看了微豆兄的展趐不回顧 (二) ∕ Leaving the Nest (2),
我有感而發,
想在這裏借題發揮下.
中國人好重家庭觀念,
尤其是上幾代舊式社會,
大家庭的家教都十分嚴,
兄弟姊妹多,親戚朋友又多,
規矩又多又麻煩又封建,
諗起我就支持唔住,
男尊女卑,
三從四德,
父命難違,
長幼有序,
一有什麼行差踏錯就家法待候,
總之一句"詩禮全家"就夠你死人,
就算來到今日這些影子依然存在,
最明顯嘅就是父母講乜都要話啱,
明明係上代無理取鬧,
做子女嘅都要乖乖就範,
否則就會怕別人話不孝子,
其實孝唔孝順自己心中有數吧!
當然這種想法很少存在於十五六歲的年青人身上,
佢哋一向啋父母都儍,
只係當父母係銀行櫃員機,
無錢就伸大手板問攞錢囉,
無事就當父母係透明了!
但對於三十幾四十歲嘅人來講,
父母嘅傳統影響力就依然很大,
自己讀什麼小學中學大學都要由佢哋決定,
到拍拖又要過佢哋嗰關,
結咗婚生仔點揍又要被佢哋管,
到個孫大咗要揾學校佢哋都要理,
其實聽唔聽佢哋講都係自己決定,
不過傳統嘅思想會話畀自己知唔聽係"不孝"!
傳統想法真係要隨時代改變,
啱聽就聽,唔啱聽咪借咗聾耳陳對耳囉,
自己嘅生活方式由自己決定,
做父母嘅亦都要識做先得,
話哂下一代嘅嘢咪由得佢哋自己搞囉,
為乜要管實哂呢?
搞到大家面左左就無意思啦!
22 則留言:
睇完你呢個Post, 我無言, 只想仰天大呼 --- 唉!!!
walter,
最終點處理係由你自己決定,
你己經好堅強了,
有乜唔開心就講出來,
唔要唔屈住呀!
諗起呢D禮教
本身禮教係防止眾人重覆地用錯既方法表達自己
慢慢禮教自己本身變成要被防止既錯誤
就係因為在下位者唔識獨立分析同思考
在上位者又講D唔講D
乜都留有一手，教D唔教D
等做細既估，估估下又估錯曬
吽吽下吽左陣腐敗既氣息出黎
E+ D人話傳統好老土
但自己本身咪又係老土既傳統
金錢觀念、讀書既價值觀、甚至長大後生活
無一不在父母掌心玩弄中
睇起上黎現代化得很的香港地
反而保留左最多古時中國既封建劣根
所以話香港係中西合併係完全正確
只係傳統既都存在係人心中
這類的家庭觀在三四十年代很是普遍,要立門聲又要顧及門楣,很多時都是活在門檻下,沒了自己!風家不是大家族,但三從四德禮教禮節一樣都不能少,家教管得很嚴,連帶風爸也甚有脾氣,印象中太奶奶跟太奶奶都是三寸金蓮,正正是古人喻之為美,卻苦了女人一輩子的諷刺!
自古時的中國儒家思想凌駕于一切，
不經不覺一代一代的相傳下來，
有所謂：
『正心、修身、齊家、治國、平天下』
典出於四書中的『大學篇』：
『大學之道，在明明德，在親民，在止於至善』
『古之欲明明德於天下者，先治其國。
欲治其國者，先齊其家。
欲齊其家者，先修其身。
欲修其身者，先正其心。』
風子,
看來你都是詩禮全家喎,
三從四德而家仲有人守咩?
救命呀!
space,
我唔欣賞儒家思想,
只是統治者愚弄人民的手段,
我唔buy哩套,
假道學一大套!
新鮮兄：
我根本不懂欣賞孔老二孟軻的思想，不過幾千年來，緊箍著中國人的思想，已經滲入中國人的日常生活，或多或少會被潛移默化。
『詩禮全家』咪將詩經、禮記，裡面的思想，當作家訓！
另外
我都有 practice 『三蟲四得』
我是 書蟲 懶蟲 蛀咪大蟲 是為三蟲
我也 食得 疴得 瞓得 走得 是為四得
space,
我好欣賞你今次嘅回應,
好有幽默感,正!
我都有時常實踐『三蟲四得』架!
哈哈哈哈~~~~~~~
fresh，
not meant to be humourous this time! 『三蟲四得』
I was simply stating the facts.
space,
咁積係代表你骨子裏有幽默感囉! =)
新鮮兄：
我冇乜『骨氣』咋噃！
做『軟皮蛇』就有我份！
space,
我係話你有幽默感,
唔係讚你有骨氣喎!!??
哦,風家不是詩禮全家,就算有都是上幾輩子的事了,對我來說影響不大,我還是我行我素 =)
新鮮兄：
你話：『骨子裏有幽默感！』不過唔緊要喇，只是想說明我喺冇『幽默感』的罷了！謝謝！
風子,
我行我素?
哈哈哈~~~
space,
你話點就點啦!
我又諗起《銀樓金粉》喇！
啲封建思想，真係唔係咁好！
新鮮人: 多謝連結!!
我祖父不是文人出身,但他家教非常嚴厲,相信棒頭出好兒,最憎惡遊手好閒,懶惰沒出息的人。
豆豆,
時移世易.
人類的思維亦要跟着改變,
舊的一套要才適當的變化才能附合現代人的生活,
否則就會變成食古不化了!
微豆,
家教嚴本來是好的,
但如今用棒下出孝兒的方法,
就可能會有反效果喎,
而且仲會被人告添!
發佈留言