小南提及外國有實驗指出而家ｄ小朋友”佢哋都認得出麥當勞叔叔...反而唔知耶穌係邊個”，你話M記對細路Ｄ影響力恐怖唔恐怖！記得以前有個名嘴，唔記得是蔡蘭或是倪匡曾經講過，Ｄ細路咁鐘意麥當勞係因為Ｍ記自小給予他們一種好愉快的感覺；要對付呢種感覺最好就是返其道而行：
每次當有Ｍ記ｄadv播放或者經過Ｍ記門口，家長就打自己個小朋友，等佢地產生一種不愉快的感覺記憶，咁以後Ｄ小朋友見到麥當勞就念起Ｄ不愉快記憶，而且叫都唔會再想入去啦！雖然咁做實比人話痴線，但是又可能WORK喎！
ＰＳ．記得曾經有兩姊弟一齊去買Ｍ記買套餐，姊姊唔俾弟弟自己揀，結果弟弟走出去跳天橋，好彩父母快手攔住，唔係就大件事啦！
12 則留言:
用暴力教仔始終唔係好橋... 仲要係D小朋友無做錯時被打, 帶黎既負面效果唔能夠想像
或者從細教佢地 "呢D快餐食品係慢性毒藥黎架!!"會好D~
果對姐弟既故事, 係你的親身經歷嗎? =)
其實我都唔明白m記俾都咩快樂的感覺俾佢地, 好奇怪
其實小朋友鍾意m記, 我覺得有某程度係d 阿爸阿媽覺得d 仔女應該鍾意而帶佢地去, 咁整整下咪鍾意囉
我覺得小朋友已被socialize左, 佢地未必真係鍾意m記, 而係佢地覺得自己應該要鍾意m 記
當然即使爸媽唔帶小朋友去, 小朋友都會從同學口中得知, 但係想去睇下食下野唔代表係鍾意囉, 而且我以前教幼兒園都無聽過佢地講m記
Oscar,
梗係啦,唔會有人笨到當真咁去照做掛!
Just kidding 喳！
lala，
依家Ｄ小朋友真係好鍾意Ｍ記架，你有無睇過有Ｍ記廣告係影住一個ＢＢ坐在搖籃中搖下搖下，每次搖到見屋外個Ｍ記ＬＯＧＯ就笑咪咪，呢Ｄ叫耳濡目染，現實中我親身都見不少咁樣嘅例子呀，唔信你問下身邊有無細路唔鍾意食Ｍ記丫！
我同意小朋友鍾意M記, 我的意思係小朋友鍾意M記係因為其他人覺得佢地應該鍾意M記, 被socialize左, 就好似你所講的耳濡目染, 事實上唔一定係M記有咩帶俾佢地歡樂, 而係小朋友覺得自己"應該"鍾意M記而不知不覺間"鍾意"M記, 父母又成日覺得佢地好鍾意M記, 自然強化左佢地對M記的鍾意, 呢種鍾意並不是真的
我個人認為香港的m記廣告, 除左開心樂園餐的廣告, 其餘的大都反而針對年青人, 比起外國的廣告大量針量小朋友的廣告已經是小巫見大巫
香港的M記廣告之所以無大量針對小朋友, 是因為小朋友唔洗廣告洗腦, 俾俾阿爸阿媽同同學仔洗腦, 自自然然已鍾意M記, 仲洗乜廣告
唔似外國, 有衛道之士不停話M記係junk food, 又有不少人選擇告M記等去喚醒市民, 香港並沒有這樣的意識, 而且大家都覺得小朋友應該鍾意M記而強化了小朋友鍾意M記的意識
我覺得香港小朋友咁鍾意M記, 係社會造成的
lala,
我認識的人裹便,基本全部都不會同佢地個ｄ小朋友去ｍ記，而且更加唔會覺得小朋友"應該"鍾意M記，因為佢地都不斷灌輸緊正確的飲食知識給小朋友！
當然這些只是大家生活圏子不同而已，但就算父母唔俾佢地去，ｄ細路"tum"地都要去的情況你都見唔少啦，咁又點可以話係大人強化佢地呢！
Ｍ記嗰個搖籃ｂｂ廣告，根本就係從潛意識漸漸把小朋友洗腦，可惜找不到條ｌｉｎｋ來給大家再睇一次！
lala,
D麥記精品（snoopy,hello kitty etc)雖然大人細路都啱，但是最終都是以小朋友做目標,呢種marketing target point都十分明顯了．從小灌輸洗腦這種Adv.手法係美國一早大行其道，其實香港都用緊，只不過大家唔留意而已！
M記幾好吖, 其實佢地個企業宣傳真係好成功, 我由細食到大, 講真我有小朋友都會帶佢去食law...鍾唔鍾意就佢自己決定喇..
我都好鍾意食...所以搞到肥肥law...哈哈
XDDDDDDDDDDDDDDDDDDDDDDDDDDDDDDD
大b哥.
重係度推波助瀾，比你激死！ :E
我念你都係自小中了Ｍ記Ｄ廣告毒呢！
你要繼續喎，做個大肥Ｂ哥啦！
wahaha...又有討論 lor...
我覺得呢, freshdesigner同lala的見解都o岩既...因為小朋友點會話無理啦腎就鐘意M's 丫... 都係因為傳媒同成年人的教化啦...
作為家長, 一定唔會話教小朋友成日去m's啦...小朋友第一次認識m's, 好大可能就係睇電視: "點解開心樂園餐咁開心？咪就係..." 又玩具又有得食...小朋友就鐘意啦... 之後, 大人見小朋友鐘意m's, 好多都不自覺去用m's 做incentives! E.g. 乖就去m's, 考試高分又去m's...慢慢小朋友就覺得係好野啦...
總之...成個過程, 小朋友都係被動的. 而成人好多時不自覺強化左傳媒帶出來的msg !!
btw, 如果你地留意到, m's開始有少少轉型...(睇裝修就知)以前target只係小朋友, 而家係年青人, mcafe出現, 更加係...針對2x歲人士...
pegpeg,
都對呀，沒有東西是由單一因素形成的！
但我個人就不太喜歡ｍ記：
１）整體來說，食物不健康．
２）苛刻工資，１８元１小時，太離譜了！
３）反對大集團控制經濟，握殺小商戶．
４）以少量金錢做慈善活動以掩飾自己謀取暴利！
５）以大量金錢賣廣告來把市民洗腦，從而達到控制一般人的飲食習慣．（大ｂ哥就是受害者之一了）
嗯嗯..其實都唔可以話受害既...我想食, 佢又比到我...各有所需...好老實, M記/快餐係junk food, D 中式野咪又係味精..外面食野都係多油多鹽...現代城市人想食得健康就要自己煮嚕~~ XDDDDDDDD
大b哥,
咁你地要多d煮飯仔啦! :-)
發佈留言