回望香港人

對於我們這些上個世紀出生的人來說,
香港的變化真的好大,
人口雖然愈來愈多,
但質數卻不升反降,
一般人都怕捱苦,
揾錢只想找捷徑,
對社會無期望亦無承擔,
社會充斥着個人享樂主義!

當世界名牌陸續進駐香港時,
我們會覺得香港愈來愈國際化,
但買衫都係去歐洲,日本,
咁樣先至夠in夠豪夠性格;
去玩唔再去東南亞,
唔貴唔去,唔遠唔去先至勁;
就連買樓都揀個"尊貴啲"嘅名先至買,
什麼"帝苑豪庭","君臨天下","君傲灣"...
總之個名有咁威得咁威先至有身份,
講到尾咪又係打工仔一名!

當股市上升到二萬九千點時,
我們又會覺得好快就會超越英美市場,
人人日日看着股票機做人,
看見那個紅箭咀不斷上升,
我們會覺得自己愈來愈富有,
食飯食魚翅的日子又回來了,
最好再開枝紅酒仲有class士.
打工無發逹,做生意又辛苦,
個個都話按吓股票機好過,
打份工都係當兼職而已!

回看我們上一代,
好多都是做勞動工作出身,
經過長年累月的努力才累積到今日的財富,
他們的財富得來不易,
我們有時會覺得他們是"守財奴",
唔捨得食,唔捨得著,
咁樣做人好似無物意思,
錢賺來梗係用黎洗.
或者是如今的人賺錢快咗易咗,
所以洗錢都爽手咗,
但大家有無發覺而家好多人買樓啲首期都係問父母攞,
點解以前啲人賺得少反而留到錢,
但係現在我們賺得多就儲唔到錢呢?

啲人成日講:"work hard,play hard!",
其實都係啱嘅,
但多數人都係記得後面句多啲,
返工都係"hea"吓"hea"吓就算,
一去玩就鬼打都無咁精神.
記得科網股熱潮未爆時,
好多人時常講三十歲要做CEO,
到四十歲要退休環遊世界,
其實到而家好多人都咁諗,
如果真係咁樣做,
人要咁長命做什麼?
現在不少人一講返工就苦埋口面,
自己唔鐘意份工點解又要做呢?
明明唔鐘意計數做文員,
讀大學時點解又要揀ACCOUNT同MARKETING讀呢?
自己唔搞清楚自己嘅理想同目標無得講架喎,
做得唔開心都無得怨架!

另外打工就梗係會受吓氣,
做老闆都會受啲客嘅氣啦,
咁唔捱得最好今晚買六合彩,
中咗就唔洗受氣囉!

唔好意思,
太長氣了,
講完!