2007年3月11日

貓叫春!


我要強烈咁向住喺我屋企四週嘅貓作出警告,
你地班嘢哩幾晚係咁死又嘈又叫,
你們係唔係想死吖?
晚晚係都貓刮咁叫,
雖然春天到啫,
但係你地都要檢討下,
求偶都有個舖架?
點可以嘈到人地無得訓架?
再係咁,信唔信我剦哂你地呀?
等你地變哂鄧家雞吖喇,
到時你地唔好後悔呀,
我講真架!

18 則留言:

匿名 說...

嘩,你好惡死呀)))))

匿名 說...

手快快click左添,都未講完。你好惡死呀))))))不過都想像到成晚畀啲貓嘈住就真係好燥嘅。我試過喺村住嘅時候,朝朝未天光已經畀啲雞啼聲同雀仔聲嘈醒,好鬼慘!!

xiao

Oscar 說...

我都聽過貓叫春D聲, 三更半夜有D陰森架~
不過乜野係"鄧家雞"??

新鮮人 說...

xiao,
又未病好,
又無敎好訓,
又唔只係一晚,
係我樓下嘈到死,
我忍佢地好耐架喇,
揾水淋佢地都唔走,
重要眼照照當我無到,
你燥唔燥吖! =p

oscar,
鄧家人養啲雞囉,
見水唔飲得嘛,
得個睇字囉! ^0^

匿名 說...

你揾水淋啲貓會唔會畀人話你虐畜架?你要小心啲喎!咁通常啲貓叫春有冇話幾耐架?總唔會晚晚都叫啩?

xiao

新鮮人 說...

xiao,
佢告我?
我估佢就真,
我告佢虐人呀,
早前回暖叫過成個禮拜架喇,
後尾冷返就無左,
哩兩日開始暖喇又黎過,
我住二樓架,
隔晚咁叫,點死呀,
我xyz埋佢主人添呀,
咁無公德心,
一早就應該帶隻貓去獸醫度搞掂佢啦!
咁自私,有物知格學人養貓呀??
sorry,燥左少少添,
係火滾吖嘛! =p

匿名 說...

唔駛sorry,唔怪得你咁火滾嘅。其實我想講sorry就真,我一路睇,覺得你真係好慘,但係又覺得你寫得好好笑。唔好意思呀!:P

哈,究竟有冇得去邊度投訴呢?

xiao

新鮮人 說...

xiao,
都係嘔吓泥啫,
舒服啲嘛,
好難投訴囉,
差人黎到啲貓又未必叫喎,
好難入佢罪,
個主人唔認又吹佢唔脹,
你話點搞,
一於捉到就剦左佢啦!
我講個主人喎! 哈哈~~~~

匿名 說...

諗諗吓都係有啲唔"份"氣,我會試吓去問吓,睇吓係唔係真係冇得搞。

xiao

bbj 說...

你有否想過現在春天呀,人地係度叫春呀...

bbj 說...

被佢叫吓啦....哈哈

新鮮人 說...

xiao,
果然有原則,
有答案話我知! =)

bbj,
叫到人地訓唔到,
咁點搞呀??

啊澤 說...

請愛惜貓兒...

如果唔係...




嬲記三文治會唔開心... =(

新鮮人 說...

嬲記,
對於乖嘅貓仔我會覺得好可愛,
但係對啲咸濕又嘈吵嘅衰貓,
我會好好咁敎訓下架! =p

匿名 說...

我問過一個警察朋友,佢話原則上喺晚上11點之後,如果有噪音係可以投訴嘅。當然個隻貓係真係有人養而唔係街上啲流浪貓。如果佢真係成晚叫嘅,你可以打去就近警署嘅報案室,你可以唔留自己電話、姓名,只講係邊座大廈,當然如果知道隻貓喺邊個單位就梗係講埋喇,警察有責任去查嘅。

朋友教打去報案室而唔打去三條九係避免追查到你嘅電話喎,佢話諗你都係唔想出面架喇。

任務完成!Yeah!

話時話,呢兩晚啲貓仲有冇叫呀?

xiao

新鮮人 說...

xiao,
唉~~
噚晚二點幾有兩隻貓係樓下爭地盤,貓刮咁嘈,
兩隻嘢互啤幾分鐘,差啲大打出手,我一個火機掉過去都無理我,要我再掉第二個先慢慢開.
真係把幾火,你話會有人告我都係咁做架喇! :E

匿名 說...

哈哈,咁你總共有幾多個火機呀? 如果今晚又嘈仲有咩可以掉落去呀?我驚就算唔畀人告你虐畜都會告你高空擲物喎? 咁點算呀?-____-

xiao

新鮮人 說...

xiao,
哈哈~~~~咁又係喎! ^0^