龍劍飛都死埋囉!

細個因為住山邊木屋無電供應,
所以從未看過『如來神掌』這套粵語長片,
後來搬左出九龍才有機會一看,
點知一看就好似上左癮咁樣,
我最喜歡看神神怪怪嘅電影,
尤其係那些『烏温温』嘅飛劍粵語長片，
而最瘋狂喜愛的要算是『如來神掌』了，
一狂雙姬三絶掌,
如來神掌火雲邪神,
無定飛環孫碧玲,
無敵飛鈴柳飄飄,
那有巨大無比嘅『天殘腳』呀,
次次睇親都笑到碌地呀,
雖然係重播又重播,
而且啲特技同現在又無得比,
但是每次都睇到如痴如醉.
如今七旋斬高佬泉死了,
新七旋斬關海山都死埋,
就連主角龍劍飛前幾日都無埋,
好彩重有天殘腳石堅健在,
唔知女主角于素秋重係唔係度呢?
我諗我都係忍唔住會走去買返套『如來神掌』VCD來懷念下囉!