人靠衣裝,
佛靠金裝,
好多人都會看衣著來把人分類,
穿得好啲就梗係著數啲,
西裝筆挺,
個個都以為你有料到,
著住啲佐丹佬,
人哋唔當你係麻甩佬無品味先至奇,
先敬羅衣後敬人係中國人嘅特色之一!
有些人就好喜歡買衫,
明明成櫃都係重要買,
舊年有啲都未著過又要掉,
一有新歀出就好自然會手痕,
我諗佢哋喜歡『買』嗰個過程多一點,
買完著唔哂都無物所謂!
另外有啲人就對時裝有自己嘅見解,
佢哋對服飾會有一定的認識,
每一季有什麼名牌新款都會了如指掌,
但係有認識又唔代表有品味,
人家係model梗係著物都靚,
自己唔理三七二十一就pat上身就未必好睇了.
有些人就好清楚自己嘅身形同style,
佢哋好識同自己揀定一定嘅服飾,
但係著來著去都係嗰種歀,
無物變化悶到暈,
所以間唔中大膽試吓新嘢先至有衝擊,
不過都要試得有技巧,
無謂五短身材重穿長裙啦,
唔係就會好似豬乸戴耳環,
笑死人!
講住咁多先,
唔係可能會被人扑濕個頭架,
請各位大哥大姐手下留情! ORZ
10 則留言:
邊個會鬧你呀? 你講得啱呀！
我係嗰種著來著去都係嗰種歀的人，我覺得衣服最重要舒服呀！簡簡單單咪得囉，攪咁多嘢仲咩！
xiao,
你唔知架啦,
我係有感而發,
可能有些人睇完會鬧我架! :p
bbj,
你覺得舒服就ok,
都無話點著先啱嘅,
個個人要求唔同嘛! :)
佐丹佬有什麽問題？
hanamaru,
有啲人覺佢cheap!
I wear only black. However, people do notice the different styles and the details.
我都覺得出去見人衣著很緊要，但係一定
要適合自己同場合，同怕人自暴其短，
又或者去燒野食之類會著裙同高跟鞋！
ruth,
你可以試吓唔好全黑吖,
黑中帶少少紅,白等,
咁樣有啲變化就效果更好喎!
近年我著衫一向都係黑藍白灰, 冇o架啦!
不過我會盡量襯多幾款出o黎咁囉.
其實就算上身一樣, 剩係長褲轉短裙,
對鞋由平底鞋轉做高跟鞋,
個style已經好唔同啦! 唔係太難o架咋!
我都好認同人o地model著得靚,
自己未必著得靚, 例如Chanel o的裙,
我著上身會好似細路女著阿媽o的衫咁.
becky,
如果個個識得好似你咁襯就好啦,
但係唔係個個識嘛,
有啲真係著得好難睇,
最慘喺佢哋重以為好靚,
睇完都都死! :)
發佈留言