噚晚十點幾經過百佳諗住買啲雪條食,
嘩~~~多人到嚇死我呀!
好多師奶帶埋一家大細黎掃貨呀,
個個堆到成架手推車都係曲奇餅,瑞士糖,朱古力,蛋卷......
好似唔洗錢咁狂買,
門口嗰個包裝處重多人呀,
個個都十幾廿盒要包,
人龍長到出門口,
唉~~~你話幾無謂,
佢地買埋買埋都係用來送禮,
啲禮物又高脂又甜又無益,
老人家食左重唔快啲X咩,
新鮮媽話喎:
『送禮一定要重,咁人地先至唔會覺得你寒酸呀!』
唔食嘅咪又係原封不動咁送返俾人,
隨時有機會收返自己送出嘅禮物呀,
這些就係中國人嘅禮數啦,
旣不利己又不利人,
浪費包裝紙之餘,
而且又唔環保,
攞黎搞啦!
6 則留言:
我都覺得好無謂，但係去人屋企拜年，
唔做又唔得。
coobe,
送生果啦,
起碼有益啲嘛!
其實,拜年送野,都係俾個心意,野唔洗貴,什至可以唔洗包裝,唔洗怕寒酸,正所謂"千里送鵝毛,物輕情意重",所以.....
我拜年咩都無帶,人地就送野俾我,其實是我不大方 @.@
wutkwo00,
中國人講面子,
好多人都係送『面子』，
唔係送禮呀！
haha, 無計，習俗係要送禮，如果上左年紀，我會買麵等東西
我朋友都話佢買禮會買米呀，紙巾咁，好實用，haha
lala,
送米?
真係未聽過喎,
不過都好過送埋啲糖果!
發佈留言