爛賭成咁......

昨天經過街市見到個麻甩佬,
揸住份報紙係個拖鞋檔前面又摷又寫,
見佢隨手拿起對拖鞋睇吓又放低,
然後就係份報紙度寫低幾個"霖巴",
如此重複又重複咗數次.
初初都唔知佢搞物鬼,
又唔似揀緊拖鞋喎,
後尾八卦走近去睇下啦,
點知先至發覺佢原來拿住份馬報,
摷拖鞋攞幸運號碼來買馬囉,
真係畀佢吹x脹,
爛賭成咁,
真係唔死都無用,
連"刨馬經"都懶嘅人點會發逹架??
我成日都話如果啲人用刨馬經波經嘅時間來讀書,
真係幾個博士學位都考到啦,
到時仲洗物係街"摷拖鞋"揾食吖!