早茶的幽默！

我:"頭先搭枱嗰個男人唔錯喎!"

老媽:"點唔錯?"

我:"叫盅棷汁雪蛤俾佢亞媽時,都叫多盅俾個賓賓喎,對個賓賓又唔該前唔該後,算係咁啦!"

老媽:"咁又係,不過好多香港人好衰格架,對d菲傭又打又鬧架!"

我:"唏，有ｄ賓賓好懶架，又偷食唔做野，你無聽過早排有個賓賓偷食左佢事頭下午茶個麵包同ｄ龍眼咩?"

老媽:"啊！你講嗰單．重好講，嗰個事頭都唔係人來嫁，一ｄ早餐都唔俾個菲傭食呀，個菲傭無野食點做野呀，想餓死人咩？餓過頭．食佢幾粒龍眼都唔洗又鬧又打架，當人唔係人咩！好心佢啦,幾蚊個麵包都唔捨得就咪請菲傭啦！呢ｄ人俾屎餵啦!"

我:"真定假架？"

老媽:"直情好似我細個時咁呀，幾百個銅板買個妹仔返來用到盡，又打又鬧，做唔哂ｄ野無飯食架！呢ｄ咁嘅香港人同以前ｄ人有咩野分別呀，唔俾屎餵，唔通請佢食九大簋咩！”

我:"咁又係!你幾時變得咁有見地架？"

老媽:"一向都係，你唔知啫！”

我:"（細細聲）喂！上次吐骨落地嗰亞婆同佢嗰個污糟亞仔坐係隔離枱呀!"

老媽:"大驚小怪，失禮人呀，你咪咁八掛啦！"

我:"．．．！”

PS:以上純屬真人真事，絶無老作！