亞洲電視遲早完

亞洲電視將會結束藝員部,
部份藝員轉做月薪制,
另一些則轉往子公司的制作部,
其餘没有有安排的就會加入失業大軍了!

亞視這樣的安排好明顯是為了節省營運成本,
咁做係就係可以減少支出整靚盆數,
但係只怕會使到她陷入更難翻身的地步,
觀乎以往亞視能抗衡無線的例子,
多數都是出於自己制作的節目和劇集,
好似『我和疆屍有個約會』,『尋找他鄉的故事』等等,
其實都是很有吸引的佳作,
亦都曾經直接影響無線變陣迎戰,
無奈今次亞視行政總裁陳永棋自斷雙臂,
解散藝員部裁減員工,
把己經買少見少的自製劇集減至最少,
全數買入一些悶到嘔嘅中韓劇集充斥時間,
其實自從上度老闆封小平入主後,
亞視就愈來愈似一個內地電視台,
不單大量購入一些內地劇集,
就連廣告都全部大陸化,
什麼華南鋼鐵呀,腦輕鬆呀,娃娃飲料呀,
睇到我一頭霧水,
搞到個台落後兼老土,
唔知還以為返左大陸添呀,
而家播嗰套什麼『福星遊龍二王爺』都唔知係物哩嘅,
再係咁搞落去你話亞視唔提早玩完都唔得啦!

今次陳永棋咁樣整靚盆數,
我估佢都係諗住遲啲可以賣個好價錢多啲架啦,
佢咁做根本唔係想亞視會有什麼好發展,
睇黎亞視都好難有翻身之日了,
各位亞視員工真係要自求多福囉,
因為遲啲可能又要轉老闆啦!