足不出戶可以買演唱會票,
足不出戶可以去超市買貨,
足不出戶亦能知天下事,
但你知唔知足不出戶都可以收"黑社會退會費"吖?
早前有年青人玩"水滸傳online"遊戲,
加入了遊戲中一個同黑社會名字"同音異字"的幫會,
但由於恐怕會觸犯法例,所以要求退會,
"幫會話事人"隨即要求退會者繳交網幣作"退會費"
否則係網上格殺勿論云云!
哩啲咁嘅敗類都唔知死,
以為係網上"打劫"唔算犯罪,
其實捉到咪又係刑事案底,
一樣係成世揹係身上!
如果有啲死靚仔唔知大鑊,
係現實世界照板煮碗,
咁就更加大件事!
所以哩啲人捉到一定要嚴懲,
唔係到時成為風氣就大大件事!
8 則留言:
網上恐嚇+勒索, 咁都得?? 難哂譜.
如果是但開個group, 招攬哂一堆人後再改番個黑幫名, 咁咪又有得收錢?!
pigbon,
我想信有人真係咁做緊! -___-""
E+ D後生好傻好蠢
以為網絡世界好安全
其實最唔安全就係網絡世界
咁誇張既野都做得出
有冇腦架佢地
早前我聽聞過有一大班人玩online game
一班人被另一班人打贏左
就話出黎某網吧隻揪
點知兩班人真係出黎開片
真係無眼睇！
註：唔記得係中港台定外國發生
伊麵丹,
真係有人咁白痴???
低能仔一大班!!! @____@!!
真有其事= =
以身為機民感到羞恥
真係超無眼睇
真係好搞笑，咁都得呀？
而家d靚仔真係好無細藝
伊麵丹,
哩啲人真係食飽無嘢做,
唔好畀飽飯佢哋食就啱,
等佢哋有無咁有精力啦!
coobe,
得閑無嘢做囉,
成班都哂米飯!
發佈留言