自討苦吃

呢篇好可能會得罪某人,諗左好耐寫唔寫好,但係唔寫又唔舒服,最後維持原則,不吐不快.其他人看了不要對號入坐,如果他/她看了（好彩我呢個blog都未入過佢法眼）,就請多多原諒了!

看(他/她)的blog已有一兩個月,知道佢個blog都幾多人睇,而且係blog-you榜入便長期有排名,但我個人就不太喜歡(他/她)寫的內容,因為佢寫十篇有八篇都係鬧人愚蠢和唔用腦(只是未有直接用這些詞句),好似呢世界淨係得佢一個人有腦咁. 講真,睇左咁耐又唔係好覺佢好醒,淨係日日見佢係度鬧公司d同事和上司,重成日強調自己係咁架啦,人地唔明就算,懶有自我，我話佢係患有”自我中心超級澎漲症候群”就真，成日目空一切，什麼都聽不進耳，應該去睇下心理醫生啦！

咁你又成日去睇？係呀，我衰八掛囉，不過近排都去少左好多，一星期都去唔到一次，而且應該唔會再去了．本來人家有人家寫，河水不犯井水，關你屁事咩！但是最慘係佢重話自己不時會參加什麼ｘｘ班，好似話可以舒緩身心，減輕壓力喎，次次去完重話好有得着，但又唔多覺，咪又係日日鬧人睇低人，不知所謂，可憐！

其實最有問題係佢嗰種自我中心主義，成日選擇性咁睇野，聽野和接受資訊，所有不合佢邏輯嘅東西都唔入佢法眼法耳，但係事後往往話人地get唔到佢嘅meaning，又話俾人搞到好勞氣，好無意思！其實係佢自築城牆，封閉自己不與人溝通而已，get唔到嗰個係佢自己呀，自討苦吃！

另外我最後想講聲，唔該唔好將呢ｄ心態經驗結集出書，因為這是一種精神污染，呢個世界已經有好多旣灰但又好自我自私嘅人啦，貇請高抬貴手，放過大家．重有唔該快ｄ去睇睇醫生，你好明顯已經染上都市心理病！

PS:今次自討苦吃嗰個可能係我自己，寫得咁直，我死緊了！