發夢做鐵甲萬能俠！

偶然看到Josephine嘅被踢爆的夢,想起細個時發過一個好難忘嘅夢，就係發夢自己變成鐵甲萬能俠，唔單只有齊哂佢ｄ武器，警惡懲奸，仲可以係天空四處飛，開心到而家都記得呀！

其實細個好少發夢，或者應該係發左都唔記得，但係嗰次就記得好清楚，到而家都重記得部份畫面．一開始自己就變成個鐵甲萬能俠係天空飛，跟住見到地上有怪獸破壞地球，於是唔理三七二十一就飛落去丙佢啦，使出看家本領：
高熱火焰，　　（胸部Ｖ字發射的, 是最厲害的武器）
氣體硫酸，　　（口部發射的）
冰凍光線，　　（耳部發射的）
光子力熱線，　（由眼睛發射）
當然重有鐵甲飛拳啦，
打個班怪獸一扑一碌，有幾個仲俾我ｄ氣體硫酸溶到剩返一灘野喳，幾鬼開心呀！
唔知我呢種好打不平，豬事八卦嘅性格係唔係嗰時開始形成呢？
其實大個左，好多野都唔方便開口．奈於中國人那此各家自掃門前雪嘅想法，就算見到不少睇唔順眼嘅事情，都會時常叫自己咪咁多事八卦啦，唔係人人好似你咁睇法嫁，你去做"架両"咪棧係俾人鬧，久而久之就慢慢算數了，見到不公平或者有問題嘅人和事都事不關己，己不勞心！不過個心就好無癮了！

相關資料：懷舊卡通片開埸片段和歌曲，激讚！好耐以前介紹過，不過未必個個睇過，所以再推介一次！