洗衣水飲死你!

今日有兩單新聞都是與外傭有關,
一單是外傭遭僱主虐打後不忿,
所以在飲用水中加入洗衣水,
使到僱主一家肚痛入院
最後外傭被判入獄六個月;
另一單是一名外傭遭僱主母女虐打,
又用熨斗烙其手臂和逼她飲洗地毯水,
外傭終在街上暈倒送院救治!

我們時不時都會見到這些新聞,
從而反映外傭同僱主間會存着不少矛盾,
有些僱主會以為畀咗三千幾蚊就要用到人盡,
什麼雜務都全數畀哂啲女傭做,
有時仲要外傭前往住在鄰近家人的家務,
真喺一日二十四小時都唔夠用呀,
更差的是有些僱主會對那些家僱隨意呼喝,
就連家中啲小孩都有樣學樣,
對她們指指點點大聲指駡,
根本不當家傭是人一樣,
這種關係不就是古代奴隸制度嘅變奏?
試間長期在這樣環境生活下的外傭又怎不會對僱主產生仇恨呢?

當然外傭就是受到虐待亦不應該用一些劣質行為報復,
她們固然可以投訴或者不幹,
但要知道大部漂洋過海打工的外傭都十分貧窮,
她們在家鄉都有一家大細等她養活,
所以就算受到不公平的對待時,
她們往往只好繼續啞忍,
在日積月累下的壓迫下,
個別自然會採用"小動作"來對付"仇人",
而且這些"小動作"真是防不勝防的,
所以誠勸那些克薄僱主做人都喺將心比己,
否則受害的此終都是自己而已!