昨天出版的2007年會考及高考報告提到,
上年考生被評基本常識貧乏,
除不熟悉國際及港澳事件外,
名人中又只認識富商李嘉誠及特首曾蔭權,
其實這些結果都是意料中事,
無什麼新鮮稀奇!
今年比較有趣的評論要是無禮貌這點,
中文科報告直斥不少考生在會話時爭相發言及打斷別人發言外,
(昨晚電視區議論壇亦有見此類行為,詳情可看下篇)
更有考生應考時咀嚼香口膠,
佢哋可能睇得美國片面多,
以為一路食香口膠一路講嘢好有型,
定亦或以為食住香口膠講,
就算有懶音考官都唔覺呢?
最抵死係在會話「今夜我不想睡」這題上,
大部份考生都話因為自己親人身患絶症,
因而產生「今夜我不想睡」,
難道咁多考生嘅家人都有重病就死?
一年有成廿萬考生咁多,
唔通年年都有廿幾萬人死?
如果係真嘅香港就唔會咁擠逼,
咁濫情嘅藉口都講得出,
我係考官實笑到收唔到口!
14 則留言:
Um..有d的確係離哂罩...哈哈!
我今日睇到新聞都有d野想講...咁岩FD出左Po, 咁借d地方講下...
我覺得如果題目係「今夜我不想睡」, 都係作文題, 係個人發揮, 寫記叙又得, 抒情又得...
當然抒情比較易寫. 咁人生都係生離死別, 自古都係呢類題材多, "話因為自己親人身患絶症" 而"不想睡" ,好人之常情. 係合情合理..我覺得唔係"濫情".
稍為有創意既可能寫中左六合彩, 擔心自身前途等...到時可能又會比d所謂既閱卷員托評過於市僧, 自私...
唔通真係要寫到因為幫 " 四萬" 手助選..冇左皇后碼頭... 擔心正苦用公帑補貼地鐵60億元唔夠... 等而 "不想睡"??
呵呵, 到時可能話d考生太政治敏感, 冇遠見了...
而家既考生真係差成咁？
大b哥,
係我寫得唔清楚,
條問題不是作文題,
而係中文會話對答,
咁樣就唔應該亂咁作喎,
唔通真係咁多考生親人有絶症?? :p
coobe,
你話呢???
我都無眼睇啊! :(
o 咀，未笑爆。
講身患絕症可以博多d 同情分丫嘛
而且佢地又覺得合情合理，反正都係作，吹大佢囉。
但係如果係我作，我就反而會寫d 小事話自己訓唔著－－引人入勝嘛。反正都係作，可以話我做左一件錯事，或者講錯野訓唔著，咁就一大篇可以交到貨啦。
下下咒屋企人死＝．＝無解。
zoe,
我剛才寫漏咗,
那篇不是作文題係會話對答啊!
咁樣可唔可以老作呢??
不過學你話,
老作都唔好用啲咁嘅借口嘛,
無埋新意又笨蛋! :p
太誇張啦
親人身患絕症=.="
有緣親歷呢D正野
因為我唔係考呢個題目／．＼"
我果個題目悶到我都唔記得左
至於D常識
家陣D人根本全冇常識可言
講完
It's so un-romantic. It's actually a very good topic for many areas.
伊麵丹,
你都覺呢!
係唔係無眼睇呢??
ruth,
年青人無經驗,
邊樹有咁浪漫吖,
佢哋考試淨係諗住點過關就算了!
香港0既中學生分兩種, 一種係學習壓力超大,大到只係識得中英數同phy chem bio, 時事同創意都唔得閒留意同發掘; 另一種係不學無術0既同學,當然諗野唔會識得點樣經大腦, 學生個世界咁細, 除左失戀以及身邊0既人發生左啲咩野事之外,仲會諗到啲咩野好題材??
魔法豆豆,
就係咁樣囉,
咁樣落去真係唔掂,
除咗教育制度外,
家長和社會風氣,青少年人自己都要負上責任,
自己唔去發掘和了解多啲週圍發生嘅嘢,
擴大自己嘅眼光,
咁樣真係好難搞,
好易變井底之蛙! :)
依家d學生係咁
邊好似我依d咁醒!!!wahahaha
yanyan,
飽哂! @____@"
發佈留言