自由行的夢

噚晚發左個好古怪嘅夢,
好久以前我家係大埔半山有間屋仔,
我們都好少回去的,
只是過年過節或者打大風才回去住下,
噚晚發夢我自己一個人回去,
見到有兩女一男偷偷地入左去住,
於是我入去同佢地講住唔係問題,
但係唔好整到週圍污糟哂就得了,
個女嘅就話唔好意思,
只是新年從內地來玩揾唔到地方住,
佢地住幾日就走架啦,
重話走時一定搞返掂先走,
個男人個樣就係典型嘅自由行但無出聲,
點知我擰轉面見到我老頭子張大頭相變左佢個樣,
於是我就火都黎埋話有無搞錯呀，
連我老豆張車頭相都玩，
你地有無過份啲呀，
個女嘅就好唔好意思咁，
但係個男嘅就寸寸咁話佢見到張相訓唔着喎，
真係不知所謂呀，
偷入人地屋重連人地張相都搞埋，
你地想點呀，
唔係要我報警呀？

哩幾日可能係街上見到多自由行，
唔知係唔係就咁發啲咁嘅怪夢，
我自己對自由行真係有啲唔喜歡的，
因為有啲真係好自私好無敎養，
但我都見過有啲又勤力又有禮貎嘅，
不過總體都係無禮貎嘅多少少啊，
有時見到都好心痛，
自鄧小平大力發展經濟後，
內地個個都向錢看，
唔理用什麼方法，
只要有錢賺就得，
所以至有什麼孔雀鍚綠，蘇丹紅嘅出現，
如果有錢賺就盡失人性，
我寧願祖國好似以前咁窮好過了，
得到經濟改善，
但係賺來一個臭絶嘅駡名又何必呢？？？