李柱銘今日真係被人鬧到飛起,
『賣國賊』,『漢奸』,『吳三桂』.....
佢撰文呼籲國際趁中國明年舉辦奧運之際，
施壓要求中國改善人權，
可惜他的言論不單得不到各方的支持,
反而惹來千夫所指,得不償失!
我相信李柱銘嘅出發點是好的,
但他對港情國情了解亦都太薄弱了,
首先,中共是什麼料子呀?
你愈講佢咪愈唔理你!
第二,歐美各國真的會真心幫你嗎?
佢哋只關心貿易易差,
人權討論只是強逼開放市場和提高人民幣滙率的借口,
李柱銘都唔係第一次出國『求救』啦,
咁簡單嘅道理佢都唔明咩???
要中國真係改善人權嘅就應該多點同內陸溝通接觸,
唔好再發啲什麼外國施壓嘅秋春大夢喇,
李生你咁搞只會搞出個大個佛黎,
港英年代嗰套唔掂架,
求人不如求己,
你睇吓中東嗰邊,
咁都仲信美國嗰個馬騮頭????
23 則留言:
唉!!!!
space,
有話請直講! :)
這是他個人的政治選擇,但我為他的家人難過..
佢太自以為是喇，都唔係第一次！
加德里奧,
咁又唔關佢家人事,
不過咁樣恐硬做法,
唔單止解決唔到問題,
只會弄巧反拙,
對問題毫無幫助就真! :)
小豬,
或者係佢太天真,
佢雖有point,
但做法有點問題!
有道理
D外國佬點會真心幫你呀
計過度過，見利行事
就算幫你，都只係利用你
但代價就大lu，睇佢點落台
伊麵丹,
你講馬騮頭?
佢做埋今界都完啦!
今次都好難幫得落! -___-"
不過我欣賞佢份堅持,這不是那些掛名為民主為社會的人仕可比美,有時我地既社會係需要這樣既人存在,維護真理公義 (我不是說這件事)!
風子,
好聽嘅就係有宗旨,
唔好聽嘅咪係死牛一邊頸囉,
咁硬頸只要會愈搞愈大劑喎!
無補於事之餘,仲搞衰件事!
點解要拉其他國家落水？好似要你鄰居來管理你的家事一樣~
一. 相信美國和外國勢力真心為中國發展民主實在天真得很,
二. 以為可以利用辦奧運令中國屈服簡值惘想.
三. 民主黨登報,指 press for 是促進， 而非 施壓． 當然民主黨文膽，遍查典籍字典，有根有據，才敢登報． 但以平常人，解讀， ｐｒｅｓｓ ｆｏｒ ， 跟
ｐｒｅｓｓｕｒｅ 壓力 相關, 每天天氣報導都有 今天的氣壓 pressure 有幾高低,
民主黨的聲明, 雖不能說是指鹿為馬, 但亦不遠矣!
:)
翔,
我諗有時要看情況,
好似緬甸嗰邊,
嗰個軍人政權實在好離舖,
人家爭取民主,
但佢連僧侶殺,
咁嘅情況下,
國際社會係有責任去關注的,
但人家幫手是否別有用心就好難講了!
至於中國的情況就有少少不同,
國際壓力有時是有一點作用,
但是不是好似李柱銘係咁情況下做呢?
那就值得商榷了!
另今天報章報導
任總將於零九年退休, 報導成好像是施捨,
任總前些時還攪婚外情, 可能要畀一筆金錢, 但應不值留戀.
經傳媒廣泛報導, 任總宜週一發表, 只做到十二月卅日.
是我唔撈,不用梆手梆腳.
space,
其實無論佢用什麼字眼都死梗,
哩個時候人人歡天喜地迎奧運,
佢就走去搞哩啲嘢,
就算是內地的人民都唔會喜歡,
咁樣只會犯眾憎,
唔單止幫唔到忙,
只會愈搞愈乞人憎,
實是下下之策!
space,
任總單嘢唔未看,
所以唔可以畀意見!
不過佢都做咗好多年了!
我諗曾生會好多謝佢.
本來曾生文革言論後,受各方評擊.
而家李柱銘呢單野一出, 個個掛著鬧, 曾生應該鬆唔少..
pigbon,
係噃,
一言驚醒夢中人添! :p
說到底我也支持他^^
李柱銘撰文呼籲國際趁中國明年舉辦奧運之際，施壓要求
中國改善人權。
昨天美國高調發表，拘捕四人但中國間諜。
跟住屎忽寶又話辭職唔撈北京奧運個乜乜！
一連串小動作，中動作，咪合嗮李柱銘話齋，
但並不是幫助改善中國人權，而是另有所圖。
space,
我們不知道美國所指的間諜是不是真的,
可能是真亦可能是假,
但相信美國都有做緊類似嘅行為,
至於幾時攞這件事出黎講就是美國的選擇,
目的何在,就要大家想想了!
至於屎忽寶唔做顧問就話係中國係非洲什麼國家的政策問題,
詳細內容我無留意,
所以無得評論了,
不過中國一向都唔係倡導"人權"的國家,
佢咁做一啲都唔奇,
我雖然唔多讚同,但又可以做什麼呢?
至於屎忽寶點做是他個人的選擇,
背後有無人指使就無從稽考了!
李文和 個單夠係喇，
開始就『聲大夾惡』，
屈咗李文和坐冤枉監，
攪咗幾年都查不到，
最後不了了之，但李文和就受嗮！
啲中國制造玩具又要話回收，
『聲大夾惡』攪到有個廠佬自殺，
最後咪Martell出來道歉。
今次，
又唔知有乜嘢要逼中國就犯，
達到目的後，又咪不了了之！
space,
其實大家都見慣不怪了,
邊個國家唔係為咗自己利益吖,
美國佬真係"世界警察"咩?
咪講笑啦,
都係攞着數啫,
不過中國都係咁,
無得講啦!
發佈留言