鬧人事件簿!

真喺愈諗愈火滾呀,
講明先,呢篇喺鬧人架,
有好多爛口和火爆嘅言論,
頂唔順嘅就唔好睇嘞,
仲有唔好對號入座,
激親唔好頼我!

我想鬧啲性頼嘅人,
好似我之前講嗰篇疏忽照顧嘅例子,
有人話啲社工失職才會弄到如斯田地,
挑!我話都離X哂舖嘅,
啲社工都喺打份工啫,
人哋一早就想跟進個CASE,
但喺條女就唔理唔理,
幫佢揾埋學校畀個大仔,
佢幾個月先至帶個仔返得二十日學,
咁樣又怪得邊個喎?
你嘅仔自己唔理,
唔通要人篤住你黎教咩?
咁嘅人直情喺爛泥扶唔上壁,
爆大獲又頼得邊個喎,
關政府叉事咩?

又好似啲人成日話教育制度有問題,
所以啲學生成績才會愈來愈差,
挑隙星吖,物都頼人哋政府,
教育制度有問題時,
你哋啲靚仔靚妹又花咗幾多時間去讀書先,
每年都有十幾個巴仙嘅人全科攞 U 呀,
唔喺躝街就喺打機上網溝女畀仔,
再衰啲就食丸仔,搞3P,5P,搞大個肚,
本書掂都無掂過,直情可以當新書賣返出去,
哩啲學生正式讀屎片,
浪費哂社會嘅資源,
DOWNLOADING老翻佢哋就醒到會飛,
叫佢寫篇英文作文就慘過叫佢哋死,
哩啲咁嘅人邊有資格去批評教育制度,
叫佢哋返歸早抖啦!

又好似有啲家長物都頼哂個學校,
自己就物都唔理之餘仲要做壞榜樣,
搭地鐵最鐘意搶位,
飛報紙飛書包霸位都見唔少,
衝閘門入車廂又喺咁,
夾親時又頼人哋閘門設計有問題,
我話最有問題喺佢哋個腦呀,
明知唔啱仲要惡人先告狀,
又有啲父母自己都爛口爛舌,
鬧啲仔女講粗口時都喺X媽拆蟹,
啲細路學埋學埋咪照板煮碗囉,
根本就喺臭坑出臭草,
咁嘅家長又有物資格話人吖,
不知所謂!

又好似早幾年啲負資產咁,
除咗啲真喺買樓自住嘅,
其餘嘅通通都唔抵可憐,
佢哋都白痴嘅,
炒樓炒股票炒到火紅火綠時,
賺到錢又唔見佢哋會捐啲去公益金?
到泡沬爆破時就懶政府唔幫佢哋,
又喺性頼架?
開埋個庫房畀你哋任攞好唔好?
真喺白白哋痴!
好嘞而家個市好返啲勒,
啲人又再炒股啦,
個個盲目喺咁亂炒一通,
如果又有事時又咪喺頼政府囉,
物都頼人哋頼政府,
自己做嘅嘢,搞嘅鑊唔洗揹飛架,
咁無吉士就唔好出黎炒哩炒路,
又話物又話七,
返歸早啲訓啦!

閙完!