難於啟齒性教育!

香港人的性教育觀念還是處於十分保守的階段.
昨晚與朋友談及青少年性教育問題,
但當談到"性交","性器官"等等字眼時,
他們都感到十分尷尬,難於啟齒,
覺得談論性字眼好失禮咁!

對於性教育問題,
他們一至認為現在青少年人細鬼大,
在網上己經學到不少"所謂性知識"了,
而且學校有社工,有性教育堂,
家長根本没有什麼需要和孩子討論,
或者正確啲來講,大人根本唔曉得點教,
最好就係什麼都不用講,
細路哥自己會自自然然咁認識!

我覺得都幾搞笑,
有什麼知識係會自自然然就識呢??
唔係等啲青少年自己download啲"四仔"睇完就會曉架噃,
就好似睇方太教煮蠔餅咁,
煎蠔落蛋三兩下功夫就完成,
但我們看不到她事前花了多少時間和功夫預備.
青少年看了那些誇張失實的"四仔",
以為做愛就好似戲入面"多姿多彩"又好玩,
有樣學樣玩性交,就當玩NDSL咁FUN咁平常,
隨時隨時都可以攞出黎玩,
整親腰骨事小,搞出人命事大,
最大鑊嘅係以為一男一女走埋就要"做",
唔做就唔係男女朋友,
做咗就代表自己大個仔大個女,
又唔洗錢嘅,咪玩得就玩囉,幾FUN吖!!!

學校有社工有性教育,
咁一個社工對幾多個學生吖?
一個學期又有幾多節性教育吖?
教育內容又UPDATED與否呢?
如果你仲講緊男女性器官嘅分別時,
可知道啲囡囡囝囝己經玩3P,5P呢?
如果家長仲係咁保守,
連講性器官字眼時都會尷尬,
咁樣我們的下一代會係點呢?