以玩細路就OK,
養?死都唔制!!!
I don't have much patience with children.
ruth,
me too! =)
我都話啦，你梗係今朝畀啲小魔怪煩到先會咁燥嘅。
xiao,
物我真係好燥咩?
睇文字都有咁嘅感覺?
其實我麻麻燥左喎! :p
就咁睇呢篇就唔係真係好燥，但係比較你平時，都幾架！ =P
xiao,
咁我都留意下啲用字先! :)
我同你一樣唔鍾意小朋友，但係我會覺
得係大人既錯，又唔見我們細時係咁，而
家既人都無家教先會出呢類小魔怪，我兩
隻狗都聽話同乖過呢類小魔怪，就係大人
教唔教。
coobe,
好多人生一個嘛,
所以咪當佢地係金波蘿咁緃囉,
係好中劑架,
係啲父母唔察覺喳,
大個左佢地就知道死火囉!
見到依ｄ細路，真係想一腳伸佢落屎坑．．
父母咁縱法，第日父母自己受番架咋．．．
bbj,
哈哈~~~~
好一句"一腳伸佢落屎坑",
我諗起你早前去遊行都受過類似嘅氣喎! =p
係呀！家教與身教都好重要，父母縱都自己的子女痴線，子女明知父母咩都會就範，只要扭吓計父母就千依百順．離哂譜．．．
bbj,
無錯,家敎身敎都好重要架,
所以而家啲大人自己都要自我檢討下!
有時嘈到想"鍾"佢地,好煩!
木偶,
"鐘"得好,
"鐘"埋我嗰份,唔該! =p
發佈留言