今日係My Everyday Practices... 睇到關於中文版(廣東話版)Cantonese Wikipedia的消息,其中那遍"是日正文"對於我地呢班土生土長的香港仔都幾有趣,可以使大家多點了解自己的母語!
p.s.唔知大b哥讀大學時有無學過呢d野呢!
粵語，即係廣東話或者白話，係屬於漢藏語系漢語語族嘅聲調語言。喺中國南方嘅廣東中西部、廣西中南部同埋香港、澳門同埋東南亞嘅部分國家或者地區，同埋海外華人社區都有好多人講廣東話。中國古代叫南方做「越」或「粵」，所以呢種語言就叫做粵語喇。由於喺語言學分類，中國學者同埋西方學者有唔同意見，所以粵語係方言定係獨立嘅語言，尚有爭議。依家全球大約有6.6千萬~1.2億人講粵語。雖然使用嘅人口少過官話漢語，但係粵語嘅使用地區非常之廣泛。唔單止喺海外華人社區裏面廣泛應用，而且支持住以香港文化同埋南粵文化為中心嘅粵語文化，令到粵語具有好強嘅影響力，可以講係目前世界上有較強生命力嘅語言之一。廣州話口音係粵語嘅公認標準口音。但係隨住近年來大量外來人口嘅湧入，廣東境內一些原粵語城市甚至出現外來人口多過本地人口嘅現象，漢語普通話使用人群當然就大增，加上近年嚟香港粵語流行曲、電視電影對中國大陸粵語使用人群嘅強勢影響，粵語文化嘅中心城市事實上已經由廣州遷移到嚟香港。香港粵語同廣州話，有一定程度嘅差異，有時可以由整體口音上區別；但喺個別字詞上，就好難分到。 (Source: http://zh-yue.wikipedia.org/wiki/Main_Page)
5 則留言:
哈！咁我先來留個言啦！我同意你既講法！個site實在係好值得大家留意架！尤其係對語言學有興趣既人，就更加應該要研究下廣東話係書寫方面既問題。我地平時寫blog，icq，都可以用，廣告又有，雜誌又有，咁點解唔可以推廣一下呢？其實可以同standard Chinese並存! 當然，如果真係要實行係有好多問題既。
其實寫咁廣東口語化的文章,
自己心裹有點過不去.
以前念中學,中文,中史,美術,體育都是用普通話授課,
寫文章時都是用普通話在腦裹構思,
所以好少口語化的情況出現,
而且那時老師改文都十分嚴格,
視廣東口語化文章為死罪,
加上自己讀文科,
要閱讀大量古文,
所以成日給老師批評我的文章"文白交雜"!
:(
但是中國的文學文化都是以文言/白話為依歸,
如果啲學生個個用晒廣東口語啲字眼去寫文章,
又好似好有問題噃!
所以到現在自已寫blog時都一半一半咁寫,
弄到不三不四!
所以咁深的問題都係留番比啲文學家吧,
自已咁大個人,順其自然啦,
或者呢d就係自然演變了!
修訂"但是中國的文學文化都是以文言/語體文為依歸".
《所以到現在自已寫blog時都一半一半咁寫,
弄到不三不四!》
有我陪你，寫到不三不四。哈哈~~~
haamaru,
不三又不四?
咁我地就變左 二五仔?
發佈留言