怒着駡、哭着停!

如果唔係有人同我講:「香港真係多咗好多內地人!」，
我真的唔會去留意身邊周圍，
我講的唔係來港旅遊的自由行，
也不是那些尖沙咀、銅鑼灣名店出入的內地豪客，
而是在大街小巷和我們一起生活的內地人。

就我所見，
觀塘區確實多了很多"普通話人"，
又或者說着不知什麼方語的內地人，
在百佳、惠康、萬寧、街市、食店以至任何一角，
你都會聽到很多不是說廣東話的華人面孔，
在美心、大家樂、大快活等等連鎖店，
都會聽到售票員向你說:
「仙生，情允尼要次什麼呀?」，
這一切在不知不覺中慢慢滲透入我們的日常生活裏，
而且徹底到令人目定口呆的地步。

如果你問我對於這現象有什麼感覺，
我會很坦白的告訴你我感到不太舒服，
也許別人會說我歧視云云，
但這是我的真實感受。
從以往以至今天，
內地人都給予人們很差的感覺，
粗魯、唔衛生、講嘢超大聲、隨街扔垃圾、吐痰、唔排隊......
還有讓小孩在洗手盆大便，
但最令人難以接受的是那副"暴發戶"的嘴臉。
早前那位打架的安徽遊客不是對着電視鏡頭大大聲的說:
「香港無咗內地?食屎啦!」
我聽到這個滿面賤肉嘅死安徽佬講嘅嘢時真係無名火起三千丈，
你班扑街富貴吖，
中共建國初期人人窮到家空物淨呀，
無話食吖，
就連褲都唔多條你穿呀，
香港啲同胞唔係一包二包咁搬上去接濟你哋呀?
仲要次次係關口俾啲大陸關員抽水，
嗰時柴、米、油、鹽、糖等等唔係樣樣要等分配呀?
若果唔係香港人千辛萬苦逐啲逐啲咁攞上去，
你哋班富貴唔會皮包骨兼面無四両肉?
話唔定全部餓瓜哂，
依家仲可以係度也文也武?
唔講咁遠嘞，
如果唔係七、八十年代啲香港廠佬上去開廠幫手搞經濟，
沿海一帶會發展得咁快咁先進咩?
唔係得班廠佬搞活沿海，
你班富貴仲係一腳牛屎蹲係田邊食緊啲燒起上黎"㕷㕷"聲嘅捲烟喳，
仲有哩幾十年內地啲水災、旱災、地震嘅時候，
香港人唔係億億聲咁捐上去咩?
你哋班富貴嗰時又做緊乜呀?
咪係度炒緊香港嘅地產同搶緊啲奶粉、茶餅囉，
仲有你哋班食到賤肉橫生嘅貪官，
人家千辛萬苦捐錢俾嘅災民，
你哋仲係啲損款度乞兒兜拿飯食呀!
依家發咗唔洗靠人哋嘞就咁X吋?
反起豬肚就係屎?
我真係好頂你哋唔X順，
好想一拳一拳咁"中"你哋心口呀!

唔好同我講乜嘢血濃於水嘅廢話，
唔好同我講唔好一竹篙打一船人，
哩啲咁嘅扑街富貴暴發戶嘅嘴臉，
十個有八個都係咁X樣衰兼賤格，
落到黎玩就好似大Q哂咁，
零團費又唔想買貴嘢，
邊有咁着數嘅事架?
哩條樣衰口賤嘅安徽佬簡直係賤人人板，
收咗掩口費就變X哂另一副臉口，
哩啲咁嘅人在內地比比皆是，
愈發嘅就愈衰格，
反而係啲窮鄉僻壤嘅人仲老實友善得多，
依家內地個個睇錢睇到天咁大，
以前窮得耐，
如今見識過錢嘅魔力後就完全失控了，
為咗錢乜都做得出，
相信大家都見識唔少了，
孔雀錫綠、三聚清胺、甲純....
假雞蛋、假醬油、毒梳化，
數之不盡，
總之任何物質、任何東西、任何方法，
只要賺到愈多錢嘅都會立刻採用，
人家嘅生死關自己什麼事?
內地人只看你行頭、身家多少，
你背後是貪是搶誰會理，
這樣嘅社會，
這樣嘅人生價值，
這樣嘅國家，
我不能否認是我祖國，
但我不能埋没良心的說她日漸富強，
我更不會天真的以為她會自動解決到，
當中問題只會愈來愈厲重、複雜，
人人自私盲目、涼薄、失衡，
我失去了認同感，
不知何日見天明?
美好國度何日到?
白骨化煙上青天?

Can't Smile Without You !

柴油火車頭的響聲在遠處嚨嚨傳來，
海浪的拍岸聲在身邊不遠處伴和着，
海邊一間小木屋外一張殘舊的木枱上，
一部原子粒收音機正在播放着木匠樂隊的歌，
傍邊的小男孩正埋頭苦幹他下午要交的家課，
雖然不太明白歌詞的含意，
但那柔揚的曲調和甜美的聲音卻深深印在他的腦海裏，
在數不清的童年歲月，
木匠樂隊都陪伴着這個小男孩與那些苦悶的家課搏鬥，
久而久之便成為他成長不可缺少的一部份了。

如今小男孩已經變作大男孩了，
從新細味那些恆久的歌曲，
歌詞雖然簡單卻又細意動人，
聲音甜美且又百聽不厭，
往日的點點滴滴再湧上心頭，
令人發出會心的微笑和無盡的温馨回憶!

敗犬女王!

本來不想用"敗犬女王"這個名詞，
因為這詞好像是日文或是台灣用語，
不是正統中文名詞，
但若果用回我們慣用語，
就可能要寫成"有學識、有成就的老姑婆"，
這樣對女性實在有點太過，
所以不得以才借用這個外來語。

學歷高、職位高、年紀高的未婚女性確實很難找到適合伴侶的，
也許有人會說是因為男人的不濟才造就成這樣的結果，
實情是否這樣不是三言兩語可以解答，
不過今天要討論的卻是當中一個活生生的例子，
主角是我朋友的一個親人。

蘇姗是一個五十多歲的敗犬女王，
多年來不斷進修，
碩士生兼多年職場經驗，
在某大機構做部門主管，
職位算是滿吃重的，
而且人工非常不俗，
衣、食、住、行都享有中上水平，
做到這樣可謂什麼都不缺了，
唯獨一樣她現在才覺得欠缺，
那就是一個愛錫自己的男人。
朋友說她多年來把所有時間都花在打拼上，
根本没有想過拍拖，
事實上亦没有時間去拍，
如今事業有成想找個伴，
卻發覺自己己經五十歲有多了，
而且職位高、人工又高，
想找到和自己差不多又未結緍的男人都唔易，
真心之餘又唔介意她自己嘅年紀，
你話仲有無咁嘅"好男人"呢?
哩個世界好現實，
男人睇女人都是從外表開始，
有內涵當然是好，
但有那個男人不想要個"後生"啲嘅呢?
七十歲嘅阿伯都想找個廿幾歲嘅做伴啦，
男人就是"視覺感官動物"嘛，
五十多歲的女人很難有market呀!
而且兩個人都有返咁上下大了，
自己有自己的主見，
生活習慣都有自己的一套，
要從新去適應另一半的又談何容易呢?
聽朋友講蘇姗現在很心急，
她四處找人密識對象，
相信亦參加過不少table for six之類的活動，
無奈暫時都了無適合目標。

這個世界男女的確不是完全"公平"的，
若果換着是一個五十出頭，
事業有成的男人想找伴侶，
相信他遇到的困難會比同年紀的女性少很多，
而且仲可能被冠上"鑽石王老五"的美名，
所謂"男人三十一枝花，女人三十爛茶渣"，
我當然不是很同意這種說，
但事實又的確是男人的"耐用性"較高，
可能因為看男人多看能力少看外表吧，
老一點反而更有成熟、穩重感，
相反，
女人就多被注意外表，
就算女人睇女人都是如是，
更何況是男人睇女人呢?
所以奉勸各位職場女性，
除非諗住一世唔嫁都可以，
否則在追尋自己理想的同時，
都要花點時間去尋找自己的另一半，
若果到了花殘粉落時才去籌謀就太遲了。

牛扒與浪漫!

情人節想起什麼東西?
玫瑰?
朱古力?
牛扒晚餐?
燭光浪漫?
昨晚全部都預備了?
花了不少心思吧?

晚餐那部份應該是全晚的重頭戲，
但不知何時開始，
吃牛扒成為了情人節的傳統，
聽說吃牛扒會增加情感、慾望，
所以熱戀的人吃了就會變得更浪漫云云，
是真是假不太肯定，
總之人家說了就是。

昨天在吉之島賣牛扒的攤檔前人頭湧湧，
年青男女趕着買日本和牛扒回家浪漫浪漫，
但出奇的也有不少師奶、阿姨幫襯，
我見啲和牛扒都幾貴吓，
一塊女人手掌咁大都要兩百幾三百蚊，
但係一樣非常搶手，
平時這間牛扒店都無乜人幫襯，
可能佢賣啲牛肉太靚太高檔了，
叮屎咁細嚿牛柳都要賣百幾二百蚊，
邊鬼個會咁豪氣買咁貴嘅餸煮飯喎，
唔通叫啲師奶整碟苦瓜炒牛柳承惠二百五咩?
再唔係三百元一碟和牛肉餅蒸咸蛋呀?
就算老公唔出聲都過唔到自己嗰關啦!
講係咁講，
不過噚日就見到好多師奶、阿姨大破慳囊，
對住啲上等牛扒七嘴八舌咁係度左揀右揀，
可能佢哋都想學啲年青人咁，
情人節同老公撐吓枱腳温馨一番啩!

不過對於唔係特別喜歡食牛肉嘅人黎講，
幾百蚊一塊又好，
幾十蚊一塊又好，
其實都唔會差好遠。
不如煮返碟大蝦碌仲吸引，
點解會係蝦?
無得解架，
喜歡就喜歡囉，
對人都係咁啦，
點解會鍾意佢?
唔通真係攞部計算機出黎計咩?
計得通嘅就唔係愛情啦，
只要大家喜歡就足夠了。

紅顏一笑!

網上圖片

在梳妝枱前，
鏡子裏有着一張憂心的臉孔。

「老了，歲月催人老了!」
「不用怕，我和你一起老。」
「你看看，我開始有魚尾紋了!」
「我額上也有電車軌。」
「老了無人要了!」
「你的笑容會令我永遠留在你身邊的。」
「假如我笑不了呢?」
「那麼讓我每天逗你笑吧!」

謙謙君子?

"Nothing is more deceitful than the appearance of humility. It is often only carelessness of opinion, and sometimes an indirect boast."
— Jane Austen

中華民族是一個謙卑的民族，
從前男人慣常稱呼自己妻子為"賤內"，
又喜歡叫自己的兒子為"犬兒"，
又"賤"又"狗"，
不知狗隻知道後，
會感到光榮還是沮喪呢?

「陳太，你哋明仔就叻啦，考到入男拔，我哋輝仔就唔得囉!」
「李太，你謙啫，你哋輝仔都去英國留學啦，聽講啲學費都幾乸利喎?」
「邊係呢!馬馬虎虎啦，不過好彩考到個獎學金咁囉!」
「獎學金咁叻仔呀? 所以話你哋輝仔叻仔囉，我哋明仔無鬼用架，年年都係考三名之內，都未試過攞到獎學金。」
「你哋明仔叻啲!」
「你哋輝仔叻好多!」
「哎吔! 我哋唔好讚黎讚去嘞，幾時得閒打番場麻雀仔呀?」
「幾時都得啦，揾日吖!」
「好~ 攞日吖!」

「老李，聽講你早排扑中幾隻紅籌國企，賺到盤滿砵滿噃?」
「老陳，邊度有你咁猛料，你上個星期放咗嗰幾間豪宅，打跛腳長嘆啦!」
「你講笑咩，我轉手都係賺幾個巴仙咁多大把，有得幾多落袋吖。」
「你講笑就真，嗰幾個股票我揸咗好耐架嘞，好彩俾我等到佢翻兩翻喳。」
「嗱~ 講真嘞，幾時帶協吓我先? 射住細佬我好噃。」
「你咪玩我啦，你哋啲大佬睇住我哋啲做細就真!」
「咁好啦! 我都要去捱世界嘞，得間出黎飲茶吖?」
「梗係要啦，跟你學吓嘢嘛。」
「你又黎嘞，揾日啦!」

從上述兩個情況可見我們中華民族的確是"謙卑"的表表者，
簡直由內至外，
再由外至內，
由心到口，
再由口到心，
裏裏外外都充滿無限"謙卑和順"，
不過話雖如此，
我們之所以能夠謙卑有禮，
都是有懶祖先古人的教導和指引，
所以今天才能在修養上有絲毫吋進，
而且我們要時常提醒自己還有很多地方仍需改進，
希望有朝一日能夠在這方面勉強略有所成吧!

香江! 香江!

遊子濶別香江數十載，
慨嘆眼前一切變得陌生，
景物這麼近，
感覺卻又那裏遠，
這個城市每天都在改變，
景變、人變、情變，
居住在其中的我，
何嘗不曾感到有點疏離呢?

一片迷濛

今天看到的維多利亞港，
一片迷濛，
滿城雲霧，
令人滿心哀愁，
没入無限深谷。

"紅包"趣事!

農曆年差不多過完，
又係小孩子計算利是收入的時候了。
除了放暑假外，
拆利是相信係最能令小朋友興奮的事情啦!
回想自己細個時的情況都幾有趣，
數利是一般分開幾個工序，
首先將全部利是攞哂出黎數數有幾多封先，
跟住摸摸利是封把"硬嘢"和"軟嘢"分開，
當然現在很少人會封"硬嘢"，
不過一些老人家還是會封兩蚊、五蚊的，
因為老一輩的認為利是只係攞個吉利彩頭嘛。
從前和現在的小朋友都是一樣，
唔會明白利是的真正意義，
只會當係一個重要嘅收入來源，
一摸到"硬嘢"就會黑口黑面，
如果唔係有家長係身邊，
可能會對個老人家"喵咀喵舌"添，
真係幾無家教架!
如果摸到係"軟嘢"就唔同哂口臉囉，
以前收到十元紙幣會開心到飛起，
因為嗰時十蚊好"大"吓嘛。
當時驗利是興用"陽光檢驗法"，
因為利是收到唔可以即刻拆，
要知道入便係五蚊(五蚊以前有紙幣)還是十蚊唯有用陽光照吓，
好似人家照雞蛋咁對住個太陽照照，
以前啲利是封薄身啲，
所以好容易一照就知是龍還是蟲了。
若果收到五十蚊嘅就好似執到嚿金咁開心，
直情想返轉頭同嗰位善長拜多次年呀，
搏佢唔記得派多次嘛，
可惜印象中，
小時候只係收過一次半次五十蚊利是喳，
其餘的多數係"硬嘢"，
兩蚊、五蚊最多，
有時一蚊、五毫都收過，
真係孤鬼寒!
不過無論收到幾多利是都無用，
細個時必需一律全數上繳，
話同我哋儲埋佢喎，
不過一直到依家我都唔知嗰時啲利是儲咗去邊，
係唔係要問返新鮮媽佢放咗我咁多年嘅利是錢係邊度好呢?
直至等到大約十三、四歲時，
我先至有利是財政決定權，
可以自己儲起黎做吓零用，
亦都係我一生人新一次有自己嘅財權，
依家諗返起都幾開心架!

我記得係好細個好細個時，
新鮮媽帶過我哋幾個返佢鄉下拜年，
見到外婆時我梗係好醒目咁同佢猛講"吉利"說話，
什麼龍馬精神、身體健康......都講盡了，
跟住外婆就係佢衫袋攞咗"紅封包"出黎俾我嘞，
嗰個真係"紅封包"黎架，
係用一張四、五吋大嘅紅色紙對摺而成嘅"紅包"，
揸上手會有少少紅色粉末沾到手指，
當時我咁大個仔都未見過哩種"紅包"，
覺過好過癮又好好玩，
不過好玩還好玩，
最緊要係"紅包"入便嘅"內涵"，
我雙手一接過就感覺係"軟嘢"了，
於是就開心到四萬咁嘅口不停咁向婆婆千多謝萬多謝啦，
跟手就靜靜雞退到一個無人嘅地方打開黎睇啦，
點知一開就好似一桶冷水照頭淋咁嘞，
紅包入便嘅唔係港幣，
亦唔係人民幣，
更加唔會係美金，
而係一張小紅紙寫住"大吉"兩個字，
除咗這個"大吉"外就什麼也没有啦，
於是我覺得好似俾人呃咗咁，
條氣頂住頂住唔上唔落，
後尾忍唔住冒着俾新鮮媽開年嘅危險去告狀，
新鮮媽一知我哩頭收利是，
轉頭就攞去拆當然好火滾啦，
不過新年流流又係外婆家就忍住我先，
仲解釋鄉下一向都係封"大吉紅包"的，
志在要個平安吉利有意頭，
從來都唔會放錢入去的，
而且那時外婆家裏很窮，
生活條件很差，
亦唔方便這樣花錢封利是，
新鮮媽仲千叮萬囑要我唔好亂講說話，
否則返落香港同我開鑊好勁嘅年喎，
而且見到外婆都要笑笑口，
新鮮媽話過見我黑口黑面就係鄉下同我"開年"喎，
於是我唯有一粒聲都唔出囉，
"good"聲吞咗封"大吉紅包"!

依家人大咗，
唔好意思再收利是了，
過年過節更唔會去拜年，
事實上，
長輩都"走"咗不少，
需要去拜年的地方亦不多，
利是收入當然亦變成我嘅童年回憶，
過年回味吓都幾有趣。

滿地地攤!

每逢農曆新年，
當地鋪商店都收爐後，
年初一、二、三的觀塘協和街的行人路都會開滿地攤，
街頭行到街尾全是賣陳舊用品的小攤，
有舊衫、舊影碟、錄音帶、古玩玉器、舊電器......
垃垃雜雜什麼都有，
不過差不多全部都是陳陳舊舊，
好像在舊倉底攞出的陳年殘貨一樣，
有些更是收買佬買回來的舊貨色，
年青人當然很少會看得上眼的，
但年長一點的老街坊卻樂此不疲，
一堆一堆的蹲在攤檔對左揀右揀，
有時可能會揀到一次"荀嘢"的，
例如古董手錶、靚玉介指，
當然就要看看自己眼光如何，
又或者有無運氣了。

個人覺得這些小地攤很有意思，
雖然有點阻街，
行人路都給舖滿了，
但一年一次，
小販管理隊都會"隻眼開隻眼閉"，
而且擺檔的多是一些低下階層的老人家或中年人，
他們把堆積在家裏多年没有用的舊貨拿出來賣，
賣得多少就多少，
希望發個小新年財。
他們賣的多是很便宜的，
十元八塊的散銀包又有，
百多元的舊音響器材又有，
總之各色其色，
陳舊二手又何防?
願者上釣，
有些東西總會是自己喜歡的。
如果遇上"心頭好"，
但價錢未合時，
又可以亙相討價還價，
檔主和顧客充滿亙動和交流，
是一種很有氣氛的交易過程，
比那些冷冰冰的百貨超市好很多啊!

兔年好意頭!

轉眼又到兔年了，
祝大家:
一切順利，
兩情相悅，
三年抱兩，
四通八逹，
五世其昌，
六合常中，
七子八婿，
八面威風，
九馬享通，
十分健康。

恭喜! 恭喜!

送友人~ 笑紅塵!

笑紅塵 - 陳淑樺
曲︰李宗盛
詞︰厲曼婷
編︰鮑比達

＊紅塵多可笑　癡情最無聊
目空一切也好
此生未了　心卻已無所擾
只想換得半世逍遙

＃醒時對人笑　夢中全忘掉
嘆天黑得太早
來生難料　愛恨一筆勾消
對酒當歌我只願開心到老

＋風再冷不想逃
花再美也不想要　任我逍遙
天越高心越小
不問因果有多少　獨自醉倒
今天哭明天笑
不求有人能明瞭　一身驕傲
歌在唱舞在跳
長夜慢慢不覺曉　將快樂尋找

重唱　＊,＃,＋,＋,＋

同場加演廣東版的【做個真正的我】，
林青霞演出，陳淑華代唱。


《做個真正的我》
演唱：陳淑樺
作詞：潘偉源 作曲：李宗盛

願那風是我 願那月是我 柳底飛花是我
對酒當歌 做個灑脫的我 不理世界說我是何
只要做個真我 在笑聲裡渡過 懶管他功或過
對酒當歌 莫記一切因果 風裡雨裡也快活賞心得過

重做個真的我 回問那假的我 半生為何
眠後醉醉後眠 眠後再醉又眠 祈求什麼
重做個真的我 回問那假的我 笑痴又傻
誰是我我是誰 無謂理我是誰 更加好過

後記:
笑看人生，
那些無無謂謂的爭吵，
那些生老病死和恐懼，
那些痛苦不憾的感情，
都讓雙手慢慢放開吧，
讓它如海灘上的碎石，
讓海潮把它滾出大海。