我想講呢樣嘢好耐了,
如果有青少年睇完唔"老黎"唔好打我!
你唔好問我上面嗰兩個係邊個,
我都唔多知佢哋係物水,
只不過知道係啲新偶象啫,
其餘就唔多知嘞!
我想講而家有啲青少年是"盲"的,
粉絲迷偶象我見怪不怪,
以前就話不理唱唔唱得,
識唔識得做戲都好,
總之靚仔靚女就無問題,
但係而家就專迷啲"醜魔鬼怪",
好似什麼李準X,棒X堂,唐X哲,東X神起......
油頭粉面,三尖八角都話有型,
眉尖額窄,蛇頭鼠眼兼奀挑鬼命,
有啲仲成個乸型咁,唱又唔係唱得好,
其實都唔知佢唱物就話好鐘意佢,
真係唔明白而家啲細路啲審美觀何在?
睇見哩班咁嘅"妖獸"大行其道,
啲靚妹靚仔又瘋狂盲目追捧,
老實講,有啲所謂新偶象,
我直情覺得唔靚之餘仲係好嘔心,
真係唔知好嬲成好笑,
點解會變成咁架?
32 則留言:
呢啲咪叫做『代溝』囖！
你有機會見到新鮮媽，問返新鮮媽，當年你迷個啲偶像，
佢是上一輩的又點睇喇！
我想講..我都有新鮮哥的感覺la...
又唔靚仔, 又唔係唱得好聽...
好得人驚啊
最大問題係
我發現一個與我同年紀的舊同學也與你所說的那些妹妹仔一樣迷戀那些「偶像」
好驚啊......
真是很怕那些"油頭粉面" 不男不女的,
還是"梅姐"最好...可惜...她已在仙間...
space,
我都覺得張活游,張英,嘉玲,白燕靚架,
新鮮媽都話得張國榮,梅艷芳好架! :p
但係我們都頂唔順而家哩啲"醜魔鬼怪"啊!
夕,
英雄所見略同! :)
tonia,
我最憎啲油頭粉面,
搞到成個女人咁,
好難頂! :(
咁你今次選圖就選得唔係咁好了~
因為相中人仲可大致分得出男女!!
有D睇樣分唔到男女的, 已經勁驚.
甚至有D睇埋身型都分唔到男女, 簡直... 嘔...
我唔歧視變性人, 起碼變性人已經為自已選定左性別...
但果D不男不女既偶像...
唔講了, 費事說話太難聽~
總之我地立場一致~ lol
Oscar,
我驚人投訢呀,
如果放啲太"恐怖"嘅,
怕嚇走哂啲人喎! :p
其實真係有啲仲差嘅咩???
我唔知喎? :p
我都覺得好難明！
但係出街睇見靚仔靚妹個身打扮就
知佢既審美眼光
我覺得佢地好型呀，乜你地唔覺咩？
人地天生咁有型，佢地都唔想架，真係無計…
「油頭粉面」<---貼切
「有啲仲成個乸型咁,唱又唔係唱得好,
其實都唔知佢唱物就話好鐘意佢,
真係唔明白而家啲細路啲審美觀何在?」
你講左我同D fd講左好多年既野@_@
知音人，握下手先！
樣乸型冇得講啦，呀媽生成，唔通鬧人地呀媽咩
史提芬周講過：
「檸檬頭，福鼠眼，秤勾鼻，八字眉，葵扇耳，噓鋸嘴，老薑牙，燈芯頸，鴛鴦膊，長短手，高矮腳雞胸狗肚飯桶腰！我係你我就死左佢啦」
用黎形容佢地真係好貼切XD
唔知做乜E+ D男人鐘意玩假音
但又冇氣冇力，聲底又唔岩唱假音
結果就...XO
唉，都係聽返舊歌算，冇眼睇
我都好怕D娘娘腔的男孩.
之前睇電視, 唔記得係"飛落海"定"棒棒堂".
樣就已經乸, 仲要加埋懶可愛懶親切的台灣地道尾音("喔"OR"唷"之類..)好難頂啊.
coobe,
可能我好耐無去旺角,
而家都唔知佢哋著什麼了!
xexex,
哈哈~~~
小心畀人xyz喎! :p
伊麵丹,
班友咁本唔係天生乸形,
千奇唔好侮辱人哋阿媽,
係佢哋自己塗姿蕩粉,
又著埋啲女人衫才會咁樣啫,
不過話時話,
有咁樣市場先至有咁嘅人出現,
班白痴粉絲都要反醒吓!
pigbon,
哎唷~~~
係唔係咁呀????
哈哈哈~~~~
飛輪海都有個吳尊睇得吓,
其餘啲所謂組合就嚇親人! :p
市場同供應者係互動既
班友仔既品味有問題
但娛樂圈既人有責任正確引導個樂壇既氣氛
而唔係俾D低級品味扯住條尾黎行
一個都唔識,風子out左好耐!
所以 - 無意見 :X
右圖那位是龜梨和也吧? 好像在日本挺紅的,連蠟筆小新的妹妹小葵也是他的粉絲。
他的身軀好像只有一般男生的二分之一:p
那麼嬌俏的男生,真是感到連自己都比佢地更像個男的-_______-!!
點解凈系彈呢？
有冇從後生仔女啲角度
去探討下為何他們喜歡
是受外國東瀛藝人影響
是外國東瀛荼毒我們啲
年輕人還是因為太過 Globalization！
伊麵丹,
咪玩啦,
娛樂圈幾時有過糾正社會風氣嘅習慣呀?
賺錢之嘛!
風子,
you are "the queen of outdated"!
哈哈哈哈~~~~
玉兔,
聽你講完我仲驚,
二分之一的男生???
OMG!!!!!!!
好噁心呀~~~~
SPACE,
無喎,
今次不是從"社會角度"出發,
只是純用美學觀點來看而已!
嘻嘻~~~ XDDDDDD
"the queen of outdated"!?
哈哈,失禮晒 ~
風子,
實致名歸嘛! :p
咪係囉,啲後生仔都唔知咩野Taste，9唔搭8。
又或者係我地老左喇!!!
魔法豆豆,
佢哋咁嘅口味,
我哋唔認老都唔得囉! :p
唏, 佢地大過o左就會鍾意Man o既男人o架啦,
我後生o個陣咪又係鍾意埋o的瘦猛猛o既?
大大下就會識分男人到些點先叫吸引!
我個人認為一係身型, 一係才華.
becky,
以前啲妹妹仔都唔係咁嘅,
你睇吓F4紅時,
唔打得都睇得吖,
但係今日其他啲所謂偶像,
唔係乸到成就醜刑爆,
又無才華,
都唔知啲靚妹貪佢哋物嘢好!
I think it takes time for the real idols to stand out from the crowd. In our time, there should also be some not so good entertainers but they are long forgotten already.
ruth,
希望是這樣啦,
而家好多所謂偶像真係好麻麻,
但係啲細路哥真係好瘋狂咁迷佢哋!
發佈留言