2007年3月25日

得個『睇』字!


如無記錯今日係行政長官選舉的日子,
這麼大的日子都會記不起?
是啊,我都不覺得政府有太多的宣傳,
而且在政府的網頁裏都只有少量的介詔,
無它嘅,因為你同我都無權選囉,
全香港得795個人有得選,
政府都係想慳啲錢,
做咁多宣傳咪浪費囉!

老實講,
如果俾我選我都係會選煲呔曾,
唔係覺得佢做得好好,
只是以行政經驗同與中央的關係而言,
我都會覺得佢會好過袋巾梁,
但係問題係點解得嗰七百幾人有權喎?
點解佢地有特權喎?
啲人成日話香港嘅政治環境未成熟,
你唔俾我地去實習吓,
咁一世都唔會識架啦,
無得試就無人有興趣,
你俾啲機會人地學吓都好吖,
我地個個都係愛國架,
我熟讀中國五千年歷史架,
我好肯定我係炎皇子孫架,
但係無一個由我地自己選舉出黎嘅特首,
咁咪起唔到互相監察制衡嘅作用囉,
你睇下班地產佬幾惡呀,
佢講一聲就要聽,
我地講一百次都無人理呀,
咁樣選出黎嘅特首,
你叫我地點服氣吖??

5 則留言:

匿名 說...

睇都費事睇呀!

xiao

匿名 說...

唓..都明知係曾蔭權贏,睇嚟都嘥氣.

新鮮人 說...

xiao,pigbon,
哈哈~~果然係典型嘅香港人! =p

bbj 說...

不過有時我又想,好似台灣咁一人一票選總統,咪又係攪到一鑊泡,所以唔係民主就一定係好,睇下印度就知.真係好講天時地利人和架!

新鮮人 說...

bbj,
我們都不是會立刻有直選,
只是希望慢慢一步一步咁走上去,
攪民主係有一定嘅難度,
但又不可以見到別人做不好而不去做嘛,
斬腳指避沙蟲又唔係方法,
只要有步驟的行落去,
終有一天可以逹到公平公正嘅一天嘅!