每個人受到家庭背景的影響深淺不一,
有些人成長後都會受着上一代的牵引,
有些人則個性強烈,凡事都能自主自行,
其實各有好壞,不能一概而論,
但無論如何,作為一個能夠獨立思考的人,
對於每件事都應該有自己的見解,
不可能完全依照父母的意願而為!
曾經有位朋友與女友相戀多年,
女友不單温柔體貼,
而且又煮得一手好菜,
再加上不斷鼓勵我朋友事業上努力發展,
所以兩人都差不多到逹談婚論嫁的地步,
無奈只是因為那女子生肖屬虎,
朋友雙親認為虎女克夫,
極力反對他們繼續來往,
而且更以死相逼他們斷絕關係,
可笑的是我朋友雖然不相信風水命理,
但依然聽從父母之言放棄女友,
真是天大的笑話一個,
亦是愚孝的表表者!
也許我自小都是我行我素,
由小學揀中學到中學揀預科,
以至後來入理工讀設計都是自己計劃決定,
家人的意見亦都只作參考,
所以自小就養成獨立自主的性格.
個人好怕那些雞毛蒜皮小事都要問過父母的人,
父母說一,他們不敢說二,
無論有理無理都依照父母的意見,
好像完全没有自己的個性,
或許有人會覺得我過份自我,
但作為一個成年人是應該以自己的意願為先,
孝順父母是天經地義,
但不代表我們要完全任他們『擺佈』,
合情合理嘅當然會聽,
否則就算是『天皇老祖』我都話之佢呀!
要記住我們要行自己的路,
並不是行我們父母喜歡的路,
要孝順不是要愚孝!
40 則留言:
My mom always wants me to marry rich. Of course, I don't eventually.
ruth,
哈哈哈~~
做得好! :)
原來我地都幾似wor..wahahaha~
yanyan,
你意思喺一樣咁後生?
哈哈哈 XDD
個女仔嫁著你朋友都唔方會幸福!
散得好呀!!!!!!!!!!!!!
好多人話阿爸阿媽得一個, 所以就晒佢地,
痴痴地, 咩人地個仔/女冇阿爸阿媽o既咩,
做人將心比心好~~~
becky,
之唔喺叫"愚孝"囉,
咁鬼死聽話,
父母喺盲塞,
兒子喺戇居!
你講得啱,
執到咸三聲呀!
Your friend should submit the girl's zodiac to his parents beforehand :(
tofufa,
咁咪一樣喺愚孝!!
無理由咁盲目聽父母話嘛,
而且結果都會喺放手,
所以都無用喎!
最尾果段講得精彩,
人一出生就是一個個體,
聽父母,雖然要好好地聽話,
但不一定要完全服從,
自己有能力思考,
應自己決擇.
身邊都見不少愚忠愚孝的人，啲唔合理嘅行為，有時真係睇到火都黎埋架。
=)
好似回應緊我篇文咁
我之所以有D難受, 唔係因為果時父母強迫我聽佢地話, 而係我一向唔覺得有問題地自發遵從.
佢地一向死慳死抵, 我就由細跟住慳, 衣食住行好多野都唔肯試. 人地買零食買新衫買新玩意, 我就乜都無試過; 好多人話"你細個未試過咩?"既, 我甚至唔識從乜途徑去試.
阿媽叫我唔好相信任何人, 我就成日對人起戒心, 覺得自己應該同人保持距離. 父母平日基本上無朋友, 工作之外只有屋企人.
我而家睇番自己, 覺得我根本上就係我父母既翻版, 但而家開始唔中意過咁既生活.
但其實父母唔係制肘之人, 一向以黎我讀書選科等都係自己做決定, 佢地只係過份保護, o係佢地認識之內既野都幫我做埋決定, 而我又甘於順從.
到而家要作出改變時, 就忽然感覺好大衝擊.
Such a pity, your friend really 有缘无份 =(
狩萌獵人,
話雖如此,
由於父母經驗比我們多,
要客觀聽聽他們的意見才作決定為上喎!
小豬,
佢哋覺得無問題就無問題啦,
到佢哋覺得唔ok時就會反抗啦,
否則我們勞氣都無用喎! :)
oscar,
其實是我們多年看到這些事情有感而發,
相信這些情況是普遍存在,
上一代同下一代對事物嘅睇法一定有唔同,
有事慢慢商量吓,
意見不同都可以心平氣和,
最多咪"乙水"住佢哋先囉,
俗言都話"意見接受,態度照舊"嘛!
人大咗就一定有自己嘅諗法,
父母嘅意見無話啱唔啱,
只要"適唔適合"啫,
你覺得唔啱用嘅就自行決定,
話哂你都大個仔啦!
eden,
佢咁愚孝,
那段緣份是他自己放棄的,
無得可憐!
quoting:
"而且更以死相逼他們斷絕關係"播!!!
逼死父母﹐天地不容﹐點化解先?
space兄,
主客要分清,
這個case是父母逼兒子,
不是兒子逼父母,
佢哋食古不化都無計,
天地不容??
他們真的死了不是死在自己兒子手裏,
只是死在自己于腐守舊的封建思想,
理永遠在孝之上,
我絶不向愚孝低頭!
咁則係賭一鋪他們是靠嚇的了!
我與你一樣，我都是一個很自我的人
記得我升中一時，我自己選我想念的學校，媽哦了好一陣子...
到中學選文/理時，我不理母親勸告選了文科（結果到大學時她還在說..我怎麼不選理科！）
現在, 我去旅行...她也是不斷阻止我的...
不過，我還是照去——上次去西藏她真的叫我不要去的，但我還是去了..
hoho
SPACE兄,
喺呀,
如果佢哋喺都咁盲塞都無辦法,
由得佢哋囉!
夕,
原來你都是一個"包抅頸"的人! :P
從前,我也算是"愚孝"的人.
現在, 我不在"愚孝". 只是有時感到無奈.
walter,
其實這篇有部份是看到你的遭遇有感而發的,
希望你唔好介意!
做人子女有時會有好多困難,
總之放鬆啲,
問心無愧就可以了! :)
但係! 于心何忍呢?
啪啪，呢篇"打"得好 =)
”孝順”兩個字有時真的誤己誤人，父母親的守舊迂腐很多是是出有於保護，怕子女誤行差錯枉了時候行錯了路，可惜他們永不知道什麼是過時，什麼是要有獨立思維，什麼是愛你變成害你等言詞類，也就如是好心卻做了壞事！
認為對的風子也是固執，爸總說我死硬派，有時會祗會苦了自己 ～
我也有眼见過, 因父母堅决說男方"太瘦", 像病君和她不"相襯"...女的就和他疏遠 ! oh my god.....
風子,
只要盡量保持客觀,
不是死牛一邊頸,
我們是應該走自己想走的路! :)
tonia,
咁就放棄,
增肥咪得囉,
可見那個男女的關係不是很堅固了!
space兄,
不忍還需忍,
難道自己的人生要受一些無理迂腐嘅思想囹圄嗎?
無自由,
就如行屍走肉,
無哂意思!
應該化解, 唔係硬碰。
space兄,
可以化一定化,
但喺有啲老人家是食古不化,
點講都無用,
唔喺樣樣嘢都一定有方法解決,
盡咗力問心無愧就算了,
世事無完美嘛!
這個年代應該只有很少完全聽哂父母說話的人，大家都是成年人，有獨立自主的空間，而且亦不是父母就一定正確，父母都有很多時是錯架！
bbj,
我初初都喺咁諗,
但喺還有不少人還是受到父母很大的制抓啊!
擇善而固執之 =)
類似事情也曾經發生在契小佬身上。女的不知道是血糖低還是怎樣，所以他父母反對。我不明白他爲什麽會照做。。。可是事情閙得雙方家長非常不愉快，所以他說再繼續下去也沒有辦法。
風子,
:) !
hanamaru,
那個男的根灴不懂什麼是愛,
就算懂都不是很愛他女友,
這樣就放棄的人,
不要才罷!
天下無不是父母
space兄,
哈哈哈~~
哩句嘢好似唔喺話父母講嘅嘢一定啱喎!!
就算喺咁解我都唔會跟住做,
簡直封建思想,
我唔受哩套啦! :p
發佈留言