【蘋果日報】九月十八日
借 同 學 NDSL 不 還, 遭 母 責 備, 12 歲 男 童 廁 內 上 吊 死我覺得今次都喺NDSL嘅錯,
12 歲 的 輝 仔 因 為 借 了 同 學 一 部 遊 戲 機 不 還 ， 同 學 向 輝 仔 母 親 投 訴 ， 母 親 昨 日 在 電 話 中 指 摘 兒 子 不 是 ， 輝 仔 突 然 情 緒 激 動 ， 哭 衝 入 廁 所 ， 家 中 菲 傭 不 以 為 意 ， 直 至 半 小 時 後 才 發 現 輝 仔 竟 用 毛 巾 上 吊 尋 死 ， 經 送 院 搶 救 終 告 不 治 。
如果無NDSL,就無得借啦,
無得借就唔會沈迷啦,
無沈迷就唔會畀阿媽鬧,
無畀人鬧就唔會有人自殺啦,
你話喺唔喺?
所以為咗小朋友嘅安全,
一定要立即禁止出售NDSL.
為咗保護我們『弱小』嘅下一代,
計我話最好就連PSP都禁埋,
其餘啲網GAME, MSN, ICQ禁埋就仲好,
等啲小朋友唔會被人傷害到嘛,
咁樣就一了百了囉,
家吓啲小朋友開口埋口都自殺,
佢哋啲心靈咁脆弱唔話得架,
講一兩句就諗到要自殺,
唔洗諗架嘞,
一於禁哂啲掌上遊戲機啦,
一勞永逸嘛!
ps: 以上只是一個諷刺性反話!
18 則留言:
我想我是少數唔玩電子遊戲機，
我手慢腦鈍唔適合玩啲遊戲機，
有乜野咁吸引無得玩要借唔還，
重要畀老母罵幾句就要尋死呢？
而家D細路好恐怖o架, 唔話得ge, 話下就要生要死, 你估做戲o羊~~
我地以前咪又係俾人鬧大打大ge~~
都唔知知點解而家D教育o甘失敗~
啲小朋友小小事就死,真係可憐...條命真係咁唔值?
nds & psp我都有,但唔關事,問題係依家啲小朋友心態變得好難捉摸,如果係一件咁小嘅事都要去死,有可能有日電視停播佢想睇嘅卡通片,佢又走去死,唔通又叫電視台負責咩.
我自己應為因為父母太錫仔囡引至,而且同個社會問題風氣有關,我唔係口臭,只不過覺得事情發展落去,將來會有更過份嘅事不斷發生.
無遊戲機一樣可以因為大人一句不順耳的說話去尋死...
現在的小朋友真是... 我覺得是教育問題...關遊戲機什麼事?
space,
遊戲幾好玩架,
不過無得玩就死就誇張啲,
啲細路唔識諗啫,
大人都要要學吓點教育下一代至得囉!
木頭狗,
哩啲就喺生骨大頭菜囉,
話吓都唔得,
物都話要死,
咪由得佢,
費事哂米飯呀!
木偶,
我同意你的看法,
咁落去實會繼續有黎呀,
做家長嘅真喺要正視個問題,
唔係咁落去唔多掂!
nana,
梗喺唔關遊戲機事啦,
我至在諷刺吓佢哋啫,
而家啲細硌真喺好難搞,
做家長嘅要多多留意和學習如何教下一代先得!
唔係機的錯,
只係死者父母有問題,
不好管教而形成,
死者都有錯,
咁貴都咁厚面皮去借,
一但遺失又如何,
借出的都錯,
自己好有米咩?
我點諗都唔會自己有錢買掛,
都係由其他途徑得到,
自己的貴重物都當不了了之,
而且,
借得出,
都要知道會有(遲/不)還的出現,
早知如此,當初為何要借出,
何況有一點我不太看得起,
就是借助父母的力量,
係自己的,
就自己將它奪回,
不依靠自己而得到,
不太看起.
何況,呢個只是私下的交易,
死者父母我認為不太應插手,
而且以吊頸的方法,
相信都從電視中學回來,
沒有好好的教導,
形成大錯都應理所當然,
未免太戲劇化了嗎?
狩萌獵人,
除了那句"都要知道會有(遲/不)還出現"外,
我大致都同意你的看法,
所謂有借有還上等人,
無論大人細路借咗嘢就一定要準還,
這是個人嘅操守,
如果唔喺就無下次啦!
ps:當然唔喺遊戲機嘅錯,只是諷刺手法而已!
計我話禁上網、禁出街、禁講電話、禁電視、禁曬所有野，淨係將D小朋友綁向櫈到，貢就唔會出事嫁喇。
我覺得唔係NDSL的錯.
我唔信全個香港或全世界得輝仔借人NDSL不還而被人鬧.
根本係個細路睇唔開.
有得佢問人借來玩下已經好幸福.
世界下有些細佬連NDSL係咩都唔知, 莫講話玩遊戲機, 飯都無得佢食呀.
借機唔還被阿媽指摘就要尋死, 咩心態吖你話.
禁? 禁得幾多?
無掌上遊戲機可能又有其他乜乜啱細路玩的玩物.
乜都禁的話, D細路無童年架啦.
hanamaru,
好似得你明我想講什麼喳!! :(
pigbon,
我唔喺咁嘅意思,
是相反至啱呀!
哈哈..我發雞盲...見不到你那句 "PS"
:p
pigbon,
你無發雞盲,
我剛剛先加上去架,
因為好多人都以為我真的怪遊戲機嘛!
其實只是講反話,開個笑吧了! :)
宜家o的細路都唔係路o架!
我第時生仔一定玩體罰,
體罰得多冇咁易自殺,
睇我宜家23歲仲咁開心玩緊nds就知啦!
becky
體罰又話虐兒喎,
你個仔可能會告你架,
再唔喺又自殺囉,
你話吹唔吹脹吖??
發佈留言