呢隻蘇聯錶係好多年前我係北京買嘅,
我都唔記得嗰時蘇聯解咗體未了,
只記得當時一個人背着背包遊北京,
冰天雪地零下十幾度凍到我死,
落咗火車轉計程車到前門站,
個司機又唔熟路喎,
係成呎厚雪地上找了兩小時才找到那間"華僑賓館",
當時又時近黃昏,
幾驚會訓街呀,實凍死!
幾經辛苦左問右問才找到目的地,
check in咗,成個人都軟哂囉,
物都無食就訓到天光!
第二朝晨早起身,
一出飯店門口就係雪地上見到有檔地攤賣錶,
冰天雪地見到佢咁辛苦就埋去八吓,
見到兩隻蘇聯錶幾靚就買咗下來,
其實都唔知"堅定流"架,
不過見外型幾正都係八十蚊一隻就買,
直至而家都唔知係真定係假,
不過無所謂啦,
喜歡就可以了.
有個朋友好喜歡收集軍用物品,
當年見到嗰兩隻錶流哂口水,
夾硬要我送佢一隻,
到而家佢重週不時提起我哩隻,
我諗佢都係念念不忘想要理,
難得有知音人,
遲啲都係送埋畀佢吧!
10 則留言:
冰天雪地搵兩個鐘又真係好命
難得有知音人又真係幾開心
coobe,
真係幾辛苦架,
不過都算係一種體會! :)
”好多年前我….,唔記得嗰時蘇聯解咗體未了”
“不過見外型幾正都係八十蚊一隻就買”
據你咁講,呢隻錶經已是古物啦!你知道嗎?好多年前的你個年代, 八十蚊好大塊錢既啦 :p
Cool to be travelling on your own. I haven't try that before ... think i don't dare =P
贈送手表很有情有義！
風子,
我諗無你諗得咁耐啊,
那時我那是學生哥,
錢不多,
但都覺得八十元可以接受,
相信是ok啦! :)
eden,
其實唔難架,
只要你捱得苦,
嗰時我是學生一名,
食嘅住嘅都唔講究,
而且去北京南京都十分安全,
只要唔好一個人晚上行去啲黑麻麻嘅地方就ok!
有機會你都可以試吓,
最多一個人去日本玩,
日本都幾安,而且又方便! :)
space,
我又無諗過哩樣嘢喎,
只是覺得有人喜歡就好了,
難得咁多年嗰fd都咁喜歡嘛!
My husband got one too. I guess people who like going to China in those days like buying this kind of souvenir.
ruth,
可能真係好似你咁講,
而家除咗啲軍用品迷外,
都唔係好多人會玩哩啲蘇聯錶了!
發佈留言