近日無記播緊嗰套《學警出更》中規中矩,
都算是一套有誠意拍嘅肥皂劇,
但是我發覺而家有些人好喜歡捉人錯處,
今日睇報紙就見到啲人彈套劇好多穿崩,
例如:
1) 其中一幕關智斌的T-SHIRT有粗口字眼
2) 陶大宇將毛巾拋向後面的跑步機，但鏡頭一轉，毛巾不翼而飛
3) 鄧梓峰講解PTU的運作時，鏡頭一角不當眼處出現吊咪
其實全部都喺雞毛蒜皮,
根本對劇情毫無影響,
啲人咁都可以攞出黎批評一番,
真喺無嘢揾嘢做!
我又唔喺話套好掂,
但喺要批評嘅就講劇情,演員演技,
講埋哩啲嘢都無意思.
香港人好似愈黎愈識批評,
但喺閙親都無物重點,
專門揾啲濕碎嘢撩事鬥非,
好似首回歸廣告歌呀,
學校升唔升國旗呀,
360大風停駛要等呀,
李國章講多兩句又話人干涉自由....
大部份都喺無關痛癢嘅小事,
有些人好似無事做咁,
樣樣都要鬧一餐,
最好就小事化大,
搞到大大鑊要人揹飛就最好,
都唔知啲人想點!
6 則留言:
我覺得每套電視劇電影都係人哋花咗好多心機攪出嚟嘅, 冇功都有勞喇, 哋人除咗話嚟樣唔岩嗰樣唔好之外, 仲識咩啊? 咁叻你拍啊笨!!
點解成日淨係睇到人哋嘅短處, 唔識去欣賞人哋嘅長處呢?
正所謂聽故唔好駁故嘛, 啲人都冇興嘅.
jerry,
喺囉,喺囉,
啲人都無興嘅!
XDDDDD
PS:要批評都揾啲重要嘅嘢啦(演技...),評哩啲嘢都無意思嘛!
香港人越黎越中意小事化大係事實, 但其實劇集捉錯處o係外國一早已經有, 通常o係D劇集database都有人列出每集睇到既careless mistake.
D外國人唔會因為咁而彈套劇, 只會當係發現同記錄.
而且套劇都唔會因為呢D細雞野而影響質素, 係好就好, 係差就差.
以港劇黎講, 其實觀眾應該先著重劇情同演出, 等果D野ok後先執錯處都唔遲~
OSCAR,
但喺有啲香港人就調返轉頭做,
真喺笑死人! :P
嘩, 難得 d 人咁留意電視劇的細節, 真係好細心的電視迷喎....hahaha
若果將d 細心花在檢討自己身上, 相信有很大進步
lala,
你又講得啱喎,
個個喺咁諗就唔會咁多爭吵囉! :)
發佈留言