『教』你愛香港?!

今年回歸十週年,
近日電視日播夜播『愛港愛國』歌曲,
香港因為有你嘛!
其實以歌論歌都幾好聽,
只是中間加插咗一段子喉唱腔就有點格格不入,
不過點都好過早前那首異常露骨的『唱好基本法』啦!

今日又見到啲『左』派報紙鬧啲政府官員喺『港英餘孽』,
話佢哋推動愛國愛港嘅教育唔盡力,
淨喺識粉識太平,唱吓歌仔喎,
他們認為要做到愛國愛港就要由敎育開始,
要喺小學教材度大量滲入愛國思想,
這樣才會做到事半功倍喎!

唔知除咗喺教科書著手外,
洗唔洗好學內地咁寫大字報呢?
好似喺海隧門口啲大型廣告皮度大大個字寫着『三美五德』,
還有『港人要向雷峰同志學習』,『香港是先進文明單位』......
唔知咁樣做有幾多作用呢?
不過可能又會成為一個新嘅旅遊景觀喎.
其實歸屬感不是『教』出來的,
而是要發自內心的,
如何才會產生就要看祖國處理香港問題時的手法了!