纏足其實是古代一種女性酷刑,
女孩四五歲便要開始纏起腳部,
要將大拇指外的四趾屈向腳心,
再用十呎裹腳布緊緊纏起腳部,
最後會將整個腳掌的腳骨扭折,
經長時間後腳掌便彎曲成拱形,
四個腳趾頭緊緊地壓在腳底下,
造成趾縫間發炎、潰爛、化膿,
更加上足部長期血液循環不良,
有些纏足女性小趾會糜爛脫落!
不要以為以前的女性很怕纏足,
其實不少女性是十分響往此事,
因為係男性主導的封建社會裏,
纏足的女性住住為男性所追求,
腳愈細就代表愈高貴愈受寵護,
在"女為悅己者容"思想薰陶下,
不少女性都甘心忍受皮肉之苦,
自少纏足以求得到夫家的愛寵,
趙飛燕掌上舞也是讚她腳夠小,
古代小足代表一切身份和地位!
如今當然無女子再受纏足之苦,
但代之而起的自虐精神還存在,
聽過得九十磅還要減肥的人嗎?
瘦到好似條柴一樣的也算是肥?
從前纏足是為了博取男人歡心,
今日鑯體不單是取悅男方的事,
現今的女性覺得愈瘦愈是美麗,
體重比你輕是一種優越和尊嚴,
你得一百磅我就減到九十五磅,
戰勝隔壁那個婆娘是那麼的爽,
古今的審美和目的確實大不同,
但只要能夠逹到自己心中目標,
多痛苦和難受女人都一樣忍受!
22 則留言:
女為悅己者容,古往今來如是,古有楊美人身豐體滿是為美也,如今鼓吹健康瘦身,東施效颦者眾,眾者多淪為濫也,或是自願或是應從潮流,全都是一時之風氣!
風子的太"女麻","女麻女麻"也是趕潮人,自小三寸金蓮扎得很是美感,生活確也幸福美滿!風子沒品,怎也不懂欣賞其美,難怪乎觸角遲鈍，很多事總是站在潮流末端 ~
風子,
或許你是異數呀! -___-!!
有邊個女仔唔貪靚,
而家興瘦就個個話鑯體,
你話你是生活在潮流末端,
我忽然幻想你是個"肥妹"! :p
哈哈哈哈~~~~~~~~~ :p
而家著高跟鞋同纏腳都差唔多. 我成日都話著高跟鞋係女人之苦！
昨晚看到TVB 的歌星賀台慶, 見到 DO DO 姐的瘦身材...真的佩服...真的""女為悅己者容""...
要靚唔要命嘅心態，我就冇辦法代入到嘞。
qc,
但係有啲女人真係好喜歡著高跟鞋,
著咗佢哋覺得好高貴好靚喎! -___-"
tonia,
do do算ok啦,
起碼佢會睇住個體重指標來keep,
有啲女仔得八十幾磅都話要減肥重恐佈啊!
小豬,
好明顯你是食腦一族,
所以唔洗靠外表麻,
但係如果有個你心儀嘅人話要你肥啲瘦啲,
咁樣你可能都會聽佢枝笛架噃,
係未? :p
哈哈，鍾意我嘅人，係鍾意成個我，包括裡裡外外，知道我嘅性格，我真係唔駛咁做固噃。=P
小豬,
我係男人都係咁話,
男人有時都幾膚淺,
要內涵更想要外表,
話唔會介意就呃人,
分別在於輕重而已!
E+同古時唔同
E+D女人減肥減到身體有問題
跟住就話女為悅己者容，都係你地D男人衰
我親耳聽返黎......真係無奈
家陣有人拿住支槍指住你個頭咩
你唔減肥唔洗死架
你唔肯減無人迫到你
跟手又話睇人唔好睇個樣要睇內在美
自己咪又係執著自己既外表多於內在美！
男男女女都係咁矛盾，冇眼睇
走在潮流末端祗是不倡鑯體美!要瘦?行多d山做多d運動咪得囉, 駛乜俾錢買難受卻又怕鑯走既肥糕會返反來?更何況平日工作已經忙到死,想肥都幾難,重可以點鑯呀?
“我忽然幻想你是個"肥妹"! “
你唔好唸咁多啦, 風子有份量風吹不起的,但未夠資格做"肥妹"哦, 哈哈哈 …
伊麵丹,
你唔好咁講呀,
你睇妹妹時唔係睇樣睇身材咩?
千奇唔好話啲女人減肥完全唔關男人事呀,
你有無話過啲肥肥哋嘅女性係豬扒呢??
風子,
而家啲女仔行街買咗就好好腳骨力,
叫佢哋去行山??
十個有八個話咪搞,
佢哋情願花幾萬蚊搣脂就會,
要佢哋行山,除非太陽由西方升起啦!
愛靚真係女人天性，不過我都會主
重健康先，如果要我變態咁維持靚
咁我寧願靚少d ^^
coobe,
有時有啲女仔貪靚到好盲目,
就好似著高跟鞋,
就算不是返工所需,
好多女仔都覺得著咗高跟鞋會靚啲,
就連著得隻腳變哂形都理架,
你話係唔係好無意思吖?
唔係呀,有點兒以篇概全哦，
唔好唔記得風子都係女仔哦 @.@~
我唔鐘意行街卻喜歡行山！！！
風子,
唉~~~
我都話"十個有八個"囉,
唔係話全部,無可否認,
大部分女仔都唔喜歡行山吖!
哈哈,咁我咪如你所講既異數囉 =p
Some people feel insecure and want acceptance by others. Conformance is therefore self-imposed. While others are simply assimilated. Of course, there are many other reasons too.
風子,
無錯呀,
U are "special"! :p
微豆,
或者這就是"羊群心態"嘅其中一種變奏! :)
發佈留言