老友在不情不願下被逼結婚,
請不要誤會他是奉子成婚,
只是女友話自己年紀不少,
硬是要他早日成婚而已!
其實他女友才二十五歲,
多拍一兩年拖都不會是問題,
可能她是內地人關係,
二十五歲還未結婚己算是高齡了,
所以才會有這樣的要求吧!
老實說,
我老友根本就未定性,
成日都喜歡周圍玩,
又好似大細路咁,
鐘意玩擰蛋,砌模型,打WAR GAME,
最想就係攞個背囊四圍去,
最憎人管住佢,
說實在一點,
我真的不看好這段婚姻,
但又不方便隨便說話,
其實老友亦知道有問題,
只是騎虎難下,
而家他最驚嘅係結完婚又話要生仔喎,
佢話諗起都頭痕呀!
12 則留言:
希望你老友結婚後能定性喇 ;)
Jerry,
我諗都好難囉,
佢根本唔想結婚住,
所以我有不詳嘅預感,
唉~~~
咁睇就真係唔係好掂喎。點解啲人可以咁求祈去決定呢啲事架? 分分鐘演變多一個問題家庭個噃。我覺得呢啲係唔負責任嘅行為。
Usually, Hong Kong people can't really get away from mainland people. They have their way of getting want they want. It may not be love, even they want marriage.
你呢位朋友如果結婚的話，而佢未來太太咁後生就覺得自己老，趕住結婚，我估佢未來太太一定會在一至兩年迫佢生仔。
xiao,
我都唔係好明,
可能佢都想有頭家,
只不過自己重係貪玩,
或者結左婚嗰人會定性啲,
希望係咁啦!
ruth,
我都未見過嗰女仔,
淨係見過張相,
個人睇落幾純品,
又唔貪錢,(我我嗰fd都係打工仔一名)
而且都唔係好恨落香港,
我諗佢都係好女仔一個嘅,
只不過自己愈來愈大,
驚我老友唔要佢,
所以想快啲結婚,
其實佢地都拍左四五年,
時間都可以嘅,
只不過我個fd大唔透,
應該唔會有欺騙嘅成份!
walter,
我個fd就係怕這樣,
佢都麻麻地細路,
所以而家佢都驚緊呀!
我睇我大陸d親戚, 又或者係公司既大陸廠,
佢地只係廿二三歲就已經有個幾歲既仔..
我仲比舅母問我, 做乜咁大年紀先結婚呀!!
(但係我結婚果陣三十都未夠!~~比佢激奀!!)
所以佢女友想咁早結婚又理解既~~
但結婚生仔依家野, 如果無共識咁點算呀??~
你真係要叫你朋友好好諗清楚, 婚姻依樣野係一世架! 點解明知有污點都要硬加落去?!
唯有希望你朋友好似jerry咁講, 婚後會定性啦!~~
juju,
咁就唔好用"污點"來形容,
只不過係大家共識唔係一至啫,
佢地下個月攞酒囉,
而家點都無得講了,
唔通叫我個fd做愛的逃兵咩,
希望我估錯個結局囉!
It is too late to talk your friend out. Wish him good luck ba~
tofufa,
唯有希望咁囉,
祝佢地好運!
我都唔明點解有好多女人都要咁恨結婚！
係錫自己同自好就唔使迫啦，而且咁樣
結得成都唔馨香啦！
我就彩你都傻，迫我都唔結呀！又唔係
有錢佬，結唔結又有咩分別，最緊要係
對我好就得啦！
coobe,
我係個個似你咁有自信架,
好多女仔覺得結左婚有安全感啲,
而且名正言順嘛!
發佈留言