新鮮媽學人學太極,
由於同班嘅同學仔都己經學了差不多一年,
所以新鮮媽覺得自己落後好多,
為了追得上人家,
日哦夜哦叫我幫佢買套指定嘅大極VCD同部DVD機畀佢,
噚日下午就走去佢指定嘅體育用品中心買VCD,
跟手即刻去買埋部DVD機,
見到成夜晚七點幾鐘囉,
拿淋飛的返新鮮媽老家,
返到去快手腳SET好哂啲嘢,
SET完都成九點鐘了,
然後教埋新鮮媽點用部DVD機,
見佢對住部機喺咁係度大耍太極.
新鮮仔:『你對住部機,飯都唔洗食啦!』
新鮮媽:『喂,點樣SET慢動作架?』
新鮮仔:『咁...咁...咁...』
新鮮媽:『咁複雜架,無聲嘅?』
新鮮仔:『快慢動作都無聲架,你快啲食飯先啦,凍哂啦!』
新鮮媽:『得國語喳,咁我好難跟得上喎!』
新鮮仔:『你對住部大玩具得架啦,飯都唔洗食架啦!』
新鮮媽:『哦...哦...』
新鮮媽還是一路跟住電視耍太極一路玩緊得REMOTE,
新鮮仔:『咁我走啦~~~~』
新鮮媽:『BYE BYE~~』
新鮮仔:『哼~打完齋唔要和尚!』
新鮮媽:『你講物話...』
新鮮仔:『無嘢啦,BYE BYE~~』 -___-!
10 則留言:
我平時會寫埋貓紙俾我媽架, 咁佢就唔會唔識用囉~
She's so cute. Lucky you.
佢好似電視劇中"靚妹"呀, 哈哈!
我媽咪都係學人耍太極
連我都學埋一份,都幾好玩
估唔到太極啲動作咁慢,但玩完成身汗
新鮮(鱻)媽真係有趣,成日同你包抅頸!!haha
你媽媽真係好似細路女
大雄,
我有都寫架! :p
yuen,
咁佢又無咁潮,
有時喺個大細路囉! :)
mauricelam,
學太極好呀,
強身健體嘛!
coobe,
你講得好啱,
佢根本喺個大細路! :p
ruth,
有時佢都幾郎黎架,
不過我唔會嘢嘢就一哂佢,
如果佢唔啱,
我一樣唔畀面架,
咁就公平啲囉! :)
講規則幾多次都係無用架, 轉頭又會唔記得, 好似我咁, 劃埋圖喂按鈕,再寫步驟一步一步來, 佢睇得明張圖又曉得講返出來,咁就真係學曉既啦 ~
新鮮兄好孝順呀!
風子,
我覺得喺佢有無興趣最緊要,
新鮮媽佢都唔知幾有心想坃部DVD機,
今日重同我講佢自己學識哂啦,
根本唔洗我粗心呀!
寧靜,
考物鬼順呀,
佢哦咗我成個星期啦,
唔買畀佢實煩死我呀! :P
發佈留言