少年的夢想．．．

記得中小學時,好多同學都十分崇尚名牌,那時大家流行一些順口溜:

A for Addidas, B for 巴你, C for 卡利，D for ｄ呀多la, E for ...(嗰時都唔知自己唱物？）

載表要載勞力士，著衫要著POLO先係有型仕，著鞋一定要係Yasaki...(後來哽係轉左叫Nike啦！)

坐車要係坐Benz.如果唔係唔知去邊”樹”！

小時自己屋企十分窮（而家都係），細個都係著白飯魚多，波鞋簡直諗都唔洗諗呀！見到同學仔有對Addidas，恨到流哂口水，叫亞媽買對，結果俾佢打鑊金嘅，重要俾佢閙”你百萬未開頭呀！”
嗰時哽係唔明白啦，憎到佢死，搞到去同學仔嘅生日會都要著住對老土到爆嘅青蜓牌白布鞋，鬼死咁無face!
後來自己細細個學人做暑期工，儲到少少錢，立刻走去買對Yasaki,雖然cheap cheap地，都算係有個牌子名呀，點都好過大陸嘅青蜓牌，嗰陣開心到飛起！成日著住，懶威咁！
不過自從買左對Yasaki後，嗰種名牌心態就慢慢消失哂，覺得所謂名牌都係不外如是，無物特別！
所以後來ｄ什麼NIKE熱...對我來說一點影響都無！老實講，今時今日，我從來没有買過一對Nike，成千銀對，要我買？慘過切我塊肉呀，我不如食左佢好過囉！

ｐｓ：此篇是經其他blog友的”寫給自己童年的信”所引動的!