以前覺得男仔梗係要幫女友俾啦,十幾歲有個女朋友仔幾威呀，
為左表現自己大個仔，
死人都唔俾個女仔出錢啦，
咁樣好無面架嗎，
但係又未識揾錢喎，
連豬仔錢箱都打爛埋充大頭鬼，
但係結果都係頂唔到幾耐，
最後次次都係齋行商場囉！
後尾大ｄ睇法又改變左，
覺得男女平等嗎！
唔係一定要男仔俾哂錢丫，
外國都係有AA制啦！
而且有些女仔重揾得多過我地ｄ男仔啦！
其實心裏想着的都是想慳錢而已．
諗下諗下又諗到ｄ縮骨橋，
如果係男女平等嘅，
不如一人一餐就可以啦，
但係每次食完叫埋單，
個店小二都係俾張單我，
如果叫佢找對面女友埋又真係好鬼瘀架，
結果都係自己埋左張單！
到左而家又唔同左諗法，
大家心中已經有左默契，
有時佢俾，有時我俾，
都没有刻意去分的了，
總之到埋單時自自然然就知的，
根本不用開口，
唔知呢ｄ係唔係叫心有靈犀呢！
15 則留言:
支持男女公平, 公一份婆一份, 你俾一餐我俾一餐,
家務就一齊做, 有咩o野都一齊分擔, 幾好呀!
Becky,
咁做梗係最好啦,
百分百支持呀!
有時佢俾，有時我俾，
都没有刻意去分的了
I think this is the best method ar, because AA制 just make the lover look like normal friend.
tofufa,
The feeling should be closer than normal friends.
嗯....你地太公平啦~~~~~
通常貴的, 我男友俾; 平的, 我會爭住俾!!!!
醒呀~~我!!!
以前多數男友付錢，因為他賺得多過我...
現在有家用...變成我付錢~~ 哈哈哈!!!
stella,
你都幾鬼『古惑』喎,
但相信你男友是樂於接受的! :)
nana,
出街食飯睇戲都係當家用一部份,
wow,咁份家出都幾多喎! :p
那你與女友出街是否都會AA制～～
支持AA, 不過有時睇住女友比$, 都好似好瘀...哈哈..大男人心態...
我覺得唔應該是男子俾晒...
好似你咁講, 有時佢俾, 有時我俾, 有默契的...
就算結左婚, 我地都係每人出d expenses..
其實又唔係話公平唔公平, 兩個人一齊, 係講一同承擔的！各方面都係！
carrie,
以前我俾,而家就AA囉!
大b哥,
我都係咁覺得,但係如果每個月有幾皮嘢做家用,咁就點都唔覺得瘀囉,不過睇怕我都幾難了!
pegpeg.
如困個個女仔都係咁諗就好囉! :)
一齊生活，我地會每月一起放錢落個pool度，用ｏ黎俾所有生活開支，完來生活費真係好貴ka．出去食飯，同你一樣，一時我俾，一時佢俾，咁樣幾好呀！唔需要好似老外咁餐餐計得咁清，身邊人嘛．
依個問題係朋友中都討厭左好耐
講來講去同你講既都是一樣
最後得出既結論都係AA..
但有時就你俾下我俾下咁lor.
但我識得一d女仔真係覺得要男仔俾
無論對方有無做野
bbj,
你們個system都幾好喎.
我都係咁話,兩個人係一齊無得計嘅,
要計就無意思啦!
yanyan,
嗰女仔真古板,
如果唔係就係貪飲貪食了!
熱鬥小琪,
大b哥真係幸福到痺!
個個女仔好似你咁,我地d男仔就開心到死囉!
發佈留言