兩雌相遇記

明明兩個人互相憎恨對方,
但偶然相遇時都可以笑着向對方問好,
人,真是一樣好神奇的動物！

甲女:『嗰個阿乙佢豬事八卦,正臭八婆,又喜歡講人是非,為人衰衰格格,佢有次重係我背後唱我添呀,重有呀.....(下删五千字)....你話係唔係佢唔啱丫?你唔好俾我見到佢呀,如果唔係我實鬧佢餐勁呀!』

乙女:『嗰個x八婆阿甲,佢最鬼死陰濕,陰啲陰啲咁係度誹謗我呀,明明係自己唔啱做錯嘢,重係度話人,賤格到無人有.呢,嗰次....(又下删六千字)...你話我有無講錯佢丫,俾我見到佢呀,我一定唔會放過佢呀!』

有一日，好不幸,佢地真係狹路相逢,唔通今次真係會世界末日,我好驚呀~~~~~
甲女:『喂,阿乙好耐無見囉,好卦住你呀,你最近好嗎?』

乙女:『阿甲,我都好卦住你呀,我地都好耐無見,你又靚左喎!』

甲女:『係咩!你都係咁靚喎,得閑一齊飲茶丫,等我地可以聚一聚嘛!』

乙女:『好丫,我都好想同你聚下舊,找日一齊飲茶啦,到時再講啦．』

甲女:『好啦，我有事要走先,下次講啦,再見！』

PS:佢地全程對話都係笑笑口咁講的，而且重捉住對方隻手，好似談心咁，真係好戲到爆，做明星實攞最佳女主角！