大部份做生意的人都要面子,
這間藥材舖老闆就好老實,
我好喜歡那句『生意失敗』,『無錢交租』,
簡直是『拿高件衫被人睇肚臍』,
完全認哂低威求你幫襯,
雖然可能是宣傳手法,
但點都好過那些執粒唔俾遣散費嘅酒樓老闆,
轉頭換個名又請返原來嘅員工來開新店啦!
講開又講,香港這兩三年嘅舖租真是升得好厲害,
聽講旺角銅鑼灣一帶的舖租勁升幾倍,
一舖在手,就好似有一隻生金蛋嘅雞,
真係打斷雙腳都唔洗憂,
但係那些做生意嘅人就慘囉，
收入中30-40%都用來交租,
唔怪愈來愈多人開舖,
但係又愈來愈多人執笠了,
如果那些舖主再是這樣加租下去,
遲早會搞到兩敗俱傷,
到時大家都無著數了!
沒有留言:
發佈留言