這只是一個關於換眼鏡的記錄.
上了一間樓上眼鏡店看眼鏡,
如今帶著的已經有五六年了,
雖然還是可以用,
但鏡片有點花和殘舊,
左邊鼻托亦開始鬆脫,
早前見附近開了間樓上店,
於是走了上去看看!
左試右試後,
選了一幅深藍色金屬眼境框,
為了配合臉形,鏡框是方型的;
鏡片我選了"灰色全視鏡",
一來因為夏天來了,
"全視鏡"可以阻擋猛烈的陽光,
二來從前亦曾試過用"變色鏡",
覺得幾方便,也感到幾有型,
別人有無這種感覺就不得而知了,
哈哈哈~~~~
鏡框連超薄韱維"全視鏡"承惠$1500,
價錢還是可以接受,
如果只要普通韱維鏡就是$380,
那樣比較化算就見仁見智了,
不過都是五六年換一次而已!
26 則留言:
其實樓上鋪千五蚊都幾貴, 4年前我都配過一副POLO先5XX, 載左3年同你一樣情況先去再配, 係高登(而家叫亮視點)千五配左兩副 =P
全視線好似好型咁, 有太陽變黑超
全視鏡可以一鏡兩用幾方便呀，可惜我是大近視的，要訂造就貴很多。
天使,
500幾就一定唔得了,
我講係近視鏡喎,
唔係普通太陽鏡喎,
而家乜都貴了,
四年前經濟唔好嘛,
嗰時乜都平好多呀!
翔,
我嗰副都係超薄嘅,
大近視都可以架,
不過就要再貴啲,
要二千幾了!
@-@我都係近視呀!!
嗬嗬嗬！
新鮮兄是游泳健將
去泳池去海灘練水，
游泳都是戴眼鏡？
如果唔喺就嗮哂，
睇唔到啲泳裝靚女！
我有好多買眼鏡經驗!$1500算係貴..
不過要睇下新鮮人幾多度近視同散光
我自己就得200多近視同200散光
所以用一般鏡片就得，
同埋我戴有框的，所以唔會用超薄。
我依家依副紅色膠框係a-look配，
只係$300多，沒有什麼功能，戴了岩岩4年。
我自己會咁計囉，如期買副貴的，
不如買副平的戴兩年換。
因為我覺得越貴既眼鏡越易爛喔~hahhaa
都話我用野好粗，所以唔用得貴野。
看來冷風花心得多~~~兩年就換一次 ^^"
我兩年度就換一次眼鏡,成日帶同一副好悶架.
不過就會幫襯同一個視光師配,都幫襯左成7,8年啦.
全視鏡幾得意,但對我沒有用,我出街都唔帶眼鏡
天使,
也許我的真是貴了! =(
space,
我指平時行街啊!
不過啲全視鏡唔係黑哂的,
有"好嘢"唔會睇到嘅!
哈哈哈哈~~~~ =p
yanyan,
你用嘢咁粗,
可能係你喜歡"粗"嘢嘛,
哈哈哈~~~~ =p
冷風,
二年一次好正常吖,
唔算花心,
我孤寒呀! =)
木頭狗,
因為七八年先換一次,
係唔係同一個視光師都無所謂了,
上次個係九龍城,
再上次個係葵涌,
但成十幾年前了,
想揾都揾唔到呀,
我嗰時個係係新都會廣場架,
好似什麼xx視光學會,
都幾好嘅,
你知唔知仲係唔係度呢?
新鮮兄：
我喺講你去泳池練水時，有冇戴眼鏡噃？
你唔會錯過泳裝啲靚女嘛！
Space,
泳池只有肥師奶和細路,
再加埋阿婆和阿伯,
無乜靚女喎! =___=!!
真係要好小心揀
有D所謂全視鏡戴左仲衰過冇戴
事前最好做D資料搜集
確認清楚先好
個視光師仲係度,我一路都係找他配的.他是在葵涌廣場三樓,叫陸偉源,舖頭名叫精亮.
呀陸生現在還升格至甚麼第一組別,可以幫人做埋眼科檢查,如青光眼,白內障等.我都有定時去佢度檢查架.
他真係幾細心架,每次驗眼都同你玩起碼半粒鐘,美中不足是他舖頭眼鏡的款式比較少,但勝在價錢合理.
伊麵丹,
你講得啱,
係要小心啲嘅!
謝謝提醒! =)
木頭狗,
精亮.陸偉源,
你提返我就記得了,
咁多年都仲係度,
從前都係咁樣,
細心但款式少,
一樣都無變,
好難得!
有機會都會再幫襯,
應該不會是五六年後! =)
謝謝你給我的回憶!
我喺幫襯 江校明驗眼噃，
有冇聽過佢個朵？
睇嚟唔夠出名喎！
SPACE,
真係無聽過,
唔好意思了!
近來我都想換...
事關依家o個副尐膠片好似花曬...
都唔知點解會咁...
悟樂,
你有無用紙巾抹過吖?
有就好易花了!
江校明有解析過無論鏡片或膠片都有分硬度的。
硬度達到七度已經可以，用一般的紙巾眼鏡布，都不會刮花啲鏡片。
提議各位下次配眼鏡時，可以詢問你選擇的鏡片膠片的硬度，還有要冇較硬的，可以提供選擇！
發佈留言