這個星期右上方的大牙成日酸酸麻麻,
初時十分怕是蛀牙,
但自己檢查過又好像不是,
但係那酸麻的感覺又間歇的發作,
我估計可能是牙齒敏感居多.
其實我咁大個人除左洗牙外,
從未曾幫襯過牙醫,
自問一向都十分注意牙齒衛生,
每晚都刷牙,用牙線再加上洗牙石潄口水,
真是什麼都用齊.
而且自己又好少咀嚼堅硬的食物和糖果,
每次食完東西又用清水潄口,
照理是不會這樣就蝕牙的,
但是為了安全起見,
過兩天都是要去洗牙,
順道叫醫生檢查一下,
其實我都好怕睇牙醫,
至怕係佢地高昂嘅收費,
聽人講補隻牙要成千蚊,
真係切左我塊肉好過啦,
希望醫生話俾我知只係牙齒敏感啦!
4 則留言:
好明顯你朋友嚇你啦！
補牙貴極都係三兩百一隻，
杜牙根先會貴，不過始終最好
係乜事都無，不過每隔一段時
間都要洗下牙既。
coobe,
可能係我搞亂左補牙同杜牙根嘅價錢囉,
其實我都慒查查唔知什麼是杜牙根?
因為我從來都無面對過牙齒問題! :(
每晚用牙線再加上洗牙石潄口水<--I don't think I can do that every night:( lazy fa~
tofufa,
習慣左就得架啦,
有時聽見d人講d脫牙嘅恐怖情況,
我就情願平時勤力d,
唔係到蛀牙時就後悔囉!
發佈留言