Blog tag ~ 寫blog的滿足感!

死寂了一段時間的Blog tag又再死灰復燃了，
無錯，
我好少接人家tag的，
不過咁耐無接，
今天就接悟樂一招吧!

1. 什麼驅使自己仍寫blog?
友人介紹、我貪新鮮就繼續寫了，時常寫就有新鮮嘅感覺囉。

2. 在自己角度,你覺得blog的功用是什麼?
記下一些感覺。

3. 發文的頻密度.
看心情，有時一日幾篇，有時一星期才一篇。

4. 從寫blog中得到什麼?
學曉了打倉頡，
從前鄙視打中文的，
覺得好cheap，
工作上都全部用英文的，
只有做雜務的人才會用中文打單之類的東西，
這個想法當然很錯，
今天不曉打中文，
在網上尤如啞巴，
況且我英文又水，
唔識打中文點搞?

5. 會否為他人而寫?
接tag算唔算呢?
又或者我看到一些有感覺的人所寫的又是不是其中一種呢?
如果是，
我會為他人寫的。

6. 寫blog為你帶來什麼滿足感?
很大程度上能暢所欲言，
這已是很大的滿足感了。
有時還可以寫吓故仔，
那更相得益彰啦。

完!

有興趣者可以自行接tag!

小可愛!

没有什麼，
只覺可愛，
你希望帶它們回家嗎?

你答對多少呢?

又是玩遊戲的時候了。

01、甘（拜）下風(敗/拜)
02、針（砭）時弊(砭/貶)
03、脈（搏）(膊/搏)
04、一（籌）莫展(愁/籌)
05、精（粹）(萃/粹)
06、（度）假村(度/渡)
07、（妨）礙(防/妨)
08、言簡意（賅）(賅/駭)
09、氣（概）(概/慨)
10、震（撼）(憾/撼)
11、（候）車室(候/侯)
12、一如（既）往(既/繼)
13、草（菅）人命(管/菅)
14、不（脛）而走(脛/徑)
15、（竣）工(峻/竣)
16、黃（粱）一夢(粱/梁)
17、美（輪）美奐(輪/侖)
18、蛛絲（馬）跡(螞/馬)
19、委（靡）不振(糜/靡)
20、（明）信片(名/明)
21、（墨）守成規(默/墨)
22、大（拇）指(姆/拇)
23、（平）添(憑/平)
24、出（其）不意(奇/其)
25、（罄）竹難書(磬/罄)
26、聲名（鵲）起(雀/鵲)
27、談笑風（生）(生/聲)
28、額（手）稱慶(手/首)
29、走（投）無路(頭/投)
30、趨之若（鶩）(騖/鶩)
31、（宣）洩(渲/宣)
32、寒（暄）(喧/暄)
33、（贗）品(贗/膺)
34、不能自（己）(已/己)
35、（猶）如(尤/猶)
36、竭澤而（漁）(魚/漁)
37、濫（竽）充數(竽/芋)
38、世外桃（源）(源/園)
39、坐（鎮）(陣/鎮)
40、旁（徵）博引(徵/證)
41、（炙）手可熱(灸/炙)
42、九（州)(州/洲)
43、床（笫）之私(笫/第)
44、（恣）意妄為(姿/恣)
45、編（纂）(篡/纂)

答案就在每題(答案)裏便啊!

電子煙? 大吉利是咩!!!

昨天見space提及「電子煙」這樣東東，
老實講，我從來未曾聽過這種產品，
我都真係幾鬼out。
不過話時話，
剛聽到這個產品名字時，
心裏立刻想到的是拜神用那種「電香」和「電蠟蠋」
你話係咪幾唔老黎吖?
大吉利是呀!

後來按連結查看，找到上圖那產品，
原來那枝「假煙」白色部份內有乾坤，
只要充電後插入「煙膽」和「濾咀」便可當香煙抽，
而且那「煙膽」內是純尼古丁濃液不含致癌物質，
細細啜吸又可以產生不含臭味的煙霧，
既可舒緩煙癮又不會影響到別人，
看來是一個十分「有趣」的產品，
不過價錢就幾攞命架，
套裝連50個「煙膽」要$328大元，
淨買「煙膽」一盒要$150，
咁高價嘅產品，
恐怕一般煙民都負擔不來了。

註:
後來才知道這種東西在香港是違禁品,
無論販賣和收藏都是犯法的﹐
而且每個「煙彈」所含的尼古丁高逹26枝香煙之多﹐
一來不未可以幫助戒煙，
而且又會增加對尼古丁的依頼﹐
為免觸犯法例和健康著想﹐
大家還是不要接觸為妙了!

我就是超級無敵的大帥哥!

無限思介紹的測試真是準確無誤，
哈哈哈哈~~~~~


新鮮人的成份分析
別人都覺得你長得怎樣?

超級無敵的大帥哥：56.8％
世界無敵的醜八怪：20.8％
超級無敵的大正妹：18.4％
還好：3.7％

如果你都想試試就按這裏吧!

從日本即食麵到食品安全!

很多人都知道即食麵是由華裔日本人安藤百福(吳百福)所發明，
而第一包即食麵就是在1958年8月曰5日出現的雞汁泡麵，
由於方便快捷，很快便流行全日本了,
但即食麵的發展並非全無挫折。

1964年，日本有消費者因食用即食麵引起食物中毒，
廠家一面回收一面作出產品調查，
後來發現有零售商把即食麵長期存放在炎熱的地方，
因而造成食物質素變壞。
1965年，安藤百福主動在即食麵包裝上加註生產日期，
這樣的行動是全球首次出現，
亦可見安藤是主動關心自己出品的質素的。
1993年，日本政府規定所以即食麵包裝均要附上營養成份，
1996年,此例亦引伸到所有加工包裝食品裏去，
雖然在1998，有環保組織質疑杯裝即食麵容器可能含有毒物質，
但日本政府亦曾作用多次測試，
認為没有實則証據支持環保組織的論點，
我不排除日本政府有可能為保大企業而作出"避重就輕"的結論，
但總體而言，
日本政府那次測試可見食用即食麵是不會有即時危險的，
日本人對食品質素的要求和和態度，
相對來說是比中國人的高很多了!

反觀中國和香港，
一次三聚氰胺又再次敗露我國食物安全性之低，
而且政府又未能對問題作出根本性的對策，
今天新聞所見，國內捉拿了廿多名"放毒疑犯"，
聲稱他們就是毒奶的"源頭"，
但從近期國內外不斷湧現含毒奶品所見，
而這些產品的奶類原材料均來自中國，
問題產品數量之多、規模之大，
又豈是十數人可以做得到呢?
若非"全民皆毒"又何有如此大的影響範圍呢?
根本問題是:
在食物裏加入"不明物質"以增加毛利已成為不少人的習慣，
政府不認真去面對和解決問題，
現在只是抽出廿來個"替死鬼"來"淡化事件"，
對那些知情不報的大廠和高官卻採寬鬆處理，
無疑是有包庇之嫌，
更有賊過輕兵的效果，
對生產商的食品安全教育和國民認知亦不加以重視，
相信不久將來，
這些不法商人還是會重新活躍起來，
而國民以至全世界人民的健康又會再次受到巨大的威脅,
究竟我們還要錯多少次才會吸收教訓呢?

招財貓與妓女!

大部份人都知道招財貓來自日本，
又知道招財貓分舉起左手或右手的，
但大家又知不知道舉不同手有什麼分別呢?
原來舉右手代表招財，
舉左手則代表招客，
不過各地都有不同的說法，
就算在日本都無統一的定論!

最近看了幾個關於招財貓出處的說法，
原來招財貓最早出現於四百多年前的江戶時代，
當是主要流行於一些花街柳行裏，
後來才漸漸流行於民間。
話說當時江戶有名妓叫"薄雲"﹐
她在妓院養了一隻名為"玉"的貓咪，
"薄雲"對"玉"寵愛有嘉尤如入了迷一樣，
就算她如廁時"玉"都一樣跟進裏去，
不久，有謠傳說貓會讓人入魔，
妓院主人見"薄雲"愛貓如痴，
深恐這樣下去會影響妓院生意，
他多次要求"薄雲"放棄養貓不果後，
終於有一次，看準"薄雲"上廁時尾隨其後，
出其不意一刀向"玉"的頭腦劈下去，
貓頭應聲飛入廁桶中﹐
此時妓院主人才見"玉"口中咬着一條蛇，
原來"玉"每次都跟着"薄雲"入廁所就是為了保護她，
但一切都為時已晚，
"薄雲"傷心不已，
後來她把"玉"的屍體送到寺院並建了貓塚祭祀，
妓院主人亦後悔不已。

"玉"死了不久後，
"薄雲"其中一個客人為了逗她開心，
特別請巧手木匠用檀香木造了一隻木貓送給她，
"薄雲"見手工精美且外型又與"玉"極之相似，
所以愛不惜手，
終日把它帶在身傍，
當時傳為一時佳話，
街上亦開始有商販以木雕成貓的型狀出售。
不久"薄雲"美人歸去，
而妓院主人亦把那隻檀香木貓一併送進了寺院祭祀，
可惜後來寺院失火，
而這個傳說的証據亦消失於火海裏去了!

人生點綴!

這是什麼?
這是灣仔春園街一個垃圾站的門口!
本來一個又污糟又臭的垃圾站,
給一幅美麗的林蔭大道"代替"了!
這也許有點"阿Q精神",
但總好過把"實況"展視眼前,
人生有時也要些點綴,
是真是假都無所謂啦,
過得開心順意就是,
如果有埋香味噴出黎就更加"精彩"囉!

The Rotating Towner "扭.扭.扭"!

"Do not wait for the future to come to you...face the future!"
這楝由Dr. David Fisher設計的"扭扭大廈"將會於2010年在杜拜建成,
顧名思意,它的最大賣點當然係每一層都可以獨立轉動,
大約每三小時就可以轉動一週圈,
所以整楝大廈會出現變化萬千的型態,
而且住客一定可以包覽全360度海景,
可稱全球最先進豪華的豪宅!

這楝"扭扭大廈"高1380呎,
分成有80層,
地下至20樓是辦工室,
21-35樓是酒店,
35-70是住宅,
而最高的10層則是一層一個單位的豪華別墅.
住宅面積由1,330-12.900平方呎,
而且大部單位都內置一個室內車位,
相信不是每一個豪宅都能夠做到的!

而價錢方面當然"厲害"了,
預計住宅售價大約由 370萬 至 3600萬左右,
不過是美金唔係港幣喎,
住得入去嘅真係非富則貴了!

這楝"扭扭大廈"另一個賣點就是"環保",
建築師Dr. David Fisher在每層中間設置了一組風葉渦輪,
利用全楝79個渦輪收集風力,
不單可以做到能源自給自足,
還足夠輸給附近幾楝大廈使用!

對於這點我是有些懷疑的,
每層中間的位置不是很多,
究竟是否真的可以接收到足夠的風力呢?
杜拜雖然身處沙漠,
但是否全年都有強烈的風力來推動全部79組風力渦輪呢?
另外,除非這楝大廈週圍全無建築物,
否則在下層的風力渦輪又會否給旁邊的建築物阻擋呢?

這楝大廈在建築方面亦有相當大膽創新,
全楝大廈的樓層主要組成部份都是預先在意大利組裝,
運到杜拜後就好似砌積木咁砌,

這樣不單大量減少地盤工人數量,
而且建築時間更由以往6星1層大幅減短到1星期1層,
從而把建築成本減少10%!
Dr. David Fisher現正計劃於莫斯科興建另一楝"扭扭大廈",
而第三楝則可能會在美國紐約,
如果大家真係有興趣買的話,
可以電郵到以下地址預訂!
dubai@dynamicarchitecture.net.

這個設計創意真是一絶,
看過後有誰不想嘗試呢?
不過我又諗過,
成日住係層轉吓轉吓嘅建築物入面,
唔知會唔會搞到耳水不平衡呢?
又會唔會搞到腳浮浮唔舒服呢?
另外,
除非你住頂嗰十層(一層一個單位),
自己話哂事,想幾時轉都得,
咁一層有幾個單位嗰啲又點呢?
一個話轉另一個話唔轉,
係咪猜包剪鎚做決定呢?
仲有地震問題呢?
雖然杜拜好少地震啫,
但係唔怕一萬,至怕萬一嘛,
咁高咁扭法可唔可以頂得順地震架?
諗諗吓又好似有好多問題喎,
睇吓睇吓又唔係咁好啫,
咁又係唔係我酸萄葡作怪呢?

資料及圖片來源:
Dynamic Architecture
Shape-shifting skyscraper gives 360 degree views

寫(錯)字!

自己時常寫錯用錯和亂用的別字/錯字,
前者是錯,後者是正字:

(鐘)(鍾)意: (中)意
妖(業): 妖(孽)
無(引): 無(癮)
(介)賭: (戒)賭
絶(迹): 絶(跡)
(咸)味: (鹹)味
休(閑): 休(閒)
雞(脾): 雞(髀)
(鉉)外之音: (弦)外之音
逹(懶)喇嘛: 達(賴)喇嘛

陸續有黎......

愈怪愈過癮!

香港人喜歡遊旅,
聽說大部新春旅行團都滿額了.
每個人旅遊的目的都不同,
但不少香港人主要是shopping,
去歐洲,去日本最喜歡就是買買買,
一"唊"去,五"唊"返,
看不看風景都不重要,
最緊要shopping買嘢!

除了買東西外,
香港人都要住得好,
揀酒店都要睇幾多粒"星",
唔係五星就唔肯住,
其實夜夜先返酒店,
晨早六點就起身走人,
多粒"星"又有什麼大不了.
如果是我揀的話,
我就一定揀啲有趣過癮嘅黎住,
雖然未必最舒服,
但是住係啲有特式嘅酒店是很有意思的,
不但新奇有趣又可以增廣見聞,
予其住啲間間一樣嘅五星酒店,
不如住啲新穎趣怪的住宿吧,
相信住完永世難忘兼回味無窮,
旅遊是這樣才會過癮嘛!

炒米餅,糯米池!

被玉兔tag"氹氹轉,菊花園",好耐無玩過問答遊戲了!

規則：
被點到名字的要在自己的博客裏寫下自己的答案，然後去掉一個你最不喜歡的問題再加上一個你的問題，仍然組成20個問題.

1. 小時候的理想是什麼？
新鮮人:發逹做老闆,物都唔洗做!大咗先知無不勞而獲!
新鮮仔:有間花園大屋,可以種滿果樹任我食.

2. 這輩子最快樂的是什麼事？
新鮮人:擁抱着自己喜歡的人.
新鮮仔:放假去荔園玩.

3. 你喜歡的顏色？
新鮮人:藍,橙,白色.
新鮮仔:彩色.

4. 你會用什麼方法去愛一個人？
新鮮人:用心.
新鮮仔:畀心機做功課.

5. 你最想去哪個地方？為什麼？
新鮮人:銀行金庫,因為未試過被金光耀到張不開眼.
新鮮仔:從太空回看地球,看圖片覺得好靚.

6. 最受不了自己哪個缺點？
新鮮人:火爆.
新鮮仔:爛玩.

7. 如果有不開心的事情，你會怎麼辦？
新鮮人:靜下來,諗返啲開心嘢.
新鮮仔:有枝珍寶珠就物唔開心嘢都唔記得囉!

8. 四季裡喜歡哪一季?
新鮮人:秋天.
新鮮仔:夏天可以游水.

9. 五年內比較現實的目標是什麼？
新鮮人:揾多啲錢.
新鮮仔:快高長大.

10. 遇到這輩子最快樂的事情，最想立刻跟誰分享﹖
新鮮人:自己愛的人.
新鮮仔:弟弟.

11. 說出點你名的人的3個優點？
新鮮人:美感觀、感性理性兼備、懂享受.
新鮮仔:我唔係好認識玉兔姐姐喎.

12. 孤獨是什麼？
新鮮人:一個人.
新鮮仔:人家唔同我玩.

13. 喜歡什麼類型的人？
新鮮人:笑面迎人的人.
新鮮仔:有糖畀我食的人,.

14. 你對你的近況滿意嗎？有什麼需要改變?
新鮮人:一般,可以做好好多!
新鮮仔:麻麻,好耐無去過海洋公園和迪迪尼公園了!

15. 覺得自己會幾歲結婚、生孩子？
新鮮人:無定,我唔喜歡細路哥.
新鮮仔:我咁細個,未諗住喎.

16. 去過最美的地方是哪裡?
新鮮人:日本奈良.
新鮮仔:雪糕店.

17. 你吃過最好吃的是什麼？
新鮮人:冬天裏的雞蛋撈飯
新鮮仔:朱古力奶味雪條

18. 如果能讓你實現一個願望，會是什麼？
新鮮人:家人健康和發逹,畀多個得唔得?
新鮮仔:唔哂返學,任玩任食.

19. 喜歡怎樣的二人世界生活？
新鮮人:靜靜地環遊世界.
新鮮仔:二人?邊個呀?

20. 如果被喜歡的人拒絕，怎麼辦？
新鮮人:靜靜走開.
新鮮仔:問佢點解囉,無理由佢唔分啲雪糕我食架嘛!

想把"12. 孤獨是什麼?"去掉，改為﹕你會用什麼方法去面對討厭的人？

新鮮仔:『你要tag人喎!』
新鮮人:『我咪tag咗你囉!』

馬騮投球

Monkey Kick Off Kick the ball as far as you can!

Play this free game now!!

大雄介紹的一個網上小遊戲,
玩法好簡單,一kick就掂!

你有無興趣挑戰我4710嘅記錄呀?
有膽就放馬過黎啦!

網上高解象名畫選

早前『逹文西密碼』掀起一遍硏究『最後晚餐』的熱潮,
但事實上又有幾多人曾親眼見過這幅名畫呢?
就算你親身去過米蘭參觀,
最多只是遠遠隔住幾十呎咁望吓,
你有無可能可以行到幅畫面前慢慢細心睇吖??

為咗節省時間和滿足好似我哩類八卦仔嘅心態,
最近意大利科技公司HAL9000以超高解象度拍攝了這幅名畫,
解象度高到連油彩的龜裂痕跡都看得清清楚楚,
(上圖只是10%的zoom in而已)
而且仲免費於網上公開發放,
這是一個十分珍貴難得的機會,
無論對藝術名畫是否有深入的了解,
都好值得大家去"親身"欣賞一下!

除了"Last Supper"外,
這間公司亦上載了:
高德尼兹奥 菲拉里(Gaudenzio Ferrari)的"VITA DI CRISTO"


乃波佐(Abdrea Pozzo)的"Gloria di Sant'Ignazio"


有興趣的可以到高解象名畫選一看,
但由於解象度超高,zoom in的時間要十秒左右,
大家要看得仔細就要畀少少耐性了.
另外,網上每幅名畫都配上不同的古典音樂,
一路欣賞名畫一路聽着悅耳的音樂,
那種感覺就好似走進了私人畫廊一樣!

你想唔想試核能魚!!

圖片: 明報

昨天看電視介紹星加坡某分子料理餐廳,
好奇之下上綱了解吓什麼是「分子料理」,
原來所謂「分子料理」,
就是用科學方法處理傳統食材，
El Bulli在巴塞羅那的實驗室,
從天然食品中抽取精華,
提煉成各種新奇用料.
(El Bulli獲英國權威的《餐館》雜誌，
選為今年全球最佳50間餐廳的榜首)

昨晚節目中見到一味叫「忌廉火腿」的,
是將火腿製成如忌廉一般的樣子,
但吃下去就感覺到忌廉與火腿的混合味道.
另外又有什麼「哈密瓜魚子醬」,
先把哈密瓜榨汁與藻膠混和,
然後注滿4個針筒滴入溶化了的Calcic,
成小珠子形狀後以冷水流洗即成.
其餘出名的還有玫瑰甜菜,芒果湯圓,番茄麵包等等...
你諗唔到嘅佢都有辦法做到出來,
聽講遲些他們還會推出罐頭食材,
讓大家可以在家裏試煮!

看見這樣的烹調方法真是慘不忍睹,
雖然他們強調所以材料都是來自天然,
不是有害的化學物品,
但好好的一顆菜,一塊肉......
為什麼要攪到好似科學怪人咁喎,
哩啲咪好似周星星話嘅"多舊魚"囉,
而且製作過程繁複又浪費能源,
係現在人人講環保,求天然求新鮮的趨勢下,
這種所謂「分子料理」實在是背道而馳,
搞到啲食物好似中咗核能幅射咁,
什麼感覺和情調都無哂喇,
睇見都唔開胃呀,
畀我都唔想食!

延伸閱讀:
法國名廚﹕「分子料理」糟蹋食物

各適其適香港小食測試

大雄繼早前的懷舊電視廣告後又一傑作,
今次唔玩廣告玩街邊小吃,
但是一向為食的我只有59分,
真是難以致信,
我懷疑有人"做馬"呀,
唔信嘅,你哋都入去玩吓啦!

你的等級﹕中點 你勉強有59分，可見你也曾嚐過好幾款地道小食。不過......是吃的的機會太少？還是你對自己有所克制？你品嚐過種類不算多，而且我懷疑你很多時候連看也沒看過就吞下肚，恐怕放進嘴裡的小食究竟是什麼你都不曉得。下次有機會的話，不妨先看看然後才再吃下肚，或許你會更欣賞那些小食。 各適其適香港小食測試

隨身電視

圖片:蘋果日報

電訊盈科與摩托羅拉明年可能會引入隨身高清電視,
到時就真喺可以話攞住部電視週街行,
而且因為有別於以往嘅網巢式發射技術,
隨身電視則利用電視頻譜傳送節目,
是一種數碼廣播的高清電視新技術,
所以不單畫面更清晰,
而且亦不會因為太多人同時使用而出現大擠塞,
相信遲點一定會成為貪新鮮年青人的心頭好!

不過,話時話吖,
個畫面咁鬼細又點睇吖,
你話上網check吓e-mail五六分鐘就無問題啫,
如果要睇電視閑閑哋都半個鐘頭九個字啦,
就算你用個有三吋半大display嘅電話都唔掂啦,
包你一樣睇到眼又慒耳就聾,
都喺嗰句:『無鬼謂!』
行街都睇電視不如屋企睇啦!

ps:
如果啲人一路行一個睇仲危險,
唔畀車撞到都幾難呀!

權貴廁所

圖片:蘋果日報

這是今屆香港傢俬及家居潮流博覽的展覽品,
是放置於「廁文化森林」展區三十多件展品之一,
上圖是中國上個世紀權貴的「龍椅」座廁,
特高的靠背,雕花實木,
聽講仲可以加置辦公枱,
實行兩樣公(工)一齊辦,
以前權貴都幾多花神,
連坐廁都要特顯自己嘅身份,
你話幾無聊!

我個人就唔多喜歡這種設計了,
用木包着坐桶都唔知會唔會發霉,
而且可能會一陣味又難清潔,
重有個pat pat畀塊木抬住好唔舒服啫,
坐位又高又釣腳唔好易會腳痺,
仲話可以加辦公枱做嘢,
咪玩啦,貪廁所香咩?
快快搞掂就走出黎啦,
真喺忙成咁咩?

其實要咁豪有人睇到嗎?
唔通有客人到叫佢哋入去睇吓?
話哂都喺私人貼身物件,
無理由畀客人借用卦?
人哋無得用又要人哋睇,
又點樣攞威呢?
又唔好用又無人睇到,
真喺攞黎搞,
畀我都唔要,
bad taste!

經典香港圖片

潮流這樣東西真是十分奇怪,
不斷週而復始,
今日你覺得老土過時嘅,
明天可能又再復興!

這張在1920年代拍攝富家公子的照片,
現在再看他的衣著都不覺得太老土,
任你點估都不像是20年代的時裝吧?
但當年可能己經是超時興的了,
而且有點像現在一些明星的衣著!
你覺唔覺得他有點像吳卓羲吖?
另一張則是攝於1960年代,
人物地方我們都不會認識了,
但上面那張維他奶的廣告牌,
相信大家都會覺得好有親切感吧!

這些照片我是在一本好像叫【香港影像發展】書中找到,
書中大輯錄了由1850年到現今香港的珍貴圖片,
有些更是從未暴光的,
可惜要$150大元一本,
不然我一定要買來收藏,
大家有興趣可以留意一下!

新加"有讚無彈"功能

看見OSCAR那個CLICK COMMENT幾過癮,
啱哂啲唔喜歡留言嘅人架,
就喺每篇下面嗰幾個ICONS呢,

只要一CLICK就可以畀COMMENT,
又唔洗留名又唔洗打字,
真喺好方便架,
不過就全部都喺讚我嘅,
如果想鬧我,
咁就要自己打字啦!

ps:loading太慢囉,我都喺唔用了!
有興趣可以去有讚無彈click click站看看!