傳統的紙燈籠愈來愈少,
現在的家長好怕小朋友燒傷,
大部份都會買塑膠燈籠加電燈膽,
你話幾無意思呀!
其實有"家長指引"的話,
對於小朋友來講,
玩吓紙燈籠都可以喺一個鍛鍊,
至少學識什麼是危機處理吖!
火又話唔掂得,
電又話唔掂得,
粗口又唔畀佢哋聽,
壞人又唔畀佢哋了解,
連最簡單的生活起居都唔識,
小朋友只是會生活在一個玻璃室入面,
他們成長後到社會工作只會感到措手不及,
完全不曉得如何面對和解決問題,
有事淨喺識得返屋企問阿媽,
咁樣成長嘅小朋友點會能夠自力更生架?
老友,都喺時候買返個紙白兔燈返家企玩啦!
16 則留言:
電燈籠仲危險
家陣made in china 電燈籠做得好差
好易短路，令條線過熱燒著D保護膠
希望今年唔會再有呢D新聞...
喺咩?
有咁嘅事?
咁玩膠燈籠啲細路都可以學到危機處理喎!
哈哈哈~~~
今日行過鵝頸橋間紙紮鋪見到個超正GE紙燈籠,係一隻蜻蜓,但都幾貴下,要成五十幾蚊,心思思想買, 但又覺得貴左d~~
木頭狗,
如果五十蚊可以逗到自己開心嘅,
又有物所謂呢!
細個都有在中秋和元霄玩燈籠。
一向不愛動物燈籠，
我用的時風琴式的燈籠，
紅的，黃的，綠的，青的，藍的，紫的.....
拉開時有些畫了圖案，現在好像不見了有得賣！
而家好似唔見有走馬燈賣..細個0個陣覺得好神奇~
細個時候玩嘅燈籠係爸爸親手造架，冇人同架！好懷念！不過我都好鍾意白兔燈籠，有轆可以擺喺地下拖住行。
小白兔燈籠是我童年至愛呢! 上年中秋也買了一只(見http://love2b3.blogspot.com/2006/10/mid-autumn-rhapsody.html)
space,
我好鐘意動物燈籠架,
好靚又特別,
細個唔知幾恨有呀,
不過不是次次有,
多數都喺用風琴式燈籠喳,
有點悶啊!
翔,
走馬燈?
我諗要去啲專賣元寶蠟燭嘅商店才有了,
仲要喺大間又老字號喎,
平時都好少見了!
小豬,
你就好呢,
我淨喺識整沙田柚燈籠喳,
不過我諗而家啲細路可能聽都未聽過呀!
玉兔,
我都好喜歡兔仔燈籠架,
貪佢有輪喺地下走動,
好癮架! :)
我地冇柚皮燈籠喇，
啲柚皮要用來煮成，
柚皮做餸吃飯食架，
只有風琴式燈籠玩。
不過我又幾鐘意播，
可以自己畫啲圖案，
又可以寫書法上面。
space,
細路哥有物都開心,
無而家啲細路咁物質主義嘛!
老實講...
我個人有少少覺得在下的弟弟就是一個"有事淨喺識得返屋企問阿媽"的人...
唉...
夕,
我都有咁嘅感覺,
啲家長太竉啲細路了,
咁樣簡真喺害咗佢哋,
物都要靠人,
自己就無能力面對困難,
咁樣點會成長呀!
發佈留言