加入寫Blog生涯己半年有多，
除了在自己Blog內發發牢騷外，
逛別人的blog就如看話劇一樣,
因為從中可以見到不同人的生活,
又可以見到不同人的人生觀,
有喜有悲,有平淡的,有多姿多彩的,
總是五花八門,使人目不暇給,
或者在別人自己眼中又不外如是,
没有什麼特別,生活又是一樣的過!
但看到不同人的生活點滴，
在自己眼裏就總覺得是特別的．
逛blog又好似讓我多活了數次,
不理是真是假,是喜是怒是哀是樂,
她總在你眼前展示另一個人的世界,
讓你從中感受一下別人的生活片斷,
悲歡離合,驚喜交雜濃縮於瞬間的文字裏,
這一切都是在寫blog前從未感受過,
雖然大家各不相識，就連一面都未曾見過，
但blog內的一切是來得十分生活化和人性化，
對於我來說己是一種奇妙的衝擊和感受！
9 則留言:
我覺得blog仲可以用來關心朋友
特別我依d成日懶得打俾fds既人
睇佢地個blog就可以知佢地發生咩事啦
哈~ 做乜忽然感慨~?
記得我初初寫個網站黎寫文章時, 果時個網路風氣都只係人人整緊D大堆頭既個人網站
無乜人會好似而家寫blog咁寫, 所以都睇唔到幾多生活點滴... 無而家咁熱鬧囉~
yanyan,
可惜我身邊無個fd喜歡寫blog,
不過如果佢地寫,我又可能會寫得『閘住閘住』咁,無而家咁隨心所欱了!
Oscar,
其實而家都有人係做大堆頭blog的,
不過多左人寫,所以就多種類了,
有d人寫blog想賺錢,
有d人寫blog想愈多人想愈好,
我都想多d人來吓,
但係又唔想做到好似『市場導向』咁,
又唔想千方百計諗d係search engine容易找到的標題,
咁樣做好辛苦,
都係輕輕鬆鬆咁好d!
ps:哩幾日落雨嘛,人就會感性d啦! :p
我只是覺得睇人家的blog令我眼界大開，從自己的框框走出來！發覺自己知道的事實在太少了．．．．
唔覺唔覺自己都寫咗好耐blog, 不知不覺個blog變成我一個幾重要嘅私人氣間...
bbj,
我都好有同感啊! :)
pinocchio,
我都是在這個blog的世界中一步步的向前走着! :)
我寫blog都有年多了, 最初寫是因為生了一場大病在家休養, 無事好做就在網上逛逛逛, 看到別人的blog好像好好玩, 又可以養blog pet, 覺得好可愛就寫了^__^ 在此之前我的工活只有工作, blog這東西聽都沒聽過!
中間經歷過很多, 試過有人不認同你寫的就在興風作浪, 也有人因為我當時的男友是外國人就寫一些很難聽甚至有些淫穢的話! 亦試過有人在我的blog攪事, 說什麼我男友跟其她女人鬼混什麼的, 她對他很了解, 他們有過一手之類的! 可惜我check出對方的ip code, 竟然是一個一直在blog裡主動接近我, 又不停說好想跟我交朋友的已婚婦人! 她用不同的名字留言就以我不會知道是她嗎? 真可笑! 也試過在世界盃期間有朋友在我的blog展開罵戰! 現在回想起來, 其實都幾好笑~
對我來說寫blog的最大得着是籍着blog認識了很多朋友, 特別是好朋友nana! 我從來沒想過會認識網絡上的人, 而且還成為好朋友!
anmary,
我都不想有類似以上的事情發生在自己blog,
所以我是絶少直接說出太私人的事情,
相片就更加不想,
我唔想有日在毫無心理預備下,
在街上給陌生人叫我的blog名,
這個我接受唔到.
如果有人在我的blog內對駡,
我會請他們離去,
再唔係就block左佢地,
生活己經多煩惱,
唔想有d咁嘅人係度添煩添憂!
hahaha!!! 沒錯! 人生已經夠煩了, 還要應付這些人和事會很累吧!
不過我是個不會理會別人眼光的人, blog是我的, 我想寫什麼都可以, 只要不涉及人身攻擊, 不犯法, 不發放不道德的東西便可! 所以在發生以上事件後仍然我行我素的寫寫寫!
不過我在貼照片前會先詢問過對方, 朋友也不介意我才會po的, 始終你覺得沒所謂的事不代表別人也覺得無問題的!
對我來說, blog是我的生活體驗日誌^_^
發佈留言