這兩天香港人瘋狂迷上了Pokemon Go,
這隻手機育成遊戲風潮由月初美澳紐開始，
到七月廿五日香港開通，
短短幾星期就瘋魔千萬巿民，
大人細路中坑婦女無一幸免，
每當你見到有人係街係咁睇住個電話，
然後忽然停下來係咁捽，
咁十成有八成係玩緊pokemon go，
可能寵物小精靈不是我年代的產物，
我又從來無睇過套動漫，
對他們完全無認識，
除左比卡超外，
入便什麼怪什麼獸我一隻都唔識，
所以我無想過要download隻game玩，
不過我見風潮所及，
見來勢兇兇
我都有留意下隻game點玩和別人的睇法。
但最值得我注意的係哩隻game嘅影響力非常巨大，
由虛擬入侵到現實，
首先係任天堂股價半個月內升了差不多三成，
一隻game能有這種影響力是很厲害的啊。
另外，
以往由於年青人沈迷手遊，
很多人整天都躲在家日玩夜玩，
現在pokemon go係要一路行一路捉精靈，
所以大量男女走到街上，
聽過這兩晚天水團因為有特別精靈出現，
搞到有千人大集會，
齊齊捉精靈，
這是從來沒有出現過的風潮。
要說這隻game的影響力，
可以看看先開通的美澳紐
聽講外國的瘋狂程度更恐怖，
有人跳海捉水精靈，
有人掉崖為捉什麼龍，
有人一路玩一路揸車，
結果撞埋大樹差點死亡，
也有人為了捉精靈偷入私人地方，
聽過紐西蘭有人竟敢敲三K黨的大門話要入去捉精靈，
你話係咪痴膠花丫!
其實這樣game可謂商機無限，
美國就有一間pizza店為左吸引客人，
問任天堂買了個可以吸引大量精靈聚集的虛擬香薰座，
於是大量game迷入內捉精靈兼幫襯，
餐廳營業額因此狂升20%，
類似的產品相信會層出不窮，
到水水漲船高，
睇黎pokemon go嘅影響力非同小可，
值得注意。
