今日係情人節,
亦係年青男女覺得好重要嘅節日,
送花,送禮物,送朱古力,食情人餐等等,
今日唔做哩啲嘢好似係犯重罪咁,
如果做男人無物表示,
做女人嗰個一定口黑面黑,
相反,做女人嗰個又一定會買啲嘢俾個男人,
咁又梗係諗住嗰男友一定會禮上往來啦,
如果無你就死梗啦!
一束九十九朵嘅『濃情玫瑰』要$4,800,
一餐浪漫情人套餐要$1,200,
再加上至少幾百元嘅情人禮物,
一日就要洗六七千大元,
就算有錢都唔好咁洗啦,
全部中哂啲商人嘅宣傳技倆!
出街食飯又係咁,
明明一個星期都食幾次啦,
點解係都要係今日出街俾人『斬』喎,
浪漫啲?我話係儍瓜先啱呀!
要浪漫嘅,日日都可以啦,
食白麵包都可以好好味架,
如果你『條』女咁就嬲左你,
我提意你飛左佢啦,
叫佢去揾個百萬未開頭嘅二世祖吧,
因為佢根本無為過大家嘅將來着想,
簡直係洗腳唔抺腳呀,
要浪漫唔係咁嘅,
坐係海邊,咬住漢堡飽睇日落都好浪漫架,係咪?
15 則留言:
其實情人節真係一個好無謂既節日，慶祝乜野?情人?定係St. Valentine死忌? 如果係表達對對方既愛意, 我一年剩低既364日都做左啦, 駛乜選情人節?
"如果你『條』女咁就嬲左你,
我提意你飛左佢啦"
舉腳贊成！我都成日同D老友咁講架。咁唔識諗嘅，第日點同佢做人世呀！
喂..... 我都係女人, 但我絕對唔係講到咁喎... 你唔好講到啲女人好似好麻煩好衰咁至得架....
不過我又係一個對節日唔多上心嘅人... 平時對我好會唔會好過只係情人節先嚟對我好呢? 而且我亦唔覺得要專登安排咩架! 最好返屋企食, 唔駛迫又唔駛俾人"鋸", 幾好呀~! 不過禮物就點都會送嘅... 平時都會送吓啲小禮物俾對方, 果日就會送啲貴少少咁囉~
大雄,xiao,
大家果然係同聲同氣，哈哈～～～～
anmary,
我只係講那些不識諗的人啊,
你肯定唔係其中一個,
千奇唔好誤會呀!
ps:你都中左啲廣告毒喎,情人節點解要送貴少少呢? 點解要用金錢來做個標準呢?
自己用手做嘅泥公仔得唔得呢?
haha!!! 因為我平時都已經會成日送啲小禮物俾對方囉! 特別日子我就會送啲平時對方鍾意又唔捨得買(我都唔捨得買~)嘅野囉! 不過同我拍拖, 除非我好愛你, 否則好難收到手作仔的, 因為我係手作仔白痴:p 最怕整呢啲野... 不過就煮得一手架~ 所以就煮餐好嘅搭夠啦~
我跟住要講嘅嘢可能又會得罪好多女士ge la。先旨聲明，我都係女人。我突然間諗，好多人會話唔介意，唔駛特別送花、送禮物，唔駛特別慶祝，其實個心係好想架。其實應該好多男人都知道架喇。點都好，正面D睇，都係情趣黎嘅。總之你情我願就冇問題喇。
btw，多謝新鮮兄畀面咁得閒摷我D舊posts嚟睇。我都喺嗰邊回應咗，不過in case你唔得閒再睇番，所以喺呢度say thx :)
=>最好返屋企食, 唔駛迫又唔駛俾人"鋸"!!
對~ 在家吃飯最好~~~ 今晚我煮!!!
新鮮仔...你真的不重要這天?? 新鮮嫂肯放過你???
anmary,
煮到一手好菜都好好呀,
因為係用過心來煮嘛,
如果無心,鬼煮俾你食咩,
所以己經會係一份好好嘅禮物啦! :)
xiao,
我初初都以為你係男仔添,
如果個個都好似你咁諗,
咁男仕就幸福囉!
唔多謝,我見到有趣嘅舊文就講兩句啫!
nana,
我無買禮物呀,
只是煮餐佢喜歡嘅嘢俾佢食囉,
好用heart架,
有心又實際嘛,
好過花埋啲無謂錢啦! :p
百萬未開頭 is not qualified to be 二世祖, even it's US$.
ruth,
你都幾有幽默感啊! :p
寧教人打仔,莫教人分妻呀~~
你o甘講姐係你咩都冇表示,你女友見到你都開心到死啦~~
其實有時女人唔係話要貪d咩,係女人都鐘意情趣o家啦,如果一個男人連小小情趣或哄你開心都唔願付出一下,o甘你個男人死得啦,唔係話要花要禮物要食大餐個女人就唔唸將來,就要OUT O既，點解又唔掉頭唸下呢，情人節一年一次，可以一起過係一種緣份，哄下人開心唔洗死姐！男人無表示，女人黑面正常啦～～
kay,
多謝來訪呀! :)
我唔係話無表示,
我嘅意思係唔須要用昂貴嘅金錢才可以表逹愛意而已!
好似我最後嗰句咁話,
一齊係海邊食包睇日落都可以好浪漫架,
又或者係親手做個泥公仔俾佢都好有heart喎,
如果嗰女仔咁用心嘅嘢(或者其它類似的方法)佢都唔受,只是要一些人人都做人人都去嘅情人節貴貴套餐,要千幾二千蚊嘅鮮花先叫浪漫嘅,咁我就唔多欣賞了,你話係唔係?
就好似煮餐飯俾佢食唔係有心過出街食咩?
就算唔好食都心甜啦,
你將來都唔想要一個淨識用錢黎逗你,
但係重來都唔幫手做家務嘅大爺架!
哈哈！我都覺得有心意就已經最好，用
錢買的沒有難道，誠意和心意是很重要！
coobe,
我都同意呀! :)
發佈留言