昨天聽朋友講起佢親戚要請菲傭,
朋友同佢講菲傭一星期要放一日假,
佢親戚第一個反應係:『嘩!乜佢哋放咁多假架?』
當她知道多數係放星期日時,
佢嘅反應就係:『咁星期日邊個服侍我呀?』
朋友同佢講可以畀個菲傭放閒日,
佢嘅反應又係:『佢放咗假邊個幫我湊女呀?』
聽佢講完我真係想反問佢:『你老闆要你一個月做足三十日得唔得吖?』
近日有啲顧主為咗慳返幾百蚊嘅顧傭稅,
就炒咗個用緊嘅菲傭,
又話政府唔公平又話乜,
其實當初佢哋都知要畀架啦,
幾百蚊就咁緊張,
佢哋飲餐茶都唔止啦,
要慳嘅咪唔好請囉,
做乜要做到咁小家,
孤寒人唔孤寒自己,
咁衰格唔抵可憐!!!
後記(31/07/08):
今天有人批評政府改例是鼓勵別人炒咗自己個外傭,
因為續新約才可以攞到最多的"著數",
這是一個倒轉來說的理論,
就如夏天美女們著得性感一點,
你"咸濕"咗人哋仲反咬別人引人犯罪,
這是什麼道理?
簡直係無恥!!!
33 則留言:
唔係嘩！
個位親戚好 ignorant 噃，
每逢週末，港九新界，
週圍都是放假的菲傭印傭泰傭，
霸占哂的公共空間，
佢那位親戚喺盲架？
得罪講句: 越有錢既人越CHEAP
另一角度: 因為佢地咩都計到盡先咁有錢
再換角度: 因為佢地要充大頭鬼, 吃喝玩樂, 衣食住行唔可以慳, 所以雞毛蒜皮都要計
得罪哂!!!!!(希望唔會無啦啦比人點相啦=P )
Someone who can afford to have a maid can't be considered as "rich" objectively.
space,
我諗佢唔係唔知,
而係唔接受囉!
天使,
真係有些比較有錢嘅人係好孤寒嘅,
有啲仲好衰格添,
嘢啲人畀屎餵佢就啱!
ruth,
請菲傭未必係好有錢,
但一定唔係最窮嗰班,
但無論有錢定無錢,
都唔好做得咁小家嘛,
咁樣做人實在太唔啱了!
唉, 為個少少錢炒左人, 自己又冇人幫手做家務, 條數點計都錯啦!
(其實我住呢個公屋屋村好多人都請菲傭, 我又唔明啦, 明明D房就緊緊夠一家人分, 點比多個菲傭住呢!?)
天使,
你哩個疑問我都想咗好耐,
我都唔多明嘞!
呢D就係香港人的通病,輸打贏要.
我成日聽D人話個工人點唔好,點覽點懶,木頭狗相信有D係幾過分o既, 但好多聽落其實係個僱主要求過分姐.
好似我堂哥要個菲傭日日拖地換床單,講真比你自己都唔會咁勤力啦.
做人o既野要調得翻轉頭先得架.
本頭狗,
我老媽子話佢朋友連早晨都唔畀個菲傭食呀,
個菲傭餓過頭攞咗佢個麵包食,
畀佢鬧到飛起呀,
話佢食咗自己無下午茶食喎,
你話係咪衰格到無人有吖?
真X街,影衰哂我哋香港人呀!
其實我覺得唔係孤唔孤寒既問題, 而係果D僱主根本唔當D菲傭係人.
佢地想要既係奴隸, 係附屬於自己既"用品".
講真, 人地spend their lives to make yours better, 好心就尊重下對方.
不過好多人就係咁, 有錢就以為自己做皇帝, 做上帝, 無得好講.
oscar,
當中係兩個問題,
第一係唔尊重別人,
第二係想慳埋啲幾百蚊顧傭稅,
兩樣都反映那些人好無品,無人格!
你朋友個親戚,
好似唔係幾識尊重人喎,
咁又點會有人尊重佢呢...
唔好沒殺
好多家庭同外籍傭工，
好似一家人咁融洽嘅！
個位親戚就太 ignorant！
勞工處話今次最多可以去多省
47月X 400元
我以前屋企有個印傭，
真係當佢一家人..
你又開心佢又開心咪最好..
雖然是傭工，但又是不奴隸.
依家d香港人真係....
想用盡個菲傭..so horrible~~
sam,
說得對,
佢連普通尊重人嘅思想都無,
好差!
space,
我唔係指全部用菲傭嘅人,
但係對那些不尊重菲傭,
又或者為咗慳錢就搞好多小動作嘅顧主,
我覺得係唔值得人同情的!
yanyan,
可以做到一家人咁真係唔易,
只不過基本尊重人態度都要做嘛!
豆腐花,
對啊,
有些人真係好自私,好唔尊別人,
用到人盡,真係好差好差!
新鮮兄：
你話：『我唔係指全部用菲傭嘅人,
但係對那些不尊重菲傭。
又或者為咗慳錢就搞好多小動作嘅顧主,
我覺得係唔值得人同情的!』
咁顧用啲印傭泰傭其他國家的外傭就喺喇，right？
space,
我都估你會玩"文字遊戲"架嘞,
不過估唔到你真係會咁問,
你明我係講"外傭"就得啦,
其實除咗外傭外,
對所以生物都應該抱住"尊重"嘅態度呢!
【明報專訊】在現行外傭徵款法例下，聘請外傭的僱主需要支付每年合共9600元徵款，而且沒有退款機制，根據政府資料顯示，現約23萬名外傭僱主中，有4％選擇一次過支付，他們在這次豁免徵收外傭費中，將不會獲得退款。
香港家庭傭工僱主協會主席羅軍典便指出，僱主分期付款後，若他們有3期未付，可以選擇與外傭提前續約，這便可享有有關豁免，但他與香港僱傭代理協會主席張結民皆指出，由於提前解約時，僱主仍需要支付大筆費用，故實際優惠不多。
張結民解釋，單是領事館、入境處及機票的支出已高達5000元，另由於外傭薪酬是在今年7月剛增加100元，故舊合約員工解約後再轉新合約，僱主便須每月多付100元，兩年便是2400元，七除八扣下僱主最終可省的便「所餘無幾」。
一次過繳全數9,600，僱主不獲退款，呢個故事教訓我地，同政府deal，要繳款時，若不需要一次過繳付，一定唔好咁大方，有得分期就分期。
今次曾特首所謂括免外用費，是擾民多過利民，只是一小拙，剛剛滿約和即將的外傭家庭受惠。
ops 『外傭費』 sorry 打錯字！
space,
括免是個bouns,
點做就由當事人自行決定!
菲庸話炒就炒，真係人不如狗！
俾著係我，如果個菲庸做得好，我就寧願要舊唔要新喇，話晒有感情，又熟啲先！
新鮮兄：
明報社評：豁免外傭稅所引發亂局
哈哈哈，跟我上面間的：“豁免外用費，是擾民多過利民。” 不謀而合！
豆豆,
人人想法唔同,
有些人睇錢睇得好重!
space,
如果啲人唔係貪嗰啲少少錢就唔會亂,
亂係佢哋貪心所致,
乜都向錢看,
佢哋又係最窮嗰班,
最好就唔好畀優惠佢哋,
費時煩,
係咁多!
I do think the government is very unprofessional when launching the new rule. They should have foreseen this will happen.
RUTH,
政府最錯就係唔記得香港人最喜歡貪小便宜呀!
所以而家咪畀人鬧返轉頭囉!
新鮮兄 ruth姐：
最妙是本來是括免24個月，
呢家變成最高可以47個月，
政府又畀啲刁民上下其手，
多拿了二十三個月的着數！
同益咗個啲外傭中介公司。
space,
講真同樣嘅問題係外國就唔會有問題了,
因為人家唔會為幾千蚊就炒咗個外傭,
亦唔會眼紅人哋攞著數多過自己,
今次唔怪得哂個政府,
係啲人貪心所致,
但係啲人仲反轉頭鬧政府喎,
哩個世界真係扭曲到無倫!!
發佈留言