老媽語錄: 玩唔停

今日我先知新鮮媽真喺中咗毒,
話說我噚晚買咗架DVD機畀佢睇太極,
點知噚晚我走咗之後佢又繼續喺咁睇,
唔單止三扒兩撥就學識哂點用架機,
重玩到夜晚十二點幾先至訓呀,
對於一個平時十點幾就上床訓嘅老人家黎講,
真喺十分之頑皮和放縱呀!

於是我就對佢講:
新鮮仔:『你唔好咁夜訓呀!』
新鮮媽:『好玩吖嘛!』
新鮮仔:『你唔眼訓嘅咩?』
新鮮媽:『唔覺喎,我玩玩吓就十二點幾囉,一訓就天光.』
新鮮仔:『你再喺咁,我收返你架機架!』
新鮮媽:『唔會架啦,有架機幾好玩,我實學得快過佢哋呀!』
新鮮仔:『原來又人想攞威,想認叻喎!』
新鮮媽:『佢哋學先我成年,我唔喺咁樣點追得上呀!』
新鮮仔:『強身健體之嘛,乜你咁好性架!』
新鮮媽:『費事啋你呀,我今晚又睇過!』
新鮮仔:『無得救,中哂毒!』

PS:原來唔喺青少年先至會好性和夜訓,老人家顛起上黎都一樣會喺咁!