參不透世情!

十三萬一晩嘅芠萊皇帝套房,
七千幾呎,數千萬嘅豪華擺設,
房內游泳池,按摩池,雲石無敵海景浴室...
金堆玉砌酒池肉林帝皇式享受,
買物食物要物全部唔洗睇唔洗諗,
要幾豪有幾豪,要幾浮誇有幾淨誇,
就算中了十次六合彩都比不上的奢華,
這是不少香港人夢寐以求嘅生活嗎?
老實講,我都想,我真的好想,
因為我都是凡人一名!

窮奢極侈嘅生活未必是最開心的,
但試問有多少人看到這樣的生活,
又不想親身感受一吓呢?
就算只是一晚亦會畢生難忘的.
有時我會同自己講:『知足者,貧亦樂』,
但這可能是自己賺不到大錢的安慰詞,
曾志偉說：『人想得到一些不屬於自己的東西叫攀緣！』
就算免強得到都不會有好結果，
這道理好多人都明白，
但知易行難，
要我這個普通的凡人完全參透世情真談何容易，
我們每天都是在營營役役的賺取金錢，
為的是滿足自己五體四肢口腹之慾，
慾念無涯，苦海無盡，
究竟我何時才可以真正看破慾念？

ps:係我參透以前,我還是想一嘗十三萬一晚的帝皇套房啊!